انا نوعيا طيبه جدا وبحب كل الناس ومطيعه بس انا قاعده مع حماتى فى نفس البيت وجوزى وحيد على اربع بنات اقصد حموات وحماتى الخامسه هما متجوزين بس بيجو عند امهم على طول المهم جوزى دايما يسب الدين وعصبى جدا والسبب انه بيسمع لامه سوا كلامها صح او غلط ودايمه مقوياه عليا واخواته وامه بيكرهونى رغم انى كويسه جدا معاهم وعمرى معملتهم وحش انا متجوزة بقالى سنتين وعندى ولد سنه ونص عمره المهم هو بقى امه تقوله مراتك وحشه ابقى وحشه ويطلع من غير تفاهم يبهدلنى وده من اول جوازى ايلى صبرنى من الاول انى حملت على طول والله والله كان بيضربنى ويخنقنى وانا حامل وكنت ببقى هموت وامه سامعه صوت صريخى كانت تطلع تقوله انتا كده راجل فانا زهقت والكلام مش بيجيب اى نتيجه معاه وكمان بيشرب حشيش دايما ومعاملته وحشه اوى ومن ناحيه العلاقه الحميمه برده زفت ممكن فى الشهر مرة يعنى مفيش فيه اى ميزة انا تعبت نفسيا منه اعمل ايه هل الطلاق حل ولا ايه بس صدقونى والله وحيات ابنى اهله برده مش مريحنى وطلبت انا اخرج بره البيت قالى انا هسيب بيت اهلى
لاحول ولاقوة الابالله ايه اللي رماك الرمية السوده دي خلاص مافيش رجالة في الدنيا الا ده عشان تتزوجيه الان المطوب انك تسارعي في الخلاص منه باي طريقة تروح لبيت اهلك وتخبريهم بكل شي حصلك منه ومن اهله واياك ان ترجع له مهما كانت الظروف حتى ياتي لعنداهلك وتشترطي عليه ان يكون لك بيت مستقل بعيدا عن اهله واخواته وان يحسن معاملته لك ويبطل تعاطي الحشيش ويراعي الله فيكم انت وابنك الصغير لعل الله يصلحه ويهديه فان رفض طلباتكم دي واصر على العيشة مع اهله فمن حقك طلب الطلاق منه وربنا بيعوضك خيرا منه