انا بنت عندى 20 سنه تعرفت على شاب عن طريق النت من سنه ونص حبنا بعض بجد وجه تقدملى اكتر من مره بس مكنش بيشتغل واهلى حاسوا انه جى يحجز طماطم فاجلنا الموضوع لحد ميشتغل وجه تانى لما عرف انه جالى عريس متدين بتاع ربنا كل كلامه فى الدين وابن ناس ومامته بتحبنى فاجه لخامس مره تقدم ولما حس انى بضيع منه قعد يدور على شغل وجاب شغل بس بابا مش بردو وبحس انه بخيل لما بننزل بيفضل يلففنى لحد مارجلى تورم بس انا بحبه اعمل ايه
مشاكل البنات قبل الزواج
اعمل ايه بحبه مع انه بخيل
اضيف بتاريخ: Tuesday, November 23rd, 2010 في 00:09
كلمات مشاكل وحلول: الزواج, النت, بنت, حب على النت, مشاكل البنات
استخيرى ربنا قبل كل حاجة وانا من رايى ان الحب الحقيقى بيجى بعد الجواز والعشرة, انصح تاخدى المتدين ويوفرلك حياة كريمة, ما تضيعيش الفرصة منك, وسيبك من الحب والكلام ده, يا ماما اللى جاهز يشيل انتى لسه هتستنى يشتغل وياخد كام ويقعد فين وبخيل, توكلى على ا لله
بصى الا البخيل مهما كنتى بتحبيه ف بخله هيزهقك ف عيشتك واحدة قريبتنا بس حبيبتنا اوى يعنى كانت متقدم لها واحد بخيل واهلها مكانوش موافقين بس هى عشان حبته اتحدتهم كلهم واتجوزته ف الاخر وخلفت منه بنتين وعلفكرة هى دلوقتى مطلقة منه بقالها حوالى 22 سنة اما هو بقى النفقة بتاعة عياله عارفة بيديهم كام ف الشهر ؟ 33 جنيه وبياخدوها كمان بالمحكمة عشان هو بخيل وجلدة فلو عايزة تكملى معاه ادينى قلتلك على مستقبلك وانتى حرة بقى اللهم بلغت اللهم فاشهد
جري ايه الناس دي كلها ردت عليك ، انت ما بتقريش ردنا يا passant ولا ايه
دا احنا سألناك اسئلة وما رديتيش علينا ….
انت مش مركزة خالص …. حا تزاكري ازاي
اقولك حاجة …
بلاش سيرة للموضوع ده الان
اجليه لما بعد الامتحانات
بالتوفيق
طيب انا محتاره بجد اوافق على العريس التانى وافكنى من ال بيموت فيا ده وكل الناس شايفه انه حيموت لو سبته ولا اكمل معاه ويمك يتغيير امتحاناتى قربت وبجد مش عارفه اعيش ساعات بخاف اشيل ذنبه لو جراله حاجه وسبته واتجوز المتدين ذى ماقال سيدنا محمد صلى الله عليه وسلم ياريت تسعدونى اختار مين ال بيموت فيا وعشان مشلش ذنبه لو سبته ولا المتدين ال حتى رافض اننا نتعرف على بعض قبل الخطوبه لان شايف انه حرام ياريت تردو عليا ارجوكم
انت ممكن تصبري كم سنه ؟هو عاوز يتجوز امتي ؟ هو عنده سكن ؟
هو معاه ايه ومرتبه كم و ممكن يعمل بيه ايه؟
انتو عيلة طيبة وتستاهلو كل خير … والطيبات للطيبين
انا من راي ابوك ، ابوك ادري بمصلحتك ، وحاسس بيك وبحبك ومش عاوز حد يضيقها عليك.
مالو الراجل بتاع ربنا عيبو ايه ، ما بتحبهوش ، ما كملتوش مع بعض ليه
مشكلتك انك منحازة لبتاع النت وبتحكيلو كل حاجة،هو عرف منين ان حد تاني اتقدملك .
بتحبو بعض اه اهو باين ، لكن انت مش وش بهدله وابوك خايف عليك ، والحب ده ممكن يدمر مستقبلك خصوصا انك بتسربي معلومات للواد ده، يعني اي فرصة بتجيلك بتقتليها قبل ما تبدا
ابوك حا يفضل كل مرة يقولو هات شغل ، هات شقة ،هات …..هات هات هات ، يعني كل مرة زقة
الحياة مش كده ، ومش مكن تستمر كده وحبكم مش ممكن يصمد امام الواقع وبطريقة كل مرة حبة.
انت كده بتاذي نفسك وابوك راجل طيب مش عاوز يجبرك علي حاجة
الحل :
طريقك الماشة فيه ده مرهق ليك ولابوك ، وتسريبك للمعلومات خطير وسيدمرك
انت منحازة لبتاع النت وانا منحاز لبتاع ربنا ، مش الرسول قال اذا جاءكم من ترضون دينه وخلقه فزوجوه والا تكن فتنة . بتاع ربنا بيعرف انه متاع بمعروف او فراق باحسان.
الحب بيولد من الالفة والتعارف ومزيد من المعرفة مع بتاع ربنا ممكن يتولد منها الحب، في النهاية القرار ليك ولابوك. بس الحقي نفسك و فوقي فان للحب سكرات ولا تدمري نفسك بنفسك.
ربنا يوفقكم لما فيه الخير
اياكى والبخيل
بصي اولا انا شفت حكايتك دى وبجد انا اتخنقتلك لان انا كنت بحب واحد اسخن من كدا اعدت معاه سنتين عمره ما جبلي لبانه شفتي بقي مش انتي لوحدك والحمد لله جت من عند ربنا ومحصلش نصيب بينا عمتن سيبك من الواد دا لان اللي بيحب حد بيسعدو باى طريقه ممكن مايكلش علشان حبيبته تاكل ويكون مبسوط من دا ولعلمك الواد دا باين عليه بيتسله دا رائى