مشاكل الاصدقاء

صديقه عمري عايزاني اسيب حبيبي

انا عندي 19 سنه وليا صحبت عمري بقالنا 12 سنه صحاب ووقفت معاها كتير اوي وانا في ثانوي كنت بحب جاري وهي كانت بتحب واحد من علي النت وحصلتلي مشاكل وسبته ولما دخلت الكليه قابلت واحد كنت معجبه بيه وهي كانت عرفه كده وهي عرفت واحد تاني وانا كنت باجي علي حبيبي علشانها مكنتش بحب اقعد معاه لوحدنا علشان ماسبهاش لوحدهاوهو كان بيزعل بس كانت هي الاهم عندي علي الرغم من انها لما حبيت مكنتش بقعد معاه هي واللي بتحبه ولو سلمت عليهم وهما مع بعض كانت تقولي ده احنا اضيقنا انك جيتي وكنت بعديها المهم انا وحبيبي سبنا بعض كتير اوي بسببها وكانت تشوفني بتعذب تحاول تكرهني فيه لغايه ما مره رحعت لحبيبي واتفهمنا علي كل حاجه كانت معترضه اوي ولما لاقيتنا كويسين مع بعض بدات تتغير معايا سالتها قالتلي ده كداب ولازم تبعدي عنه خلتني اتغيرت معاه لغايه ماعرفت هي ليه بتقول كده وقالتلي ان صحباه ومحلفنها اني معرفهمش مين شافوا حبيبي واقف في مكان وان هو كان قايلي انه نايم في الوقت ده خلتني شكيت فيه بس صرحته من غير مااقوله ان هيا اللي قالتلي علشان هو مش بيرتحالها وكذا مره يقولي متخلينيش اخيرك بيني وبينها المهم انه قالي انه عمروا ماراح في المكان ده اصلا ولا يعرف هو فين وقالي وجهيني بصحابك وانا اعرف ليه قالوا كده انا اتهربت منه وقولتله انا مش بشوفهم وهي حورت عليها قولتلها انا سالته وقالي انه راح ونسي يقولي وحوار كده المهم هي قالتلي كويس انه مظلوم بس بردوه لازم تاخدي بالك منه وانا اصلا مش مرتحاله انا بقا مش عرفه ازاي هي دلوقتي مش مرتحاله وهي اصلا كانت معايا اول مشفته وقبل حتي منكلم بعض وهي دلوقتي متغيره معايا360درجه لا بتسال ولا حاجه وانا اللي بسال عليها ولما نتكلم وتسال علي حبيبي وتعرف ان احنا كويسين بلقيها تتضايق وعايزه تقفل مش عارفه ليه مع ان انا بفرح لما بلقيها كويسه مع حبيبها ومش عارفه اسالها ايه سبب التغير ده ولا لا؟وخايفه حبيبي يعرف يخليني اقاطعها خالص حد يساعدني .اسفه طولت عليكم

مشاكل وحلول ذات صلة

اضيف بتاريخ: Tuesday, August 16th, 2011 في 11:22

كلمات مشاكل وحلول: , ,

9 رد to “صديقه عمري عايزاني اسيب حبيبي”

  1. ابواميرة
    04/12/2013 at 18:41

    البنات في السن دي بيغيروا من بعض لغاية الكراهيةوالحقدوالانتقام والافضل انك تقطع علاقتك بها لانهاانانيةوحقوده وماتحب الخير لك وتاكدي من الشاب هل هويحبك بجد وصادق المشاعر معك ام بيتسلى بك ويسرح بك واهتمي بدراستك وبنفسك حافظي على شرفك وكرامتك وربي يسترعليك

  2. >>>>>>
    13/11/2012 at 18:45

    الحب (بين الولد و البنت) محرم !

    لانة يجلب الكوارث كما انك لست حلال عليه !

    فأتركية و فهمية انه هذا لله ..

    و اكيد بيتفهم الوضع و بيجيك بعدين يخطبك و إن ماجا ربي يعوضك بأفضل منه!!

    والسلام عليكم

  3. ريرى
    01/09/2012 at 04:29

    والله ياحبيبتى انتى افضل حل انك تختبرى الشخص ده فى كذا حاجه وفهميه انك هاتحكى لااهلك عن العلاقه الا بينكم وعرفيه انك بتصرحى اهلك بكل حاجه لو اتغير يبقا خاف ومش قد الكلام لو رحب يبقا بيحبك وهكذا اختبارات من هذا النوع وحاولى تبعدى عن صحبتك دى وخلى الكلام فى حدود والله اعلم بردوا بنيتها ليكى يمكن بتحبك وشافت عليه حاجه ومش عاوزه تجرحك وممكن العكس اختبريها بردوا وربنا معاكى وانتى لسه قدامك مشوار طويل لو مانجحتيش فى صدقتك وحبك هتلاقى حب وصداقات افضل طول حياتك ياريت كل الا يقرا تعليقى يدعيلى يفك قربى ربنا يكرمكم

  4. علياء
    10/07/2012 at 01:59

    انا من وجهة نظرى انك تشوفى حبيبك بيحبك بجد ولا ايه وصحبتك دى حاجة من الاتنين لامنا بتغير منك ومعقدة لامنا بتحب خطيبك

  5. فارسه الامل
    02/09/2011 at 13:20

    ربنا معاكى وانتى لازم تشوفى هو بيحبك بجد ولا واخدها هزار والبنت دى لازم تبعدى عنها بكل الطرق لان هى هتبقى سبب مشاكل كتير فى حياتك وهى مريضه نفسيا ومعقده

  6. العسكرى
    24/08/2011 at 16:22

    بل قبل كل حاجة انتبهى لدروسك وسيبك من كلام الحب والكلام الفارغ دة عمر ماحد ياخد واحدة مشيت معاة لانة هيشك فيها انها مشيت مع كتير غيرة نصيحة منى امشى فى طريق مستقيم وابعدى عن الحب والشباب والكلام الفارغ ولو كانت صحبتك ممن ليهم فى الفارغ دة ابعدى عنها ايضا ونصيبك قاعدلك والله يابنتى عمر حبيبك ماهياخدك والدليل على ذلك خلية يثبت ح-بة ليك ويتقدملك
    انت لسة على البر بدل مايجيلك يوم تكرهى نفسك وتجيبى العار لاهلك

  7. نصييحه
    24/08/2011 at 08:16

    البنات فى السن ده بيغيرو من بعض
    حاولى متخصريش صحبتك لكن متحكيش ليها على كل حاجه
    ولو انتى واثقه فى حبيبك اتمسكى بيه

  8. سنفور معارض
    20/08/2011 at 17:26

    أنا صار معي شغلة مشابهة لهيك شي وبحسب تجربتي رفيقتك بتحب حبيبك أو بتغار منك وما بتتمنالك الخير الله يوفقك ويبعدك عن هيك أصحاب ويبعدني يا رب

  9. انسان
    18/08/2011 at 12:06

    واضح جدا انها و للأسف بتحقد عليكى

اترك رداً أو حلاً لهذه المشكلة