مشاكل البنات النفسية

افقد الثقة بالنفس

انا بنت عندي 15 سنة و معنديش ثقة بالنفس خالص يعني انا لو جميلة و كل الناس بيقوللي كدة الحمدلله حاسة نفسي مش جميلة ومينفعش اظهر امام احد وحاسة ان شخصيتي مش حلوة و محدش هيحبني و حاجة كمان انا مبعرفش اتكلم مع الناس خالصى وكلهم مش بيحبوني علشان كدة وبتكسف اوي من اي حاجة وبتكسف اقول اي كلام حلو ,, وماما بتكره معملتي معاها بس انا بجد مش عارفة اتغير بالله عليكم ارجو الرد

مشاكل وحلول ذات صلة

اضيف بتاريخ: Sunday, June 26th, 2011 في 13:59

كلمات مشاكل وحلول: , , , ,

14 رد to “افقد الثقة بالنفس”

  1. رنين
    09/08/2014 at 22:28

    وانا كمان زيك بالظبط بس انا عندى 19 سنه.. دا اناحتى مبعرفش ارد على اى حد يجى يتكلم معايا وسعات كتير مش بعرف اركز فى الكلام اللى بيتقال ليه وكمان مش ببقى واقفه زى الناس بحس انى هبله مع انى واللهى نفسى اتغير من جوا ونفسى اتعلم حاجات كتير ده انا حتى اتكلمت مع ماما فى الموضوع ده وماما قالتلى حولى غيرى من نفسك وانا والللهى العظيم حولت كتير بس معرفتش واللهى انا تعبت اوى وحاسه انى حياتى كلها هتبقى كأبه شوفولى حل والله انا فاقده الامل

  2. ايمى
    23/01/2013 at 05:47

    انا زييك بالظبط و نفس سنك كمان والمشكلة دية خلتنى احس انى مكروهه و خلتنى افكر فى الانتحار اكتر من مرة
    🙁

  3. soso
    24/10/2011 at 17:59

    الحلو حلو فى طبعه وليس شكلا حاولى انك تنسى انك اموره علشان ده هيعملك مشاكل كتييييييييير

  4. شريف
    23/08/2011 at 19:28

    اخوانى تحيه طيبه وبعد انا دارس علم نفس وممكن افيدكم اول شئ فى فيلسوف قال افكر اذن انا اعيش يعنى ايه يعنى لما افكر ابقى انا عايش بلبلدى كده فكرى شويه معايه كده ليه بيكرهوكى انا روحى خفيفه ومش بصدم حد ومع الناس طيبه تيجى نفكر بقى ليه تكونى مكروها انتى مش مكروها وعدم الثقه دى انتى تقدرى تفوقى عليها ازاى متشفيش الناس كلها وحشه والا تشفيهم حلوين بصى بعين الكبار مش بعيون المراهقه هتلقى نفسك كبيره ومن رأى اوعى تدورى على الحب من دلوقتى لسه بدرى تحياتى شريف واى استفسار تنورونى اخوكم شريف

  5. emy
    26/07/2011 at 06:42

    بسي الي انتي فيه صعب جدا وانا عرفه قرري في يوم تقولي لمامتك انك نفسك تتغيري خليه تسعدك لوردت بستخفاف خدي منها موقف اضحكي في وش الي تشوفيه حاولي الاتكوني خبيثة ساعدي الي تلاقي لوحده وعندو مشكلة خافي علي زعل غيرك جملي الناس في المناسبات وبعدي عن من يكرهك اهتم بشئ واحد ان تتفوقي في دلراستك التلاميذ تنجذب جدا للبنت الشطرة لاتفرحي لحزن احد ابد كل ده لو عيزه تبقي عظيمه

  6. سوسن
    04/07/2011 at 15:55

    انا ابقى تكون ثقتي بنفسي قويه لاكن كيف

  7. هيدى
    04/07/2011 at 13:26

    انا كنت اكتر منك بكتير بس والله اتغيرت تماما لما دخلت الكلية لانى قولت لنفسى انا افضل الناس و قدرت اكون اصدقاء كتير وبكده بقى عندى ثقة فى نفسى فثقى انك جوهرة لان الله لم يخلق احد وحش لان الله جميل يحب الجمال

  8. ميار
    04/07/2011 at 02:17

    انا كنت زيك بالظبط انا عندى دلوقت 17سنة وكنت زيك بس هقولك على حاجك لازم تثقى فى نفسك انك جميلة عشان دا الاساس وخليكى جريئة ومتكسفيش من حد واتعاملى مع الناس بطريقة طبيعية مش رسمية وربنا يكرمك

  9. الجميلة
    03/07/2011 at 16:58

    بصى يا حبيبتى :1-لا تهويلين الأمور والمواقف بحيث تشعري بأن من حولك يركزون على ضعفك ويرقبون كل حركة غير طبيعية تقومين بها .
    2-لاتخافين ولاتقلقين فى التفكير من أن يصدر منك تصرف مخالف للعادة حتى لا يواجهك الآخرون باللوم أو الإحتقار . فهذا يؤثر سلبا على شخصيتك

  10. الراضي
    30/06/2011 at 10:03

    عزيزتي بنت الـ 15 سنة أجمل سن هو سن الـ 15 مرحلة من أهم مراحل العمر بالنسبة للشب و بالنسبة للبنت , و طبعا البنت على وجه الخصوص للأسباب التالية : –
    1 – بدء مرحلة النضوج الجسدي للبنت و في هذه الحالة تبدأ البنت تشعر بالتغييرات اللي بتحدث بجسمها , و بتحاول إنها تخفي هذه التغييرات , و بنعكس الأمر على نفسيتها من حيث الشعور بالخجل , و هو أمر طبيعي .
    2 – اضطرابات تحدث على نفسيتها و على تفكيرها من حيث أنها بدأت تخرج من مرحلة الطفولة الجميلة لمرحلة الأنوثة غير المكتملة بعدها .
    3 – بتحاول بنت الـ 15 في هذه المرحلة غنها تمزج بين مرحلة الطفولة و مرحلة النضوج الأنثوي , و طبعا تعاني من كثير من الإنتقادات مثل بلاش لعب عيال يا بنت صرتي صبية و طبعا هي من مصدقة الكلام و الأمر يؤدي للإكتئاب و الإنطواء على النفس و محاولة عدم مخالطة الناس
    ما تخافيش هي مرحلة و بتعدي لازم تتجاوزيها ما تقعديش لوحدك , خالطي الناس اللي بتحسي انهم غيرانين على مصلحتك و قريبين لقلبك , حاولي تخالطي البنات من جيلك و تشاركيهم همومك حاولي تشغلي نفسك بالقراءة المفيدة لأن القراءة بتخليكي تتفهمي طبيعة نفسك خالطي البنات اللي أكبر منك في السن لأنه عندهن خبرة في المشاكل النفسية اللتي بتعاني منها البنات من سنك و افهمي منهن ازاي قدرن يتجاوزن المرحلة دي من العمر , ما تخافيش من التغييرات الجسدية اللي بتحصل معك لأنها حتستمر لسن الـ 18 عند اكتمال البلوغ و النضوج التام , خلي علاقاتك مع الآخرين طبيعية بدون تحسس حاولي تسيطري على الخجل اللي تحسيه ربنا يوفقك و خلي بالك من حالك , بتمنى تكوني بخير .

  11. مخطوبه على الحب
    27/06/2011 at 20:28

    انا كمان والله كنت زيك بس مشيت على النصايح دى -حاولى تكونى صحاب اكتر محترمين وارغى معاهم ف اى حاجه 😀
    -لازم يبقى عندك صديقه قريبه منك بس تكون واحده مؤدبه زيك كده
    -خليكي جريئه وخليكى حاطه ف دماغك إنك زى كل الناس ويمكن كمان أحسن منهم
    -خلي عندك ثقه بالنفس واتعاملى مع الناس بكل ثقه اتمنى تكون النصايح دى تفيدك ف حياتك إن شاء الله

  12. الدكتور
    26/06/2011 at 19:01

    اولا عدم الثقه بالنفس من البيت عنك اول شى الست امك يجب ان تعريفيها انك عندكمشكله بسبب تعامله بشديه معاكى او اى حد قريب منك انتى وامك يعرفها ثانين من كلامك ان البيت عندك فى نكد وده بياسر على النفسيه وفى شى تانى ان يجب ان يكون لكى اصحاب تحكى ليهمعلى اللى جواكى حتى تفرغى ما بداخلك وده هيريح نفسيتك لزم يكون لكى اصحاب بنات من سنك وربنا يفك عن نفسيتك

  13. عاشق ميسي
    26/06/2011 at 15:11

    اختي الكريمة : يجب ان تحب نفسك اولا اى تحبي كل شىء تقومي به من عمل واختار الاعمال المحببة الى نفسك وبذلك تأتى اليكي الثقة لانك تحددي اهدافك وتطمحي الى تحقيقها وبرجاء الصبر لانك لان تصلي الى ثقتك بنفسك بسهولة ولكن حاولي مرات ومرات حتى تستطيع الوصول الى هدفك
    فكري بعمل كل ما يعجبك وكل اي شيء يخطر ببالك ولا تفكري في الاخرين وانتقداتهم ولا حتى نظراتهم لا اتهتمي ولا تعطي الاخرين اكبر من احجامهم عليكي ان ترضي نفسك بعد رضى الله تعالى اختي الكريمة وما دمتي تعملي ما لم يحرمه الله فثقي انك تسيرين بالطريق المستقيم ولا تنظري ولا تعيري اي اهتمام للأخرين

    ابتعدي كل البعد عن المقارنة أي لا تسمحي لنفسك ولو من قبيل الحديث فقط أن تقارني نفسك بالأخريين…
    حتى لا تكسري ثقتك بقدرتك وتذكري إنه لا يوجد إنسان عبقري في كل شئ..
    فقط ركزي على إبداعاتك وعلى ماتعرفيه أبرزه، وحاول تطوير هوايات الشخصية…
    ولكي مني كل الاحترام

  14. المحتار
    26/06/2011 at 14:24

    انا 17 سنه وكنت زيك 🙁
    لكن دلوقتى الحمدلله أحسن 🙂
    بس دلوقتى مش بحب الاماكن الزحمه زى الافراح,الحفلات……
    بس بقيت أعرف اتكلم مع الناس احسن من الاول

    هقولك كام نصيحة يمكن ينفعوكى:-
    -حاولى تكونى صحاب اكتر محترمين وارغى معاهم ف اى حاجه 😀
    -لازم يبقى عندك صديقه قريبه منك بس تكون واحده مؤدبه زيك كده 🙂
    -خليكي جريئه وخليكى حاطه ف دماغك إنك زى كل الناس ويمكن كمان أحسن منهم
    -خلي عندك ثقه بالنفس واتعاملى مع الناس بكل ثقه 🙂

    اتمنى تكون النصايح دى تفيدك ف حياتك إن شاء الله 🙂

اترك رداً أو حلاً لهذه المشكلة