أنا اتجوزت من 6 سنين من واحده عرفتها من على النت، كان قرار جوازي منها فيه اندفاع بسبب احساسي بالوحده وشوقي للحياه المستقره، تم الجواز بعد شهرين من تعارفنا على النت والي خلاني اتمسك اكتر اني اتجوزها لما عرفت انها من اسره مسيحية وعايزه تكون مسلمه. اتجوزتها مع اني مكنتش اعرف عنها حاجه وهي كانت تعرف عني انا كل حاجه ولما اتجوزنا واتقفل علينا باب اكتشفت انها مختلفه ميه في الميه عن الانسانه الي عرفتها قبل الزواج ولكني تحملت المسؤولية عشان انا كنت خلتها تسيب بيت أهلها وتيجي معايا ومكنتش اقدر ارميها في الشارع مع اني كنت متجوزها عرفي وكان سهل عليا لو كنت مش متربي اني اخلص منها
عاملتها بما يرضي الله فتره جوازنا بس هيا حولت حياتي إلى جحيم ، لحد ما خرفت أبني ومن ساعه ما جيه على وش الدنيا وهي زادت في قله ادبها وتطولها عليا وخراب البيت لحد ما سبت البيت
سبتلها شقتي الملك وأجرت شقه اعيش فيها وحاولت احل المشكله معاها بشكل ودي بس هي رفضت اي حل ودي ودلوقني ابني معاها وانا بتوصلي اخبار تؤكد انها بتعاملو بطريقه لا انسانية وهو عندو خمس سنسن
القانون في صف المراه وانا بشوفو بحكم المحكمه 6 ساعات كل اسبوع في نادي، اعمل ايه؟ انا بشوف ابني بيضيع قدامي ومش عارف اعمل حاجه، انا جالي امراض في المعده وبعد كده سراطلن في الغده اللمفاويه من قلقي عليه ولسه مش عار اعمل ايه انا حاسس ان طفل في منتهى الذكاء بيتم تدميرو وانا مش عارف اعمل حاجه عشان هي رفضه اي حل
اخي دي نتيجة تصرفاتك الغيراخلاقية تزوجت واحدة من النت وهي ليست على دينك وجواز عرفي غير شرعي وبلااخلاق ولاتربية ايش تتوقع من زيجة بهذالشكل وتلك الطريقة شئ طبيعي يكون مصيرهاالفشل الذريع وحدوث مشاكل وحلافات وفضائح لاتنتهي ابدا والضحية هو ابنك ثمرة تلك العلاقة اوالزيجة المحرمةوالفاشلة انت وامه تتحملوا المسولية لوجصل للولد شئ في هذةالحالة ربنا سوف يحاسبكم حسابا شديدا حرام اللي بيحصل لابنكم كلده بسببكم انت وامه وعليك انت الراجل يقع عاتق الحمل والعئب استردابنك من تلك المراة التي لاتستحق ان تكون ام له وغير امينة عليه لانها تنتقم منك في شخص ابنك وتريدتحرق دمك عليه ظنا منها المجنونة انهاعلى صواب في كل ماتفعله بهذالطفل المسكين الذي لاحول له ولاقوة خليك راجل ولومرة واسترجع ابنك من عندها ولوبقوة القانون وتعلم من كل ماحصلك في السابق من تجاوزات مخالفة للدين والاخلاق والعادات وربي ابنك وعوضه عن كل ماشفاه في حياته والله يتوب عليك ويهديك ويصلح احوالك
يااخي انامش بلومك اوعاتبك خلاص حصل اللي حصل وماينفعش نتكلم في الماضي المهم الان ابنك هوالضحية بينكم وحياته حتدهورللاسوء ومش بعيد يتعقد من اللي بيشوفه بينكم ارجوك تعال على نفسك وتنازل عن كبرياك لاجل ابنك لحمك ودمك وحاول ترجعهاوارضيهاوشوف طلباتها لاجل الولد كل شي يهون يارجل في سبيل سعادةوراحةابنكم ربي يهدي الجميع
الف سلامة علي حضرتك وان شاء ربنا يشفيك ممكن تتعامل معاها بشكل ودي وحاول تستحمل شوية وخلي اعصابك باردة مهما عملت استحمل علشان ابنك لحد ما يعدي فترة الحضانة وخد ابنك وطلقها دي متستحقش معملتك الكويسة ليها تقريبا انسانة مريضة ربنا يهديها وخلي بالك علي صحتك
شكلها كدة كانت عاوزة تسافر وهتنصر الواد وهيبقى مسيحي من اب مسلم وكمان قانون روئة ازاي وانت مش مطلقها بقولك ايه هتلها هدية حلوة كدا وصالحها وقولها انك ليسا بتحبها ومتقدرش تستغنى عنها وحاول تستعمل معاها البرود المتناهي وعاملها بالسياسة فترة لحد ماتعرف تهديها ونغيرها او تشوف محامي يعملك اجرارءات ويكون في دلائل عليها علشان تعرف تاخد حقك صح او تخطف ابنك وتهج منها في اي حته لو قدرت تنقل شغلك وحالك في الخباسة لو حالتها مئوس منها لان من الصعب جدا ان مسيحين يوافقوا على زواج البنت من مسلم فاكيد في حلقة مفقودة اما انها مختله عقليا او كانت مرتبة للسفر وتديك صابونة وانت غليبان وقعت في الفخ لكن ربنا هيقف معاك لانه مايرضى بالظلم فان كنت علةى حق فالله معك لكن سايسها جامد جدا وحاول الصلح باي شكل لانك كدا انت خسران خسران ويمكن السياسة تكون طريق
ارفع قضية عليها وانسب حضانة الطفل ليك بس حاول تثبت بوضوح انها مجرمة في التعامل معاه
والف سلامة عليك
وربنا يحفظلك ابنك
كمان حاول كل ماتشوف الطفل ده حاول تحببه فيك اكتر مرة علي مرة هتلاقيه مختارك انت قدام القاضي في المحكمة حاول تحببه فيك وهاتله حاجات ولاعبه وقضي معاه وقت خليه يشتاقلك
وربنا يحفظهولك وينجيك انت وابنك من كل شر ويهديها لكن لو مش طلقتها اطلبها في بيت الطاعة
ان شاء الله قانون الرؤيه الجديد هيحل بفضل الله مشكلتك لو فعلا اتطبق ومن بنوده انك تستضيف ابنك 48ساعه فى الاسبوع بدل ست ساعات وكمان هتقل سن الحضانه من 15 الى سن سبع سنوات للذكور وتسعه للبنت
اولا الف سلامه عليك وربنايشفيك واوعى تخلى الحزن والمرض يسيطروا عليك وخليك قوى عشان تعرف تربى ابنك لانه محتاجلك المشكله ان جواز النت فاشل تماما لانه عباره عن قناع يزال اول مايحصل الجواز وبردوا الديانه اللى مختلفه كنت لازم تلاقى اختلاف المهم انت ليك حق الرؤيه اكتر من كده يعنى 6ساعات اسبوعياغير كافى تماما ومكن المحكمه تنظر ده والحاجه التانيه ياريت يكون فى شهود بهدلتها للطفل وتعذيبه فى السن ده وهيكون فى صالحك رغم انى مستغربه لان الام ام تحت اى ظرف مهما كانت انانيتها واسلوبها تيجى لحد اولادها وتبقى منتهى الرحمه والانسانيه ربناخلقها كده فى كل الاديان حاول توسط حد بينكم ومحكمه الاسره نفسها فيها اخصائين لكده يمكن يوصلوا معاها لحل ودى مكنش كده يبقى استشهد باللى قال انهامبهدله الولد ومش فى صالحه وجوده معاها وربنا معاك لكن ابقى اجمد واقوى من كده وابقى متفائل عشان تقدر تكون اد الموقف واعتبر نفسك فى بدايه حياتك وكانها مرحله وانتهت لكن طبعا مع الاحتفاظ بابنك ومتنساش ان ربنا لازم يجازيك خير على انك دخلتها الاسلام وياريت الحل يكون ان حتى الولد يكون معاك 3ايام فى الاسبوع وده هيصلح اللى هى بتعمله وياريتها تفهم ان الدين معامله مش اسم وخلاص كانت اولى تعرف تعاليم ديننا صح قبل ماتدخله
الاخ السائل لابد أن اذهب الى محامى محترف حتى تنقذ ابنك من هذه السيده التى هى أم لابنك وهذا قدر الله وهذا اختيارك. فلا تيأس من رحمة الله واسأل المحامى عن حقك فى ضم ابنك ليعيش معك بعد سن 6 سنوات بعد انقضاء الحضانه لأن وجوده مع أمه غير مضمون خاصتا اذا كان اسلامها مشكوك فيه هل هى بالفعل أسلمت لله أم أسلمت لتتزوج بك وفقط. لا تكن ضعيفا وكن كالأسد الذى يدافع عن أشباله ولا تخشى من شى ولكن بشرط ألا تظلمها ان كان لها حق.
ارفع قضيه عليها انها بتعامل الولد وحش وهى انسانة مش كويسة بتهيالى يبقى من حقك انت اعمل المستحيل وخده منها اكيد انت اقوى انت الراجل مش معقول هى اقوى وانشاء الله فى ناس تانية هنا تقوللك حلول احسن انشاء الله وربنا يهديلك الحال
لا حول ولا قوة الا بالله العلي العظيم
أولآ الف سلامه علي حضرتك وان شاء الله ربنا يشفيك عن قريب
ومن ناحية ابنك بجد انا مش عارفه اقول لحضرتك ايه وماشاء الله هنا في أخوات أدري وأعلم مني وأكيد هيردوا علي حضرتك في أقرب وقت
وربنا ييسر لك حياتك ويهديها اللهم آميــــــن
ومتيأس رحمة ربنا كبيره كبيره قووووووي