مشكلتي هيا إن مليش Best Friend زي معظم الناس .. أنا ممكن أخلي كل واحد صديقي المقرب بس كدا هضطر أنافق وأكدب .. أنا صريح في أغلب الوقت .. ولحد دلوقتي ملقتش حد راجل بجد أحكيله كل مشاكلي يفهمني من نظرة ونخرج مع بعض .. أحسه جدع يقف معايا في أي وقت وأي مكان .. نفس توجهاتي ونفس دماغي .. ملقتش خالص .. عندي صحاب عددهم حوالي 10 بس ممكن نخرج ونعمل كل حاجة بس من جوايا دول مش أصحابي اللي بجد .. اللي يوم ماتزنق أسند عليهم … مش عارف ازاي يكون ليا صديق مقرب .. هل لازم أنافق؟ وأغير من شخصيتي وأكذب عشان ألاقي حد جدع بجد ؟!
