انا و صاحب عمري اللي نعتبر اكتر من الاخوات ..
حب بنت .. انا فرحت عادي و ماله لكن للاسف
من ساعت ما حب البنت دي و هو متغير خاااالص , مش بيسأل عليا خالص إلا كل اسبوع مرة ولا اتنين
اقوله مثلا كلمني لما تروح عاوزك فـ موضوع يروح و ميتصلش , اتصل بيه انا الاقيني ويتنج بـ الساعة عشان الست هانم
و مثلا دا موقف حصل بجد
كنت خارج معاه قابل الست هانم , كنا قاعدين فـ مكان عادي , فجأة قالي 10 دقايق و اجيلك و كلمني بعدها بـ ساعة إلا ربع يقولي
انا روحتها و روحت معاها انا كمان معلش يا معلم و حاجة عبيطة
و كرر الموضوع دا مرتين و انا صبرت عليه
نبهته مرتين , و قالي هتغير و خلاص عرف غلطوا لكن مفيش فايدة ,
و كلم اخويا الكبير بطريقة مش كويسة عشان كان بيقلش عليه هو الهانم فـ الفيس ,
و طبعا اخويا هزأني و قالي مين دا عشان يكلمني كدا ,
انا عاوز اعرف دلوقتي هل صاحبي دا يستاهلني !!؟
مشاكل الاصدقاء
صاحبي حبيبته واكلة عقله و غيرته
اضيف بتاريخ: Tuesday, September 2nd, 2014 في 05:50
كلمات مشاكل وحلول: اصدقاء, الحب, بنت
بشكل عام هوضحلك حاجة .. فى السن دا كل واحد بيروح بدماغه فى طريق معين .. اللى هيتغر بنفسه .. وتلاقيه بيصور نفسه سلفى مليون مرة .. والتانى هتلاقيه طول الوقت يكتب بوستات ( انا حزين انا بتعذب انا بتنيل ) عادى !! .. وفى بئا ناس بيقعو فى فخ الحب اللى بيتم استخدامه بطريقة غلط .. طبعا الحب شعور جميلة .. لكن اقصد بستخدامه بطريقة غلط اما انك تخرج عن الشرع والدين .. او انك توزع الحب دا غلط ودا اللى حصل معاك .. باختصار صاحبك وزع حبه غلط وبدل ميدى ابوه وامه واخواته (واصحابه) واللى مفروض تكون خطيبته !! الحب عليهم بحيث انه ميظلمش حد .. اخد من حبه ليك وزود من حبه ليها .. واحتمال تلاقيه عمل كدا مع ناس تانية !! .. لو عايز تعرف ازاى تتعامل مع النوع دا بما انه مغلطش فيك .. ابعد عنه واحدة واحدة صدقنى مفيش حل تانى غير انك يا تبعد يا ربنا يهديه من عنده !! .. والواضح ان اخوك بردو رغم انه اتعصب عليك لكن باين انه لسا مقدر انه صاحبك ومش عايز يدخل معاه فى مشاكل جامد .. لو غلط فى اخوك مرة تانية وكان صاحبك اللى غلطان .. قول لاخوك متتعصبش عليا ولو ليك حق خده منه !! .. وطلع نفسك من الموضوع وانا اسف فاللى هقوله لكن متبهدلش نفسك عشان حد مش مستعد حتى يجى على نفسه ويقولها انى مع صحبى ومينفعش اسيبه لانى خرجت معاه .. وعامل الناس على قد مبيعاملوك عشان ترتاح !!
انت كمان ماتبقاش زي اللزقة وين ماراح هووحبيته وانت معاه لا خلي عندك ذوق وراعي اعتبار صاحبك وظروفه هومش عاوز يزعلك اويخسرك بس انت كون مقدر ظروف صاحبك وحبيته عاوزين يخرجوامع بعض ويسهروا ويتكلموافي حاجةخاصةبهم مش كده ومسالة انه يغلط عليك اوعلى اخوك الكبير ده غير مقبول اطلاقا ولازم يعتذرلكما والافتركه واقطع علاقتك به نهايا وربي يهدي الجميع ويصلح الاحوال