السلام عليكم انا مشكلتي ملخبطة من جميع الجهات وارجو مساعدتكم انا تزوجت وانا سني 19 سنة وكنت انطوائية وماليش اي علاقات ولا تجارب قبل الزواج واتجوزت جواز صالونات مكنتش مقتنعة ولكن اهلي اقتنعو وانا كنت بسمع كلامهم دون تفكير وخاصة اني كنت سني صغير وتزوجت زوجي طيب جدا بس سلبي ومالوش شخصية لابعد درجات السلبية في اول زواجنا كان عنده شقة بتاعتة وبصراحة اهلة فرشوها كويس المهم في اول سنة زواج بدات المشاكل بسبب تدخل اهله الفوق محتمل لانه كان بيشتغل معاهم في شركة ادوية بيطرية وكانو هما اللي بيصرفو علينا وبعد شهور فوجئت بوالدته اعدت في الشقة اللي امامي مع انها مكنتش معايا في نفس العمارة طبعا التدخل زاد واستحملت وكانو بيطفو عليا الانوار علشان يوفرو الكهربا ده غير التدخل حتي في الاكل اللي بناكله وبعد سنة ونصف ككنت ولدت بنتي فوجئت ان الشقة باسم امه وعاوزين يبعوها بسبب مشاكل مادية بالشغل وافقت طبعا وقلت معاه فيالحلوة والمرة ونقلت في شقة ايجار مؤقت بعد ما وعدوني ان الموضوع ده خلال شهور هيجيبو شقة تانية والكلام ده من 8 سنين وبعدين حصلت مشكلة و كبرت واهله بهدلوني جدا وفوجئت انهم جايبين لي البوليس علشان يطردوني من الشقة وهو موقفه كان سلبي جدا مع انه كان مقتنع اني علي حق واطلقنا سنة مكنوش بيرضو يصرفو علي البنت وكانو المفروض يدوني نفقة للصغير وبدل سكن لاني كنت سبت الشقة خالفو كل الكلام وجرجروني في المحاكم ومكنوش بيشوفو البنت خالص المهم بعد سنة رجعتلو لاني مرتحتش في بيت اهلي محدش كان بيقف جمبي ولا بيساعدني وبيعوني دهبي علشان اصرف علي بنتي ده غير انهم اخدو حاجات كتير من حاجتي وادوها لاختي علشان كانت بتجهز مستحملتش في بيت اهلي سنة وكنت نزلت اشتغلت بس ملقتش حد يراعي بنتي ورجعتلو واوهمني انه اتغير وهيجيب شقة تانية في خلال سنة وهيفتح مشروع اخدنا شقة ايجار برده وفتح مشروع وفشل لانه مكنش بيراعي ربنا وكان بيغلي علي الناس فطبعا البركة قلت ولحد دلوقتي اهله اللي بيصرفوعلينا وبيتحكمو في كل حاجة وهو مش راضي يشتغل علشان يحسن الدخل لاني المرتب ضعيف جدا بالنسبلا للايجار ده غير مصاريف بنتين لاني انجبت طفلة تانية بعد ما رجعت وانتو عارفين كل سنة الايجار بيغلي فكرت وفتحت اتيليه صغير من باقي فلوس دهبي اللي كنت بعته ولكنه بردو مش جايب حاجة ومصاريفه كتير بترجي فيه يشتغل مش راضي وانا دورت علي شغل مفيش شغل مناسب واللي موجود شغل 12 ساعة ومش نافع علشان عيالي وجبتله عقود سفر بره بردو هو واهلة بيطلعو القطط الفطسانة ومش عاوزينة يتعب ولا يكافح علشنا يعني من الاخر هو اخد علي الراحة ومش راضي يتعب نفسه ده غير الاهانات المستمرة من اهلة وبستحمل وهو مش بيعملي كرامة وسطهم ودايما سلبي وجبان جدا وبيخاف من اقل حاجة حتي اخواته كدة هما 4 صبيان بس امر من البنات ده غير انه زاللني وبينزل طول اليوم معرفش بيروح فين بلا هدف ومبيفكرش يسسبلي حتي جنيه في اليوم لاي طوارئ انا بجد خايفة او من بكرة وعلي عيالي لاني مش لاقية مستقبل لينا لان لو بعد عمر طويل ابوه اتوفي انا وعيالي هنبقي في الشارع وربنا بيقول اسعي يا عبد وانا اسعي معاك فكرت اسافر انا اجيب عقد واسافر علشان محتجش لحد لان بصراحة انا جربت اهلي وقت الشدة منفعونيش وهو زي قلته والدنيا كل يوم بتولع دلوقتي في عقد سفر ادامي بس المشكلة اني هسيب بناتي هنا معاه اول سنة وممكن بعد كدة ابقي اخدهم تفتكرو خطوة زي دي ممكن تكون صح ولا لاء انا صعبان عليا اوي اسبهم وفي نفس الوقت هنا مؤهلي مش جايب حاجة لاني دبلوم فوق المتوسط وخايفة اسكت بعد كدة ابقي في الشارع انا وعيالي وساعتها مش هلاقي حد يسندني لا لاهل ولا زوج ياريت تفيدوني اعمل ايه وياريت الرد بسرعة لان القرار في منتهي الصعوبة واسفة علي الاطالة بس بجد مش لاقيه حد يساعدني
والله انك صعبانة على جدا يااختي وتاثرت كثيرا لما حصل لك لكنني بلؤمك على انك رضيت بالعيشة مع شخص كهذا اعذريني زوجك مش راجل ولاعندو ذرة من الرجولة ولاالكرامة ولايستاهل ان يكون زوج لحضرتك واب لاولادك دي الحقيقة طالما انك عرفت حقيقته مستمرة معاه ليه ماتطلق يابنت الناس ولاحدش جابرك على البقاء والعيش معاه ماتتحجيش ببناتك الف من يتمنى الزواج منك ياعزيزتي الدنيا لسه بخير وفيها رجالة بحق يقدرون المراة ويصونوها ويحترموا الحياة الزوجية ويقدسونها نحن في زمان ماحدش بيتحمل احد حتى اهلك ماتحملوك لما تطلقت منه وشفتي ايه اللي عملوه فيك كان المفروض ماترجعيش له مهما كانت الظروف عمرو مايتغير ابدا ولايحس بقدر المسوولية ولاهو اهلا لها زوجك معتمد على اهله يصرفون عليه وفاشل في حياته ولايستطيع توفير الحياة الكريمة لكم رفض عقود العمل في الخارج وعايزك انت تسافري وتتغربي وتشتغل وهو محلك سر اوعك تسافري وتترك بناتك معه حرام تخليهم مع شخص كهذا ده مش قادر يدبر نفسه او يعيشها انصحك بالعدول عن فكرة السفر وهو المفروض يسافر ويشتغل زيما بقية الرجال بتعمل والا بقا مالوش لزمة وطلب الطلاق منه فورا ودون تردد وربنا بيكرمك بخيرمنه هتلاقي نصيبك مع الزوج الصالح اللي يخاف الله عزوجل ويقدر اعباء الحياة الزوجيةويصونها ويقدرمشاعرك ويسعدك معه طوال العمر باذن الله تعالى