انا بحس ان الناس الى حواليا مش فهمنى عندى اكتر من مشكلة المشكلة الاولة انى بحب واحد اوى ومرتطبين ببعض بقلنا سنة ونص وكل يوم خلال الفترة دى احلم انو سابنى وباعنى واتخلى عنى هو قريب منى لدرجة كبيرة ومش برتاح غير لما نبقا سوى نفسيتى بتكون تمام اول مشوفو لكن خايفة يبعد عنى مش عارفة لية بحس ان محدش مخلص ولا حد صادق انا عوزة اتخلص من احساس انو ممكن يسبنى انا عايشة فقلق والله لانى مريت بتجارب كتير فشلة هو الوحيد الى حسيت وياه الامان لكن خايفة الامان يضيع وبفضل قلقانة ليضيع منى الحب دا انا خايفة يسبنى اوى لاى سبب يحصل …. المشكلة التانية ان انا بخاف من الموت طول الوقت بخاف انام لموت والبيت عندى مش فهيمن انا لية بحب السهر بابا عوزنى انام بدرى وبيتحكم فيا بشكل كبير وانا خايفة انام ودا عملى ضغط على اعصابى اوى لانى بسهر سرقة نفسى يسبونى برحتى اتعامل مع نفسى اسهر من غير محس انى بسرق انا مش صغيرة انا عندى 20 والمشكلة ان لو قولت انى بخاف من الموت يتريقو وكدة المهم انا لو سمعت اى حد مات لو حتى ماكنشى قريب ليا قلبي يدق بسرعة اوى ريقى ينشف احس انى عوزة ارجع بطنى توجعنى كلها الام واعراض مش ليها سبب منطقى بحس انى بموت بخاف احضر عزاء بخاف من سيرة الموت وبخاف حتى وانا بصلى وانا فلمسجد دقات قلبى بتزيد بشكل كبير ورعشة فجسمى ورجليا وبيحصلى نفس الاعراض لو حبيبي اتاخر فى معاد الاتصال بيا مش عارفة اعلم اية ساعدونى عوزة ابطل قلق عوزة احس بالامان عوزة اسهر برحتى واخلص من الزن لانو انا بسهر غصب عنى مش باديا محدش فهمنى حبيبي بيحاول يساعدنى لكن هو بيكون مسافر احيانا مش عارف يعمل اية انا خايفة من الموت طول الوقت وخايفة على الحب بتاعى يضيع منى عشان هكون مت بردو
ازيك يا قمر انا عارفه ان اجابتى جايه متأخر بس بالنسبه للموضوع الاول هو عمره مهيسيبك لو بيحبك وانت حاولى تحافظى عليه انا فى سنك برده وبالنسبه للموضوع التانى الموت علينا حق كلنا هنموت الموت مش وحش والله قربى من ربنا اكتر من كده وصدقينى الخوف وكل اللى انتى بتقولى عليه ده هيروح تماما انا واحده من البشر بتمنى الموت حتى لو بيخوف هيكون اهون علينا من الحياه دى اختك (اسيره الدموع)
انا مش هكتر في الشق التاني من موضوعك اللي هو الموت لان كلام الاخت ملكة العشق في صميم الموضوع لا ربنا رحيم و ما خلقش الموت عذاب خلقه لنا رحمة لو وصلتي لهذه القناعة فسوف تعيشين في طمأنينة و سكينة لانكِ بدونهما لا حياة لك فالقلق اشد وطأة من الموت
اما بما يتعلق بالشق الاول الا وهو الخوف من تخلي حبيبك عنك انت فتاة مرهفة الحس تمتلكين الحاسة السادسة تحسين بالشئ قبل وقوعه و لانكِ تشعرين بالاشخاص و مدي صدقهم معكِ فهم لا يستطيعون التمثيل عليكِ و في نفس الوقت انت تتعذبين لانك تعرفين نهاية كل شئ في حياتك و تحاولين تكذيب احساسك اتجاه الناس حتي لا تكوني انسانة مششكة في الغير
انصحك ان تستفتي قلبك به ان رآي انه يستحق حبكِ امناحيه الفرصة و ان لم تري انه يستحق فإنسحبي من حياته قبل ان تتألمي
مقدرش مش اقولك متخفيش حبيبك مش هيسيبك لكن لو انتى شايفه فيه انو ممكن يتخلى عنك او تصرفاته بتدل على كدا يبقى من حقك تخافى لكن لو هو مخلص ليكى ومديكى الدفئ والامان زى مبتقولى يبقى حرام تخافى انو يسيبك لثانيه وحدا حولى تديلو الثقه وحياتك هتكون افضل متخفيش منه لو هو مخلص ليكى ….. بلنسه لى الموضوع التانى كلنا بنخاف من الموت لكن مش اوفر كدا حولى تهدى شويه لى ان الموت حقيقه موجوده بس الحمد لله محدش بيتحكم فيه غير الى خلقنا ومحدش هيكون اكرم علينا منه فا نخاف من ايه