اللي كانت صحبتي مش عارفة انساها

نا بنت عندي 12 سنة هحكيلكم مشكلتي
انا في ستة ابتدائي كان ورا الديسك بتاعي 3 بنات (1) دي مبحتكش بيها كتير (2) كنا بنكره بعض زمان (3) اللي علاقتي بيها عادية زي اي واحدة في الفصل . بعد كدا احنا اتصاحبنا انا و(2) و (3) . و(3) مصاحبة (2) من زمان وبتحبها حب رهيب وبعد كدا اتطورت صداقتنا مع بعض واتصاحبنا في كل حاجة السوشيال ميديا وكدا وكنا بنحب بعض حب رهييب وفي اجازة الترم التاني قربنا لبعض اكتر وكنت بدعي دايما ربنا يخلينا لبعض بس ربنا عمل عكس كدا وهنا بداية المشكلة ( الغيرة ) اوحش صفة شفتها في حياتي. في اخر اجازة نص السنة كنت قريبة ل ( 2) اكتر من (3) شوية و(3) كان عندها دروس ومفهاش حاجة لما اقرب من (2) احنا صحاب عادي بس (3) مقتنعتش بكدا . (2 ) كانت كاتبة قبل كدا في السوشيال ميديا ( انا بحبك اوي اوي ) وردت (3) وانا بحبني اوي اوي . وعرفت بعدها ان في مشكلة حصلت و(3) بدأت تدايق من صحبويتنا انا و(2) فبعدت من (2) شوية وبعد ما بدأ ااترم التاني في المدرسة بدأت (3) تغير اكتر علي (2) وكانت بتعمل حركات غريبة ( غيرة ) وبدأت تزيد بالتدرج وتقل وبجد كنت مخنوقة ومكنتش عارفة اركز في المدرسة فبدأت ابعد عن ( 2) اكتر علشان اخلص والبعد دا سبب مشاكل ما بنا وعداوة وكنا بنتخانق كلنا وبعد كدة اتخاصمنا انا و (3) ولغيت الصداقة انا وهي و (2) لغت الصداقة بردو و انهارت علاقنا التلاتة ببعض وكنا واخدين فكرة مش هنكلم بعض تاني وكل واحد يروح في حاله وانا كنت زعلانة اوي وبعد يومين ( الخميس ) حصلت احداث غريبة كدا واتصالحنا و ( 3) كانت بتتوسلني ان احنا نرجع تاني بس دموعها اثرت فيا ووعددتني انها مش هتعمل حركات الغيرة تاني وكنت بثق فيها ثقة حقيقة ولو خالفت الوعد مش هنرجع تاني وبعد كدا اتصالحنا هنا وفي السوشيال ميديا وبعد كدة اتخاصمنا انا (2) وحدثت احداث مرعبة مليئة بالخربشات وبالشتايم وانا كان نفسي ارد عليها علي حقيقتي بس رديت عليها كأني ضعيفة شوية وردود هبلة علشان هية بتتعصب بسرعة ولغينا الصداقة مرة تانية والحقيقة دا كان من (3) علشان غيرتها وهية خالفت الوعد وفعلا من غير ما نعمل حاجة الغيرة دفعت انه يحصل كدا وانكسرت العلاقة ما بنا كلنا بس بعد كدا اتصالحنا انا و (2) بس مش صحاب ! زمايل في الفصل فقط ودا أثر فيا شوية بس بعد كدا راح الاثر دا وفي الامتحانات بعد الامتحان يعني في المرواح كانت (2) لطيفة معايا اوي ودا خفف عليا الضغط النفسي بتاع الامتحانات وفي اخر يوم امتحان كانت اخر مرة اشوفها اليوم دا كان جميل اوي انا وهية بس كزمايل قريبين انا ساعتها كان عندي صداع فرتك دماغي من الامتحان اللي قبل الاخير بس كلامها معايا ولطفها معايا خفف الصداع وانا فاكرة كل الايام اللي كانت في اليوم دا وانا نفسي دلوقتي اني كنت حضنتها قبل ما تروح بس مفكرتش في كدا ومفكرتش ان هيحصل كدا وبعد اسبوع بعد الامتحان كل يوم كنت بفكر فيها وبحلم بيها وخيالها قدامي طول الوقت وانا بفتكر الذكريات الجميلة مابينا انا وهي و (3) مش عارفة انساها انا قضيت الاجازة كلها بفكر فيها هية وبس وبعيط بعد ما اصحي من النوم بسبب الاحلام اللي بحلمها . انا و(3) متخصمناش خالص وقربت منها اكتر اكتر اكتر وكانت هيا بتعمل تاج كتير ل (2) مفهاش حاجة يعني و(3) بتقول ان هية ندمانة وان هيا السبب واما بنكر وبقول لا بس هية فعلا جزء من السبب مش كله وكانت كل شوية بتقولي انا هرجعكو تاني احنا هنرجع تاني بس انا مش مصدقاها وعمري ما هصدقها (2) سلمي مش عارفة ان انا بتعذب بسببها حاسة ان في حاجة غلط مستحيل 4 شهور بفكر فيها وبتخنق انا حاولت انساها واعتبرها زي اي صديقة قطعت علاقتي بيها بس انا جربت جربت وعرفت ان النسيان مش حل .انا عارفة اني غبية لما انا كنت بعلق علي بوستات (3) وهي بتعلق ورايا كنت بمسح تعليقي ومبرداش اكلمها طب ازاي واحنا اخر يوم كنا لوز اللوز ! . انا مش عارفة انساها انا همووت مش لازم انساها بس المهم الحالة اللي عندي دي تروح لما كنا بنتخانق في السوشيال ميديا في شهر 4 قالتلي انها بتكرهني وانها مش عايزة ترجع لواحدة شبهي واحنا مينفعش اننا تكون صحاب وان تفكيري غير تفكيرها وشخصيتي غير شخصيتها . بس انا اعرف ان الصحاب المختلفين بيكملو بعض ؟ وملخص الكلام التاني اللي هية قلته ان يا رتنيها ما صاحبتني ولا شافتني .الكلام دا محفوظ بصورته في دماغي ومش عارفة انساه يعني تخيلو بفكر فيها وبتعذب من خيرها اللي عملته وافتكر الكلام الاي قلته !
ومن يوم الايام دي يعني عملتلي حظر ! مواه خمسة مواه وانا كنت عارفة ان هيا مش طيقاني ومش طايقة تعليقاتي اللي في بوستات (3) بس كويس بردو علشان مشفش تعليقتها ولا احتك بيها بس دماغي مش عايزة تشيلها ارجوكم قولولي اعمل ايه انا بعيط كل يوم ! انا بحلم بيها كل يوم وحيها قدامي طول الوقت وبسمتها ووشها الجميل المنور قدامي . وانا مش هعرف انساها مينفعش علشان معرفش وهيا معايا في نفس المدرسة و (3) في مدرسة تانية قولولي الحل انامش هعرف اعيش كدة ! لما افتكر كلامها الجارح مينفعش نتصاحب تاني علشان الكلام اللي هي قلته والحظر والنسيان لا حل تاني غيرهم اي حاجة اعمل اكونت جديد ولا اعمل ايه . و (3) قالتلي انها بتعرض علي (2) سلمي نتصاحب انا وهيا ومبترضاش وانا مقلتش ل ( 3) تعمل كدا !! . وانا مش عايزة ابقي هم تقيل علي حد . انا علطانة اني قلتلها اني بكرها اللي محدش يعرفه ان انا بحبها بعد ربنا وسيدنا محمد . اينعم انا عندي صحاب تانينن بس انا مش عارفة اعمل ايه . وكان في حلم حلمته ليهاىقريب شوية وانا كنت في بيت بجنينة جميل وفتحت الفيس لقيت طلب صداقة ومراسلة واشعارات ولقيت ( 2) بتفتح شباك جمبي وكنت مكسوفه ومشيت ولقيتها تاني ! وعرفت ان هيا عايزة تصاحبني تاني بس انا كنت بفكر وكان احتمال كبير اني اقبل وحسيت ان الحلم ليه دعوة ب(3) سارة او هي السبب او حاجة زي كدا بس الحلم خلص ومقبلتش . بس بقية الاحلام عنها مش حلوة ولا وحشة واكترها وحش .
في افكار بتقولي ان دي مش صاحبة وان دي مش صحوبية حقيقة دي مزيفة بس انا واجهت الكلام دا وقلت هتبقي حقيقة و(3) قالتلي قبل كدا انا و (2) هنرجع تاني مش بأرادتي دا بأرادة ربنا .
الله اعلم بس المفروض اعمل ايه علشان اقدر اعيش ويا تري هعمل ايه لما اشوفها اول يوم مدرسة انا خايفة ردة فعلي اني احضنها وانا فعلا لو اترميت في حضنها وعيطت ههدي شوية والاثار دي تروح شوية وانا خايفة ساعتها ترميني من عليها كأني قرف معرفش اعمل ايه وهي فاكرة ان انا فرحانة اني خلصت من قرفها . واكتر حاجة بتخبيني اعيط ان هيا قالتلي ان احنا مش هنسب بعض ابدا وهنبقي مع بعض لما نعجز !! . . بس جيبولي حل انا في مأساه !! .

مشاكل وحلول ذات صلة

• خيبة بعد الزواج واشمئزاز من زوجي
• عاوزة ربنا يباركلنا و نتجوز كده اكون غلطانة
• بسبب شكي و غيرتي افترقنا ورجعنا بعد خيانتي لها
• عايزة انتحر فى عيد ميلادى
• احب ابن خالتي وهو كان يحبني بس الحين لا
• اقول لماما على حبيبي ولا استنى شويه
• مش عارفة اخد قرار اسيبه ولا هارجع اندم