مشاكل الازواج

زوجي قام بضربي وطردي

انا متزوجه بقالي سنه وخلال السنه لم اشوف يوم كويس من زوجي انا عمري 22 عاما وهو 28 من ساعات ما تزوجت وانا في مشاكل بسبب زوجي دائما يحب يوقع بيني وبين اهله ولم يصرف علي وغير ذلك يسمع كلام امه في كل حاجه يعني تقول له روح اضرب مراتك ياتي ويضربني من غير سبب ويتلكك لي علي اتفه الاسباب ويسبني من غير مصروف اتصل بي امي واقول لها كانت ترسل لي طعام المهم كنت حامل في الشهر التاسع عمل معي خناقه بدون سبب وغضبني عند اهلي وقلي امشي كل ده علشان مصاريف الولاده وانجبت عند اهلي وجاء لياخذني ذهبت معه وبعد شهر كان طفلي عنده شهرين اكتشفت بيكلم بنت ف التليفون بيقول كلمات له مش ممكن اقولها بقول له مين دي ؟ قام بالضرب اتصلت بابي واخي جاءوا ليتكلموا معهم قام بالتعدي عليهم ومسك الستور عليهم واتصل بي امه جاءت وكتفنمي لامه واخته ليضربوني واخذه ذهبي وقاموا بطردي من الشقه انا وطفلي الرضيع ذهبت الي القسم وعملت محضر بالضرب ومحضر اخر تبديد ماذا افعل انا في حيره بجد خائفه لحسن اخسر كل متعلقاتي ؟ هل ممكن ان يتزوج علي عفشي مع العلم يوجد قائمه والشقه باسم امه هل ممكن يبيع عفشي ارجو الافاده وماذا افعل اخي كلموا علشان اذهب واخذ ملابسي قال لا ؟ انا مش فاضي ماذا افعل هل اخسر بجد انا تعبانه وارجو الرد

مشاكل وحلول ذات صلة

اضيف بتاريخ: Monday, January 1st, 2018 في 11:03

كلمات مشاكل وحلول: , , , , , , ,

4 رد to “زوجي قام بضربي وطردي”

  1. البرنس
    14/08/2019 at 23:12

    يااختي جوزك مش راجل ولايستاهل العيش والبقاء معه تطلقي منه فورا وصوني كرامتك وكرامة اهلك ومسالة الشقة ولوازم العفش فان كانت الشقة باسمه فليس لك حق فيها واما العفش فتقولي ان امه هي اللي جابته فهو من حقهم وليس لك فيه شئ اما الحضانة فهي لك وتلزميه بالنفقة لك ولابنك الطفل الرضيع وهو ملزوم بدفع النفقة لك وللطفل الصغير هذا حكم الشرع والقضاء وربنا بيكرمك بخيرمنه ان شاء الله ويبارك لك في ابنك الصغير

  2. ابوالبتول
    04/08/2018 at 21:12

    شوف يااختي القانون يجيب لك حقك من هذا السافل الواطي اللي ماعندوش ذرة من الرجولة لازم ترفع قضية عليه في المحكمة وتطلب الطلاق منه فورا واتهامه بالضرب والتعدي عليك وعلى اهلك وطردك انت وابنك الطفل الرضيع من البيت وسرقوا ذهبك وعفش بيتك هو واهله والقاضي يحكم لك بالطلاق منه والزامه برد كل المسروقات الخاصة بك من البيت والزامه كذلك بالنفقة لطفلك الصغير وبكدا تستردي كل حقوقك وكرامتك وربنا يكرمك بابن الحلال الصالح اللي يستاهلك ويسعدك طوال عمرك ويبارك لك في ابنك الصغير ولايحرمك منه

  3. رجل بسيط
    02/01/2018 at 02:31

    من لهجتك مصرية !
    راجل مجنون اللي يفكر يوقف قدام زوجته في المحاكم لانه هيكون الخاسراستمري في القضاء وهتاخدي حقك تالت ومتلت
    واضح انك حد طيب ومن ناس طيبين مش بتوع مشاكل
    والله ده لو قدامي كنت كتفته هو واهلة زي البهايم وعلمتهم الادب علي اسلوبهم
    النقطة الأخيرة حتي لو حسرتي متعلقاتك مش مشكلة اكسبي حياتك واتقذي نفسك من المستنقع ده
    ويمكن ربنا يعوضك خير براجل محترم يصونك ويعرف ربنا
    لو تقدري تتحملي بعدك عن ابنك يا ريت تسيبي الطفل له وخليه هو وامه يتبهدلو في تربية الولد وما تديهمشي فرصة يضغطو عليكي بحكاية الطفل . بمعني اظهري لهم انك مش عايزة الطفل عشان دي نقاط ضعف بيلعب عليها الناس ولاد الكلب

  4. ابوالبتول
    01/01/2018 at 13:46

    يااختي مستغرب جدا من موقف اهلك ابوك واخوانك من كل مايحصل لك من هالزوج الخاين السافل والواطي يشوفوا بنتهم تضرب وتهان كرامتها وهم عاجزين عن حمايتها والدفاع عنها خلاص مافيش وراك رجالة ولافي قانون في البلد يجيبلك حقوقك من هذا الحيوان السافل ارفعي عليه دعوى في المحكمة واطلبي منه الطلاق فورا واتهميه بالضرب والاعتداء عليك وعلى ابوك واخوك لماجاوا ليخلصوك منه وانه سرق ذهبك وعفش بيتك هو وامه الولية الحرباء دي واياك والتنازل عن حقوقك له او التساهل معه في الموضوع ده والقانون في صفك وترجع لك حقوقك وكرامتك و مسالة ابنه الزميه بالنفقة والمصاريف للولد ده حق ابنك الشرعي ولاتفرطي فيه ابدا وعيشي في بيت اهلك معززة مكرمة حتى يبعث الله لك ابن الحلال الصالح اللي تكمل معه حياتك وتلاقي الخيروالسعادة والامان والاستقرار معه طوال حياتك

اترك رداً أو حلاً لهذه المشكلة