انا طالبة عندى 18 سنة و دى السنة سنة تالته اخر سنة . الحمدلله بصلى و باعرف ربى كويس و مطيعه لوالدى و بساعد اخواتى . و بادرس و باجيب علامات جدا ممتازه لكن في حاجا جوايا مش عارفه ايه هى دى و ربنا انا تعبانه قوى و محدش حاسس باللى انا فيه غير ربنا . مش عارفه باحس انى مخنوقه كدا فجاة و باعيط اووووووى و ببقى متضايقه طول اليوم . تقربت الى الله اكثر صرت بستغفر و كل يوم باقرا قران . برده و انا باقرى قران بببكى باحس فى ضغوط عليا حاولت اغير من نفسى و اخرج اتفسح لكن مفيش فيده خالص . كده احيانا باحس انى مش حابه الناس مش عاوزه اشوف حد خالص . مش عارفه مالى بجد تعباانه اووى لدرجه بتمنى الموت و اللهى الموت راحه ليا . حاسه من التعب نفسى ادعى ربنا انى اموت هرتاح بجد . امى بتقولى لسه سنى صغير على الهم ده حسيت وانا باشكى لها باتعبها معايا اووي لدرجه انها تمرض الان قررت اشكى لكم انتو مااقدرش اتحمل بجد قولت هاروح لشيخ يقرى عليا وفعلا روحنا ولكن ده اليوم للى روحنا فيه ماكنش موجود الشيخ . يارب ارحمنى يااارب بدعووك قولولى اعمل ايه و ليه كدا بيحصل ليا ؟؟؟؟؟؟؟؟؟؟؟؟؟؟؟؟؟؟ بجد اخواتى سعدونى
ارجوكو نزلو موضوعى بسرعه
جزاكم ربنا الف خير
بصراحة اعجبني رد الاخ – اخوكي – واتفق معه جدا في كل ماقاله لصاحبةالمشكلة ده هوالراي الصحيح والسليم لحالتك اتمنى انها تستفيد من كل ماذكر لها وتعمل به والله يوفقها ويصلح حالها
ابنتي الفاضلة لماذا التشايم في حياتك وانتي في ريعان شبابك وزهرةمفتحة حرام تعملي كلدافي نفسك خليك صادقةوقريبة من ربك واكثري من قراءةالقران لانه شفاءلمافي الصدور وادي صلواتك في اوقاتها وتقربي بقلب خاشعالله اثناءدعاك ان يفرج عنك ماانت فيه من الهم والغم وان يشرح لك صدرك ويهديك لصراطه المستقيم واتركي عنك الوحده والانطواء واخرجي مع صحابتك اواخواتك للفسحه والترويح عن النفس ومارسي الرياضة اللي تحبيهاواستمري في الانفتاح على المجتمع من حولك بلاش العزلة واشغل وقت فراغك بكتابة القصص المفيدةاوتعلم فن الديكوراو الطبخ وتاكدي انك بتحس بتغير كبير في حياتك وبيروح عنك ماكنت فيه وربي يسعدك ويبعدك عنك كل هم وضيق ويوفقك في حياتك
انا حاسه انك بتحكي عني انا
بصي هو تقريبا كده اننا كلنا بنبقي كده في السن ده ..عشان انا اعرف ناس كتير كده
المهم حاولي تعملي اي حاجه تخرجك من اللي انتي فيه ..ومتخليش طقتك السلبيه تئسر عليكي
انا شايف انك مشفيش عندك مشكلة ولا حاجة بس السبب في ده هو الفراغ وانصحك انك بعد ما تؤدي العبادات وتقرأي ما يقدرك الله عليه من القرأن ان تمارسي الرياضة او تقومي بتنمية مهارة او موهبة عندك وحاولي انك تقربي من الناس الكويسين وخليكي اجتمتعية وربنا يزيل همك ونسمع عنك اخبار كويسة اخوكي احمد
حبيبتي انتي معندكيش حاجا خالص انا بنت زيك وساعت بحس بنفس الاحساس واعد اعيط وادعي علي نفسي كتير معرفش ليه برضو بس في حاجات بتخنقني من تصرفات الناس اللي حاوليا والناس بقت وحشه وساعات بتخنق من الفراغ اللي عندى اوقات حبيبي اتي اهدى بس متخفيش علي نفسك ومتحطيش اوهام في دماغك ولا تروحي لشيخ انتي عارفه انا بعمل اى لمه بكون كدا بنزل مع اصحابي واصحاب اختي نتمشي بحس اني مرتاحه بفك عن نفسي فانتي ياريت تعملي كدا بالله عليكي وربنا يهدينا جميعا
عليكى بمحاوله التفكير الايجابى والبعد عن هذة الوساس لانها من الشيطان وكونى على اراده قويه انك هتكونى احسن وهتبتعدى عن كل هذة الافكار السلبيه ولا تستلمى للاوهام وحاولى تقتربى من الله تعالى بجديه والتزام وعليكى بذكر الله والاستغفار لما فى ذلك من فوائد كثيرة وعليكى ايضا بتقوى الله والمواظبه على الرقيه الشرعيه بنفسك لا بشيخ واصبرى ولا تتعجلى وممكن يكون حسد لذلك استعينى على قضاء حوائجك بالكتمان وربنا يوفقك وقلابى من اهلك جدا وان لم تحسى بتحسن عليكى باستشارة طبيب نفسى ولا حرج فى ذلك قد يكون نتيجه لخلل ويحتاج الى ادويه
أختي العزيزة
مافيش حاجة إسمها أروح لشيخ يقرأ عليا
ومافيش شيخ هيعمل كدة أصلا
أنتي إقرأي على نفسك أو خلي أمك أو أختق تقرألك إذا حبيتي
لكن إذا فعلا بيجيلك حالات من التعب الغير مبرر وكره الناس وإنعدام الإرادة أو القدرة على التواصل معاهم
هنا إبدأي حلها بخطوتين
نجاح الأولى ينفي إكمال التانية
أول حاجة
نظمي وقتك
مارسي الرياضة
وإتغذي كويس
خليه عندك نظرة تانية لأي حاجة أنتي شايفاها مشكلة
فيه حاجة إسمها
cognitive-behavioral-therapy
العلاج التفكيري السلوكي
هاتي ورقة دلوقتي؟
إكتبي في نص السطر الأول أفكار
إكتبي تحت على اليمين شعور
وتحتها على الشمال فعل أو أكشن
حلو؟؟؟
إرسمي سهم من أفكار —->شعور ———–> أكشن ———–> أفكار
وكده رجعنا لأول الدايرة اللي مابتخلصش
تلخيص الموضوع في قصة بسيطة وممكن تطبقيها لأي حاجة
أنتي بتحبي صاحبتك جدا
شوفتيها في الشارع بصت الناحية التانية وماردتش عليكي
ممكن أنتي تفسريها
الفكرة : دي بتعاملني وحش وبتكرهني
الشعور : أنا زعلانة جدا وتعيطي مثلا
الأكشن : أنا مش هكلمها تاني
الأفكار : مش كفاية ماكلمهاش دانا لازم أولع فيها
الشعور : أنا بكره الدنيا
……………………………………..إلخ
الأحسن
الافكار : هية ماردتش عليا ليه يمكن مشغولة أو ماشافتنيش
الشعور : دي حاجة غريبة
الأكشن : هابقى أكلمها وأعرف القصة
خلصت الحلقة وإتكسرت
دي مجرد طريقة
بس لازم يكون في تنظيم لحياتك كلها
تراعي فيها إنك تعملي اللي إنتي بتحبيه وتكوني سعيدة بيه
يمكن تكون القرأة أو الخروج
طيب كل دة مانفعش
إتأكدي كويس
أكيد؟؟؟؟؟
طيب
روحي لطبيب نفسي
أخوكي
طالب بمستشفيات جامعة عين شمس
كلمة اخيرة
مش كل الناس وحشة
زى ما ربنا خلق الوحش خلق الحلو برضه
زى ما فيه ناس لا تستحق الثقة فيه برضه ناس جديرة بالثقة
ومن الخطأ ان ننظر الى نصف الكوب الفارغ ونترك النصف الاخر المليان
هذا ليس عدل
عايزة تبقى سعيدة ابحثى عن اى شىء حلو فى حياتك
وان لم تجدى فاخرجى الى العالم
المواجهة افضل من الفرار
وكيف احوالك مع الوالد؟ (يتبع)
يعني انتي مستعدة للموت والحساب صدقيني لو فكرتي بالأخرة عمرك ما هتتمني الموت هدفك انك تقربي لربنا وتصوني عرضك وتقومي بالاركان الدينية قدرتي تعملي كده خلاص نامي مستريحة ليه الحزن
متشكره على ردودكو
هحاول اكثر من الاستغفار و اللجوء الى ربنا اكثر
ربنا يوفقكوا يارب و ما تحسوش باللى بحس بيه فى دى الفتره
اخى ادهم لا شخصيتى ليست ضعيفه بالعكس الناس للى جمبى معجبين بقوة شخصيتى و ايمانى . باثق في نفسى . فى البشر لا
زيي كلام اخى المستار على شخصيتى تقريبا كدا انا .
اما بالنسبه لاسئلتك اخى
اول حاجا معايا زميلات كتيير على للى بشوفه اصبحت مبحبش اعمل صداقات خالص . مثلا هقول موقف كدا واحده صحبتى بتتكلم على بنت و بتشتم عليها و اخر حاجا تصاحبها دى اكيد بتتكلم عنى انا برده صح و هيحصل معايا نفس للى حصل مع فلانه ؟؟؟؟؟؟
اكثر شخص اتحدث معاه امى و للى هيا باعتبرها هيا صحبتي مفيش قلب زيها . لكن باتعبها خاصه فى ديقى ده للى مالوش اسباب لذا قررت مش هقول لها حاجا .
لا اثق فى احد لانه مفيش ناس تستحق الثقه ممكن فى لكن قليل اووووى
وعلى للى بشوفه بين البنات اصبحت الثقه معدومه
انا من النوع الكتوم
ربنا يوفق للى ردوا عليا و ينور قلوبهم بطاعه و الايمان
بصى يا اختى انا بنصحك ان تكثرى من الاستغفار لان الرسول عليه الصلاة والسلام قال من لزم الاستغفار جعل الله له من كل هم فرجا ومن كل ضيق مخرجا0ويقول الله عز وجل (وقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)فلا بد من كثرة الاستغفار وذكر الله عز وجل والله انا مجربة كل ما اكون متدايقه افضل استغفر الله بيتفرج كربى على طول وبيزال همىولابد ان نبتعد عن المعاصى
انتى عارفه انتى لازم يكون عندك حتى لو صديقه قريبه جدا منك هى دى اللى هتنسيكى كل حاجه
انا زيك بالظبط بس انا عندى صديق مخلص اوى قريب منى اوى بنسى وانا معاه اى حاجه
ابنتى العزيزة
حفظك الله ورعاك من كل مكروه
اقول – والعلم الام عند الله – انك انسانه حساسه جدا
كما انك تمتازى بالشفافيه والصفاء – وهذه صفات تكاد تكون
فى طريقا للانقضاء – وللاسف تعيشين الان مجتمع مادى ميكايفى نفى
فكل خلاف لطبعك يترك اثره فى نفسك- كما اعطاك الله عقل وذكاء تحمدى الله عليهما لذالك يقال
“ويل لمن سبق عله زمنه ” كل ما اقولة لك ثقى ف نفسك وفى قدرتك – واندمجى اسريا
ولا تخلى ال نفسك كثيرا ل دعى وقت الخلوه ان تكون مع اكثر انسان تحبيه وتثقى فيه ولتكن السيده الوالده مثلا -او والدك وفقكك اله لما فيه الخير
ابو ايه
يأنسة حزينة
انا ممكن اساعدك ولكن محتاج اولا انك تساعدينى وتساعدى نفسك
كل الظروف اللى بتمرى بها اكيد لها ابعاد نفسية واجتماعية نشأت بداخلك نتيجة ربما صراعات أسرية أو ما الى ذلك من مرورك بمواقف صعبة فى المنزل والمدرسة وأماكن اخرى أثرت على شخصيتك سلبا من جراء تعرضك للقهر
دعينى اطرح عليكى سؤالا…لماذا علاقتك بزميلاتك سطحية..اين اصدقائك…من تتحدثين معه باستفاضة……….واذا كنتى لا تثقين بأحد فلماذا وما الداعى….ذلك قطعا يعود الى اسباب نفسية بحتة انت من تعلمينها جيدا لا سواكى…ابحثى فى داخلك وستصلى الى الحقيقة وامسكى بخيوطها خيط خيط..حينها ستتمكنى من علاجها بسهولة
وبتحليل بسيط فأنت شخصيتك ضعيفة انطوائية ثقت بنفسك معدومة خجولة عالمها ضيق جدا تبكى بسبب الوحدة رغم وجود الناس حولها تخاف من المجهول وتشعر احيانا بالقهر..لأنك مقيدة فى اغلب تصرفاتك
وصدقينى التجديد فى الحياة حل صادق وناجح وأنا أقول ذلك عن واقع تجارب
وأنا مستعد اساعدك لو امسكنا بالموضوع حتة حتة
أرجو التواصل
السلام عليكم ورحمة الله وبركاته
أولا يا أختى يجب عليكى أن تقرأى بنفسك فالرقية والدعاء سيف لكن يجب أن تقوى اليد التى تمسك بهذا السيف فهناك من شرح ضيق الصدر لأنه جاء فى آية فى القرآن (يجعل صدره حرجا كأنما يصعد فى السماء) فضيق الصدر يأتى من أمور انت استوضيحها مع نفسك فهناك أيضًا حديث جميل وطويل أذكر منه: (يابن آدم خلقت الدنيا من أجلك فسر فى طاعتى يطيعك كل شىء يابن آدم لى عليك فريضه ولك عندى رزق فسر فى طاعتى يطيعك كل شىء يابن آدم أرضى بما قسمته لك فإن لم ترضى فعزتى وجلالى لأسلطن عليك الدنيا تجرى فيها قركد الوحش فى البريه ولن تنال منها إلا ما قد قسمته لك وكنت عندى مزموم) وما ذكرته يشير لنقطة هامه وهيا الرضا لأن هناك فرق بين الصبر والرضا فلتنظرى بنفسك فى حياتك فهل أنتى راضيه وعن أى شىء لا ترضين هذا أنتى أبلغ إنسانه فى معرفة نواقضك مع الرضا وكونى مع نفسك صادقة حاسبيها وعتبيها وعندها بإذن الله سوف تصلى إلى هدوء النفس مع الرضا والصبر الجميل لأنها أعلى مرتبه من الرضا بدون صبر…. وأزاح الله عنك غمتك وكشف عنك بلائك اللهم آمين يارب
بجانب الادعيه اللى زكرت فى الردود السابقه اولا ده سن المراهقه الطبيعى وبما انك ملتزمه والحمد لله فانتى مش حتعملى زى بنات كتير وهيه انك تتجهى للحب و الكلام مع الولاد بس النصيحه اللى حقولهالك هيه انك متقوليش كتير انك مخنوقه وقولى جواكى انك كويسه لان اهم حاجه راحتك الداخليه واتفرجى على حاجات تضحك ما تحاوليش تقعدى لوحدك وزودى ساعات المزاكره وخلى مامتك هيه صاحبتك الاولى بس بجد ماتحطيش الموضوع فى دماغك وما تشتكيش لحد لانك ممكن تسمعى نصايح تضيعك وتخليكى سعيده بس فى وقتها وبعد كده تندمى وترجعى زى الاول واكتر بس والله ده سن المراهقه الطبيعى بس حرجع واقولك ما تقوليش لنفسك انا مخنىقه قولى على طول انا اسعد انسانه فى الدنيا
السلام عليكم ورحمة الله وبركاته
اذا كان هذا الضيق والبكاء بدون سبب واضح , فان هذ يعنى انكى مصابة بسحر او مسة ارضية.
وانا انصحك بعرض نفسك على اهل التخصص من المعالجين من السحر. واذا اكتشف المعالج انكى سليمة ولا يوجد سحر ولا مسة ارضية. اعرضى نفسك على طبيب نفسى لربما كان هذا مرض نفسى.
شهانة الحوينى
طالبة فى السنة الاخير / كلية الطب
السعودية_____________الرياض
بتقولي ايه في صلاتك
مش ربنا قال ادعوني استجب لكم
معني الحديث ان الرسول وجد رجل في غير وقت الصلاة فسأله ما باله فقال له هموم لزمتني فقال له ما معناه قل “دعاء الهم المعروف”
“اللهم اني عبدك وابن عبدك وابن امتك ، ناصيتي بيدك ، ماض في حكمك ، عدل في قضائك ، اسألك بكل اسم هو لك ، انزلته في كتابك ، او احتفظت به في علم الغيب عندك، ان تجعل القران ربيع نفسي وجلاء بصري ، وذهاب همي وغمي ” راجعي رياض الصالحين للتحقق من النص.
والدعاء الاخر ” اللهم اني اعوذ بك من الهم والحزن ، واعوذ بك من العجز والكسل ، واعوذ بك من الجبن والبخل واعوذ بك من غلبة الدين وقهر الرجال”
والقلوب تمل فالتمسي للترويح عنها الجليس الانيس ، وخير جليس في الزمان كتاب.
قال رجل انا لوحدي ولكني لست وحيدا …. دي مش حا اشرحهالك واكيد حا تفهميها لوحدك.
خففي من الضغوط اللي بتعاني منها عن طريق الاسترخاء وبلاش شرب شاي وقهوة كتير.
اللبن مهدئ طبيعي .
انت شكلك عاوزة تتميزي في النتيجة بتاعتك ، زاكري بتركيز 15 دقيقة بعدين خدي راحة وكرري العملية وحلي امتحانات سابقة كتير لان ده سر المتفوقين المابقولوش لحد، وكلي سكر زيادة.
اتعلمي تستأنسي بربك ، ازاي ، اتكلمي معاه ، هو مش سميع ، هو مش بصير ،ده ربنا ما بيمل من سماع عباده اطلبي منه الانت عاوزاه فخزائن الله لا تفرغ. اما الدعاء بالموت فلا تستعجلي امرا هو حتما قادم لا تضمني مأله ، مش سيدنا ابوبكر قال ما معني الكلام لو دخلت احدي رجلي الجنة وبقيت الاخري لم اضمن دخولي الجنة وهو احد العشرة المبشرين بالجنةولا انت ضامناها ؟ ده كلمة لا اله الا الله محمد رسول الله يقولها العبد خير من الدنيا وما فيها.
واخيرا اكثري من الاستغفار فمن اكثر منه جعل الله له من كل ضيق فرجا ومن كل ورزقه من حيث لا يحتسب ،ربنا يوفقك
حبيبتي انا اكتر واحدة حاسة بيكي والله انا كمان مريت بالضروف دي وانا في سنك
ماكنتش فاهمة نفسي واعراضي بس لما عديت سن المراهقة حسيت اني خفيت
انا اعتقد والله اعلم ان دي اعرض سن المراهقة
ربنا يشفيكي ويعديها عليكي بخير
اسمعي رقيو شرعية وقران على طول وكمان فس ذكر كنت بقوله وانا مخنوقة كنت بحس على طول بتحسن:لا حول ولا قوة الا بالله العلي العضيم .
قولي الذكر ده كتير والله هيفيدك
لو تحبي كمان تعرضي نفسك على دكتور نفسي وتحكيله كل حاجة بتدايقك صقيني مافيش حد هيفهمك زيه
انا كنت باحكي لماما ولصحباتي كانو بيستغربوني وكنت بادايق اكتروبتزيد حالتي سوء
والي كان بيقولي انتي فيكي مس والي كان بيقول دي عين و ……………
صدقيني دي اعراض سن مراهقة وهتعدي
ربنا يشفيكي يارب ويحميكيمن كل سوء
مابثق فى احد عشان كده مابحبش اكون صداقات علاقتى محدوده اووى مع زميلاتى
الدراسه مبفكرش فيها اوى لانى ممتازه
متشكره اوى على ردودكو
لا الحمدلله مش بافكر فى الشغل . مش قصدى بساعدهم ماديا يعنى فى امور تخصهم كداا الحمدلله عائلتى مستواها المادى عالى ولله الحمد انا وحدى بجد مش عارفه ليه ببكى ؟؟؟؟؟؟ و ليه نفسيتى كداا تعباانا لدرجادى و مفيش حاجاا حصلت عشان اتدايق كدا
اخى ادهم بالفعل انا معنديش صحاب . اللى بالمدرسة معاياا دول اعتبرهم زميلاتى مليش صحاب خالص
تعبانا بجد قربت اتجنن
ببكى من غير سبب مش عارفه أصل ببكى ليه
بصى يا اختاه
نصيحه منى وبجد عن تجارب
ألتزمى الاستغفار
والله ثما والله ان الاستغفار له سحر على القلوب
لا احد يعرف قدره
ويسلام لو التزمتى بسيد الاستغفار
عن شداد بن أوس رضي الله عنه عن النبي صلى الله عليه وسلم سيد الاستغفار أن تقول
{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}
وربنا يفرج همك وهمى وهم جميع المسلمين اللهم امين
متشكره على ردودكو
لا اخى مش بساعد اهلى ماديا الحمدلله مستوانا المادى كويس جدا و مش بفكر بالشغل عادى . بجد مش عارفه مالى كده . تعبانه اووووووى
ممكن عشان اخر سنة تعليم و لكن انا مجتهده مفيش خوف يعنى من انى مثلا ما اجيب نسبة عاليا
بببقى مخنوقه طول الوقت لدرجه مش باقدر ادرس خالص
اخى ادهم بالفعل انا مش معايا اصديقاء و كلهم اللى معايا بالمدرسه دول باعتبرهم زميلات مش اكتر اصلى مش بتثق فى اى حد
يمكن بتعملى كده عشان اخر سنه دى فى التعليم …اوقات التفكير فى المستقبل يخلى الواحد يحس بكده
…خصوصا موضوغ الشغل وانتى بتقولى انك بتساعدى اهلك …انا بخمن لانك مقلتيش بتبكى لما تفكرى فى ايه بالضبط…ممكن كلامى ميبقاش مفيد ليكى…لكن انا فى ايام الدراسه كنت بشتغل واساعد اهلى لكن فى الفرقه الرابعه حسيت بالضياع عشان الشغل والفرص القليله واوقات كنت ببكى …هشتغل ايه واساعدهم ازاى واكون نفسى امتى وعشان اسافر اجيب فلوس منين…المهم اتبهدلت من اكتوبر للشيخ زايد لشرم الشيخ لبورسعيد…اى شغل وقمة البهدله…لكن ربنا
بيسترها ….ولو بتفكرى فى الماديات دى…ممكن كمان بتحسى بكده عشان معندكيش اصحاب كتير او عندك اصحاب لكن مش فاهمينك …المهم ابقى وضحى المشكله عشان اللى يقراها يقدر ينصحك او يقول رايه ….
شوفى يأختاه
انت محتاجة لاعادة تكوين صداقات جديدة وأن يدخل حياتك أناس جديدة
تجدين فيهم سمات محترمة تبحثين عنها..من الشخصيات المرغوبة
لأنهم سيضفوا على عقليتك افكار جديدة
وسيتطرق عقلك لفعل اشياء حسنة تملأ فراغك وتصيرى سعيدة
ويجب ان توءمنى بأنك ستقابلين اشخاصا يغيرون حياتك…فاختارى منهم الحسن واتركى السيىء
جربى وهتشوفى وربنا يوفقك