السلام عليكم
حتى لا اطيل اشرح المشكلة بايجاز
انا متزوج منذ 5 اشهر بعد خطوبة 10 اشهر- حبتها جدا” لدرجة مكنتش اتخيلها وبقيت مشغول بيها طول الوقت- مشكلتي الاساسية معها اني اشعر منها بعدم الاهتمام الكافي ( قد اكون مبالغ في هذا ولكن هذا ما اشعر به ) وذلك منذ فترة الخطوبة ( مثلا” كثيرا” جدا” كنت اتصل متردش و تتصل بي بعد فترة وتقولي اسباب تضايقني اكتر-مثل- قاعدة مع ماما -بتفرج على tv-عندي ضيوف )مع التكرار الدائم مواقف كتيير ابقي انا وهي فيها القيها بتفكر او بتتصرف بشكل مش متناسب مع الموقف ( بدون تفاصيل مش بحس انها بتفكر فيا زي ما انا بفكر فيها-هي بتحبني انا عارف كده )
المشكلة الاساسية -بالنسبة لها -اني دايما اطلب منها لما تنزل من البيت ترنلي لما توصل الشغل ترنلي باتصل بيها كتير وكتير القيها بتتكلم اسالها بتكلمي مين احيانا” تقولي واحيانا” تتضايق من اسالتي – ربنا يشهد اني باسالها عادي بدون سبب-بطلب منها متروحش مكان او حتى تتفق مع حد من صحباتها على حاجة من غير ما تقولي هي شايفها اني كده باضيق عليها واخنقها
مشكلتي الحالية وعارف اني اتصرفت فيها غلط بس والله عمري ما كان غرضي منها بالشكل السئ اللي فهمته- انا عرفت بطريقة ما الارقام اللي بتطلبها مراتي من تليفونها ولقيت رقم مش متسجل باسم مطلوب 5 مرات على مدار اسبوع لفترات اكتر من 10 و 20 دقيقةطلبت الرقم طلع راجل لما سالتها قالت معرفش الرقم -مع ملاحظة ان الرقم اتمسح بعد الاتصال مباشرة- خليتها طلبت الرقم وبعدها كلمت زميلتها في الشغل قالتلها ان هي اللي طلبت الرقم ده ومسحته. طبعا” بعدها زعلت وخاصمتني و اتهمتني اني باتجسس عليها واني اهنتها
بس والله وربنا يشهد على كلامي انا عمري ما شكيت فيها ولا انها بتعمل حاجة غلط بس هي دايما” بتخليني احس انها بتخبي عليا حاجة- دايما” تمسح سجل المكالمات تمسح الرسايل اللي بتبعتها ومبررها انها مش بتحب تحتفظ بيها وانا متاكد انها مش بتعمل حاجة غلط بس ازاي ما انشغلش بحاجة زي دي وابقى عايز اعرف اقصد الرقم المطلوب ومش مسجل.
انا عارف اني غلطت لما عملت الحاجة اللي باعرف بيها الارقام من غير ما اقولها وعارف اني عندها حق تزعل لانها حاسة بظلم بس المشكلة انها مش بتفكر فيا في الموضوع واني الموضوع مكانش ينفع اسيبه من غير ما اعرفه.
اسف للاطالة بس عايز اصالحها وافهمها انها لازم تقدر موقفي ومش عارف؟؟؟؟؟؟؟
ملاحظة انا اعتذرتلها كتيييييييير بالكلام وبالدموع
مشاكل الازواج
عدم الاهتمام من زوجتي حتى بفترة الخطوبة
اضيف بتاريخ: Tuesday, January 9th, 2018 في 12:16
كلمات مشاكل وحلول: الخطوبة, الزواج, زواج, فترة الخطوبة, متزوج
يااخي انتما متزوجان بقى لكم 5شهور بعد قصة حب طويلة استمرت لاكثر من 10 شهور لحقتم تتخانقوا وتحصل مشاكل وخلافات بينكما في حياتكم مايصير كلهذا يااخي خليك واثق في زوجتك واشعرها بالثقة والامان ولاتكثر عليها من الاسئلة التي لاداعي لها كنت فين وليه ماترديش علي ولاتاخرت ليه احرص على تجنب الحاجات دي ولاتسي الظن بزوجتك او تشك فيها اوتحاول التجسس عليها او تفتش جوالها كلهذة التصرفات غير حميدة ولامقبولة بين الزوجين ابتعدعنها واحرص على استقرار حياتك الزوجية والاهتمام بزوجتك والتقرب منها وحسن التعامل معها وربي يصلح حالكم ويسترعليكم ويؤفقكم ويسعدكم في حياتكم الزوجية ولايحرمكم من بعض ويبعدكم عن الخلافات والمشاكل والشكوك وسوء الظن
هنيئا لها بواحد مثلك،، انت بتحبها بلا حدود وكثير ستات يتمنوا واحدمثلك،،بس هي ارزاق،،نصيحة لاتفتح لها الموضوع مرة ثانية ودعها واشعرها بعدم الاهتمام وهي ستأتي لوحدها