انا عندى 48 سنه متزوجه بقالى 26 سنه وانا عند 22 سنه اتجوزت موظفه وباخد مرتب كبير وعندى ورث بعت منو علشان اعلم عيالى وفى ايجار بخدو غير مرتب باخدو كل شهر ليساعدنى على المعيشه عندى اربع بنات فى الجامعات والولد فى ابتداأى عندى زوج عندو 54 سنه من يوم متجوزتو وهو مش شايل اى مسؤليه ان طفل تعب منى ميجريش معايا على الدكتور وبنصف اليالى واما كنت بولد ميجيش معايا المستشفى وبيتحجج باى حاجه عملت عمليتين محضريش فى المستشفى واهلى الى بيكونو معايا واخر ولاده لابنى ولدتو وما حضرش لا بيساعدنى ماديا ولا اى شى وطلع نفسو معاش مبكر وقعد فى البيت مع انو بكامل صحتو ومش بيبص لمستقبل بناتو وعايش لنفسو وبس وطبعا معاشو قليل ومبيطلعش يشتغل مع انو صنعتو ممتازه بس هو مبيرضاش يطلع يشتغل وانا استحملتو كتير من يوم متجوزت علشان ولادى وهوبخيل جدا حتى على اولادو وكان لما اقول التعليم والبنات يقولى اقعديهم من التعليم مع انو شغلتو تجيب دهب بس مش بيردا وانا بعت كل دهبى وورثى علشان بناتى وتعلمهم وعشان اسعدهم وبناتى علمتهم احسن تعليم وهما متربين وقمرات ربنا يخلهملى ولما عريس يجى لبنتى يقولى مش هحضر ويهددنى علشان عارف انى محتجالو وسعاتها يتامر عليا انا حاولت انفصل عنو ورفعت قضيه خلع وكنت هسيبو جالى وقالى انا هتغير قولت خلاص علشان ولادى والعمر بيجرى يمكن يتغير رجعتلو ولا كن للاسف رجعت ريما لعادتها القديمه انا عارفه انى غلطانه انى سمحتو من الاول ومحدش يقولى سكتى ليه انا بحب ولادى اوى واستحملت عشانهم والله بس تعبت حتى مبقتش اطيقو فى العلاقه الحميمه اطلاقا انا بناتى فى سن الجواز وقدامى مسؤليات كتيير اوى ومش عارفه اعمل ايه هو قلتو احسن صدقونى انا ملقتش حد زى انا عايزه حل رغم انو فيه عيوب اكتر من كده بكتر ومذكرتهاش علشان مطولش عليكو اكتر من كده انا اسفه وربنا يجازىكو كل خير ومحدش يشوف الى انا شفتو لابناتى ولا الى زيهم ولا بناتكو يارب
اعوذ بالله من اللي بيقول لك اتطلقي
انا بقول لك جزاكي الله كل خير علي تحملك كل هذا العناء ولكي الله وربي يجزاكي كل خير
ولكن كملي جميلك مبقاش في العمر قد ما عدي
اتحملي بدل ما تتطلقي بعد 26 سنه زواج بناتك يقولو ايه لازواجهم
معلشي كملي جميلك واللي عند الله مش هيضيع
الاخت السائلة العزيزة السلام عليكم ورحمة الله وبركاته بؤرك فيك من زوجة وام مثالية تستحق كل الاحترام والاجلال والتقدير ارفع قباعتي احتراما لك ياعزيزتي وياليت كل النساء مثلك الحمدلله انت ربيت وعلمت بناتك 4 والان هن في الجامعات والولد في الابتدائي ربنا يبارك لك فيهم ويحفظهم لك وان شاء الله تشوفيهم وتفرح بيهم وتزوجيهم وتشوفي عيالهم وعيال عيالهم في خير وعافية وطولة عمر باذن الله لكنني حزين جدا على حالك مع هذا الزوج اللي هانت عليه العشرة الطويلة 26سنة ويعمل معاكم كده لاعايز يتحمل المسوولية ولاعاوز يشيل هموم اعباء الحياة معاك وتارك الحمل والعب عليك وحدك وهذا مالايرضاه الله عزوجل ولافي احد يقبل به مهما كانت الظروف رغم انه يتمتع بصحة جيدة وعندو صنعة تاكله الشهد لكنه شخص معتمد عليك ومتواكل على انك تصرفيه عليه وعلى البيت والاولاد وعمرو لن يتغير ابدا ولايجدي معه نصائح او كلام ابدا القرار بيدك انت ولاحد يلؤمك ان طلبت الطلاق منه وده حقك شرعا فتوكل على الله وارفع عليه دعوى طلب الطلاق واياك والتراجع في هذا الموضوع وربنا بيكرمك انت واولادك بكل الخير وعيشي حياتك مثل بقية النساء ومن حقكي الزواج مرة اخرى وربنا بيرزقك بالزوج الصالح اللي يقدر الحياة الزوجية ويصونها ويقدرمشاعرك ويسعدك بقية حياتك ويستر عليك انت واولادك ويؤفقكم ويبارك لك فيهم