مشاكل البنات قبل الزواج

محتارة كتير..يا ترى انا بحبه

انا بنت عمري 20 سنه ولسى بدرس بالجامعه يعني مش مفكرة ارتبط بحد بس قبل فترة سمعت انه في واحد بحبني (اخته حكت لخالتي ) وانا ما اهتميت للموضوع في البداية بس انا واياه بنفس الجامعة وهو مش ببين لي حبه يعني عادي مش محسسني باهتمامه بي بس انا الي محيرني انه قبل ما اشوفو بكون حاب كتير اشوفو وبروح لاي مكان بتوقع اشوفه فيه بس لما يجي ببطل احب اشوفو وبهرب من المكان الي هو فيه انا مش عارفه بحبه ولا لا هو انسان محترم وهادي وعمري ما شفت منه تصرف سيئ بس في شخصين حكولي انه هو بعرف بنات انا بجد محتارة في موضوعين الاول يا ترى انا بحبه والتاني انه هو بجد محترم وما بعرف بنات وبحبني اعمل ايه ساعدوني

مشاكل وحلول ذات صلة

اضيف بتاريخ: Thursday, September 30th, 2010 في 03:00

كلمات مشاكل وحلول: , , , , , , , , ,

16 رد to “محتارة كتير..يا ترى انا بحبه”

  1. مجنون نسوان
    26/12/2015 at 11:23

    اختي لوكان فعلاصادق في نواياه ويحبك مثلماقالت اخته لخالتك يجي يخطبك من اهلك حسب الاصول ومسالة شعورك انت فدي مجرداعجاب ليس الا ولاتسمى حب حقيقي مالم يكن من كلا الطرفين ونابع من القلب للقلب ومسالةانك سمعت عنه انو بتاع بنات فهذايجعلك تفكري في عدم الارتباط به لسوءاخلاقه وفسادتصرفاته وربي يوفقك ويكرمك بالزوج الصالح اللي فعلا يستاهلك ويقدريصونك ويسعدك في حياتك

  2. ابوبتول
    15/07/2014 at 01:51

    اولا انت بنت مراهقة ودا شعور كل مراهقة تحس ان الشاب يحبها ويطاردهابنظراته ثانيا-البنت المحترمةماترخص نفسهاابدامهماكانت المغريات وماتجري وراءاي شاب نهايا ثالثا-اهتمي بدراستك ومستقبلك وماتفكريش الافيهم وربنايبعت لك نصيبك ويكرمك باابن الحلال اللي يستاهلك

  3. ابواميرة
    11/02/2014 at 23:38

    اولا البنت المحترمةوالشريفةماتجري وراءالشاب مهماكانت الظروف والمغريات ثانيا اللي يعرف بنات ماينفعش يكون زوج صالحا في حياته ودايماالخيانةفي دمه ومايستقيم حاله ثالثا وهوالاهم ماتتكلمي معه ولاغيره واهتمي في جامعتك ودراستك وربك كريم بيكرمك بكل خير دامك تخافي الله في نفسك وفي شرفك وتحافظ عليهما وفقك الله وسترعليك

  4. ابواميرة
    14/10/2013 at 21:51

    ممكن تعرفي عنه من خالتك اذاكان شاب بيخاف الله ومودب وابن ناس كويسين ايه المانع يتقدم لاهلك رسمي وربنايتمم لك بالخير

  5. مصريه بجد
    01/02/2013 at 19:39

    بصى حاولى تعرفيه اكتر من كده يعنى تعرفى من خالتك اللى بتعرف الموضوع وشوفى لوكان كويس ولا يعنى اعرفى طباعه اكتر من كده وعلى فكره اللى انتى فيه ده حاله حب وربنا يوفقك

  6. ابواميرة
    07/12/2012 at 09:21

    اذاهو انسان كويس وملتزم واخلاقه كويسة حاول تعرفي من خالتك اللي تعرف اخته مشاعره تجاهك وهل عندواستعداد يتقدم لاهلك ويخطبك رسمي ذاكان ايوه فخليه يتقدم واذاكان لا انسيه ولاتفكري تاني فيه وربنايكرمك بغيره

  7. عا شقه البحر
    17/06/2012 at 18:30

    الانسان ما بيقدر يخرج المشاعر الي جواه حاولي تتقربي منه وتعرفي هو بيحبك ولا مجرد اعجاب ولا تفكري في البنات الي كان يعرفهم يمكن اول ماحبك تغير كليا وخذي الي يحبك ولا تاخذي الي تحبيه

  8. نور العيون
    20/02/2011 at 00:04

    انا ذيك بالظبط نفس كلامك دة عندى وبجد انا هموت من الحيرة بحب اشوفة جدا بس لما اشوفة ويبص لى ببعد نظرى عنة بشكل سريع جدا لدرجة انة بيشوفنى ويعند ويفضل يبص على يعنى المشكلة وحدة ربنا يوفقك ويوفقنى

  9. محمد سعد
    06/10/2010 at 07:17

    هوا بيحبك علشان كدا مش عاوز يتقدم ويكلمك غير لما يكون قادر يعمل حاجة رسمى يعنى يبنى خطوه المشكلة بتاعتك دى انا فيها دلوقتى ولو مقدرتش اخد خطوه مش هتقدم لان انا مش ينفع اكلم بنات الناس واعلقهم بيا وبعين ظروفى مش تسمحلى على فكرة انا مش هوا انا بس عايش نفس القصة دى

  10. نسرين
    02/10/2010 at 17:51

    ربنا يوفقك معاه انشاء الله اختك نسرين من الجزائر

  11. صاحبة المشكلة
    01/10/2010 at 13:59

    شكرا كتير على مساعدتكم لي بس انا مش عارفه ان كنت بحبو ولا لا يعني انا بحب اشوفو واسمع كل اخباره وبفرح اذا عمل حاجة عجبتني بس لما اشوفو بتهرب منه وانا ما بقدر احكي معاه لاني خجولة ونسيت اقولكو حاجة انه هو ما بعرف انه انا بعرف انه معجب بي ومش عيزني اعرف يعني هو ليه مش عايزني اعرف ساعدوني ارجوكو لاني بجد محتاره اوي

  12. نور
    30/09/2010 at 16:02

    نسيت اقولك انتى عمرك ما هتفهمى البنى ادم دة مش عشر دقايق واللة عشر سنين كمان انا مش بخوفك لا انا بحزرك واللة لانى خايفة عليكى زى اختى الصغيرة ويارب يبعد عنك كل حاجة وحشة

  13. نور
    30/09/2010 at 16:01

    انا رايى ابعدى عن الحب بجد دة نصيحة خللى الحب دة بعد الجواز ولو انك حاسة انك معجبة بية وهو بيحبك زى ما بيقول ييجى يتقدم فورا ليكى ولو ظروفة مش مناسبة اوعى تعرضى نفسك للارتباط بدون خطوبة او جواز لان دة هيقربك للمعصية وصدقينى دة نصيحة من انسانة حبت قبل كدة ودمرها الحب

  14. كاكاروت
    30/09/2010 at 13:59

    بصى يا اختى لازم تتكلمى معاة وانتوا قدام بعض ولو حتى 10دقايق وحولى بكل جهد فى خلال ال10دقايق دول انك تعرفى شخصيتة مثلا لو هو بيتكلم بجراءة حاجة من اتنين اما يكون كلم بنات قبل كدة فالموضوع عادى بالنسبالة او يكون واثق من نفسة وعلشان تفرقى لو هو واثق من نفسة هتلاقى كلامة محترم وبيتلغبط شوية ولو ملقتيش كدة يبقى كلم بنات قبل كدة ولو لقتية مكسوف اما بيمثل او هو فعلا كدة وعشان تميزى لو هو بيمثل هتلحظى فى بعض الاوقات ولو لمدة 5 ثوانى ممكن تلقية مرة وحدة فتح فى الكلام وسكت قصدى ان طبعتة بتغلب تطبعة ولو بيتكسف يبقى انسان محترم بس عايز اقلك بسم اللة الرحمن الرحيم
    “لا يكفل اللة نفسا الا وسعها” صدق اللة العظيم
    بمعنى انك انتى الوحيدة الى ممكن تحلة مشكلتك واتمنى ان اكون افدتك وشكرا

  15. اشارك برايى بموضوعيه
    30/09/2010 at 11:24

    رايى لازم تتاكدى من حقيقه مشاعرك الاول هل بتحبيه ولا مجرد اعجاب والا فرحانه باهتمامه
    ولو تاكدت من مشاعرك خلى خالتك تطلب منه يتقدم رسمى للخطوبه

  16. رغوده
    30/09/2010 at 09:14

    السلام عليكم بصى هو جه قال لاخته علشان تقل لخالتك انه يخطبك لو كدا صدقينى يبقى هو بجد شريكى ومحترم وانتى عارفه ان البنات فى الجامعه مش بتسيب حد فى حاله وبالنسبه لحبك ليه مفيش حد يقدر يقولك الموضوع ده غير نفسك انتى ونفسك وربنا يوفقك

اترك رداً أو حلاً لهذه المشكلة