انا شاب27 سنة انا انسان محترم جدا وملتزم والحمد لله بس فى الاول اعذرونى انى ممكن ما اكونش مرتب فى كلامى المشكلة اللى عندى انى حاسس ان الوحدة بتفرض نفسها عليا مع ان ليا اصحاب كتير بحب ان اكون لوحدى على طول ولما اكون مع اصحابى مش بنلاقى مواضيع نتكلم فيها غير البنات وطبعا الغيبة والنميمة وانا اكره الصفتين دول ومحبش اجيب فى سيرة الناس
بلاقى اصحابى بيخرجوا مع بعض من غير ما يقولولى والاقى نفسى لوحدى وبعمل نفسى معرفتش طبعا ممكن اكون انا السبب لانهم قبل كدة كانوا بيقولولى تعالى معانا بس كنت برفض لان مشكلتهم انهم بيبقى كلامهم بنات وبس وعايزين يروحوا اماكن تعبانة وطبعا غير الكلام القذر اللى بيقولوه لبعض من الالفاظ الخارجة طبعا بعد كدة كبروا دماغهم منى حاسس انى انسان كئيب ومعقد
وحصل مرة قبل كدة ان واحد صاحبنا سافر وبعت جواب يسلم علينا بعد شهروقال اسمائهم كلهم وطبعا اسمى مكانش فيهم واحنا قاعدين مع بعض فطبعا نفسيا مش قادر انسى الموقف ده مع انه حصل من 5 سنين طبعا هنا محدش بيفتكرنى
ومشكلتى انى قليل الكلام ممكن اللى حواليا كلهم بيتكلموا وانا مش عارف اقول ايه مش بعرف اكون راى فى اى موضوع وساعات لما اتكلم بلاقى نفسى لخبطت الدنيا
دلوقتى انا فى الغربة
مش عارف اكسب اصحاب جداد من انى كل اللى اعرفهم بيحترمونى جدا ويثقوا فيا وبيحكولى اسرارهم وهمومهم بس مش بلاقى اللى احكيلوا همومى حتى الوحدة هنا بتفرض نفسها عليا فى الاجازات والمناسبات زملائي فى الشغل اللى متجوز بيخرج طبعا مع اللى متجوز زيه والل مش متجوز يا أما عنده قرايبه او اصحابه بيخرج معاهم وطبعا مينفعش اخرج معاهم والاقى نفسى فى الاخر قاعد لوحدى يومين تلاتة فى البيت
بقعد على النت كتير وبدخل على برامج الشات كنت بفكر اتكلم مع البنات بالذات بس خوفى من ربنا بيمنعنى لانه كما تدين تدان وكمان بحاول انى اتقى ربنا اكتر عشان لما اتجوز ربنا يكرمنى بواحدة بنت حلال
مش عارف اعمل ايه نفسى اعيش زى ما الشباب عايشين نفسى يكون ليا اصحاب نفسى اخرج من الوحدة اللى انا فيها نفسى اعمل حاجة مفيدة فى حياتى ساعات بحس انى بنأدم فقر والوحدة مش حتسبنى خايف انى بعد ما اتجوز احس بردوا بالوحدة
اللى عنده حل يقولى اعمل ايه بارك الله فيكم
نصيحتي لك دور اصدقاء غير ذولاء اصدقاء سوء مايزيدوك الا غم دور من مستواك انقياء طاهرين
وبتسعدهم ويسعدونك وتحس معهم طعم الصداقة الحقيقية
شوف انت احسن منهم وياليت كل الشباب زيك كدا صدقني انك صح وهم غلط ولوماعاجبك تصرف صحابك دول اتركهم وشوف غيرهم الدنيا بخير فيها الكويس والوحش والزين والشين وربي يوفقك ويهدي الجميع
الحمد لله هذا من فضل الله عليك فلا تيأس
الله يوفقك ليت الناس يصرون مثلك
ينقصك بعض الثقافة الشرعية والعلمية..
اقرأ كثيرا، حتى تزيد ثقافتك..
أنا أتمنى أن أحظى بوقت فراغ مثلك كي أنمي ثقافتي أكثر وأكثر..
أنا أتمنى أن أكون وحيدا لفترة كي أزيد قراءتي..
يا أخي أنت في نعمة، أصحاب السوء تركوك فاحمد الله..
ولا تنس أن المعرفة الشرعية في الفقه الإسلامي أساس الحياة وتجعل لك القدرة على تكوين الآراء في شتى مجالات الحياة الاجتماعية والسياسية والدينية.
انت مش متخلف ابدا وانا زيم عندي نفس المشكله بس انا اصدقائي اخلاقهم زينه و الحمد لله ولكني قليلة الكلام جدا لذلك اراهم يبتعدون عني ولكن اعلم ان الله معك دائما ولا تدع احدا يشعرك بانك وحيد ابدا. امثالك لازم يكثرون في هاي الدنية
انا مبسوط من كلامكم اوى ومتشكرين جدا
بدون مبالغة والله لو ابغى اكتب موضوع احكي فيه عن نفسي
لكان اخذت موضوع والله نفس معانتي T_T
حتصدق لو قلتلك إن أنا نسخة تبك الأصل منك أبشر إل زينا نصيبهم فى الدنيا فى الحياة الزوجيةبصدق ومتزعلش ياجميل أنا أتمنى إن ولدى يكون زيك.
انت مش معقد ابدااا
بالعكس ياليت كل الشباب مثلك كان الدنيا بخيرر
انصحك تبتعد عن اصحابك دول لانهم رفقاء سوء والصاحب ساحب والرسول حذر من اصدقاء السوء
صاحب ناس مثلك ملتزمين و اخلاقهم رائعه و اشغل وقتك بشي مفيد حتى لاتشعر بالوحده
والله يوفقك ويرزقك الزوجه الصالحه يارب
انت اكثر انسان طبيعي اراه في حياتي الانسان الي يخاف الله نادر في هذه الدنيا بالعكس انت افضل من اصحابك الي مضيعين حسناتهم بالغيبه وكلام عل بنات انت لازم تختار اصحاب نفس طبعك ودينك حتى يزيد دينك وتبعد عن اصحاب السوء للعلم اصحابك يحترموك اكثر واحد لدينك الله يحفظك وابعد عن الجات ولا تكلم بنات وتزوج الله يفرحك
ربا يوفقك …انا عندى نفس المشكله لكن الاختلاف ان معنديش اصدقاء اطـــــــــــــلاقا….ولا كويسين ولا سيئين…..لكن المشكله هى الحساسيه الزائده…ونصيحتى ابعد عن الشات ولا تصدق اى انسان فى الشات…ناس كتيره بتفضل ان علاقاتها مع الاخرين تبقى محدوده …الجهل و انعدام الحياء و التفاهه بقوا زى الوباء….ابعد عن الناس دى …وربنا يكرمك …واهم شئ انك تبقى مقتنع انى مش غريب ولا هم احسن منك …
انت اللى ذيك دلوقتى قليل وهذه مشكلتك انك مش لاقى حد ذيك انت احسن منهم كلهم لكن بالنسبه لهم انت غريب فى تصرفاتك لانهم يرون التزامك شىء غريب بالنسبه لهم ومشكلتك صعبه انك تلاقى حد فى اخلاقك ممكن لكن صعب لما يكون مجتمع كله غلط وواحد فيهم صح طبعا هيعتقدوا انه هو شىء غريب بالنسبه لهم تمسك باخلاقك العاليه وابعد عنهم لانك فعلا احسن منهم مهما فعلوا معك اصل الطيور على اشكالها تقع علشان كده هما بيهتموا ببعض وخصوصا فى الغيبه والنميمه والكلام على البنات صدقنى انت صح ربنا يكثر من امثالك
لا أعتقد أن لديك مشكلة
للأسف يا صاحبي الواقع صار صعبا و الحياة باتت مسؤولية علينا أن نعيشها بوعي و نختار منها ما يرضي قناعاتنا و ميولنا
ألم تفكر يوما أن ميولك و أفكارك لا تتفق مع ميول و أفكار أصدقائك بكل بساطة
ربما طريقتهم في التفكير سطحية و أنت تبحث عن العمق في الحديث بعيدا عن السطحية و الكلام المكرر الذي لا يفيد ولا ينفع
لا تكترث إن تذكروك أم لا و لا تنتظر منهم نفس المعاملة بل كن طبيعيا و صادقا مع نفسك بعيدا عن التصنع و الإدعاء
أحيانا نجد أنفسنا وحيدين بلا أصدقاء لكن لا بأس بذلك أحيانا فذلك أفضل من أن نعيش بين أناس غرباء و أن نزيف ما نحن عنه حتى نرضيهم على حسابنا
وحدها الصراحة و الصدق و المحبة هم ما يبقون على الإنسان في ظل متاهات الحياة الوعرة و من خلال ذلك فقط ستكسب الأصدقاء الفعليين و الحقيقيين
كن صديقا للطبيعة و تعلم مما تراه فيها و مما تراه حولك و ستدرك أن لكل إنسان مصير يصنعه من خلال أفعاله و أقواله
و أحب الآخرين و سامح و تسامح ولا تدع أحدا يقنعك بحقيقة نفسك إلا أنت و كن راضيا عن نفسك و لا تخسرها على حساب الآخرين أو الزيف أو التصنع
ابحث عن ميولك و اهتماماتك الحقيقية و دع الماضي للماضي و اقرأ الكتب التي تناسبك و عش حرا كريما صادقا و لا تدع الكره يتغلغل في أعماقك حتى لا تصبح سجين الماضي و تضيع الفرص الجميلة في الحياة
أولا أنا بحييك على التزامك وخوفك من الله واحترامك لنفسك كما أن بعدك عن الغيبة والنميمة والخوض في سيرة الناس والكلام عن البنات هذا لايدل على انك كئيب ومعقد بالعكس هذا يدل على أخلاقك العالية أما بالنسبة لأصدقائك فلا تحزن من تصرفاتهم لأن هذه طبيعتهم التافهة وانت مكانك غلط بينهم والحمد لله انك بعيد عنهم حاليا وحاول أن تتعرف أينما ذهبت على أصدقاء أفضل منهم وميولهم قريبة لميولك وأما بالنسبة لقولك بأنك لاتستطيع ان تكون رأي في اي موضوع وعندما تتحدث بتلخبط الدنيا هذا لأنك محتاج أن تقوي ثقتك بنفسك وأن تختلط بالناس وبأصدقاء لديهم أراء وأهداف في المجتمع لتكتسب منهم بعض الجرأة أعتقد أنك حساس جدا جدا وخجول وصاحب مباديء صارمة جدا وهذا السبب يجعلك تعجز عن تكوين صداقات بسهولة تتذكر أن لكل انسان منا طبيعته وطريقة تربية مختلفة وبيئة مختلفة ومجتمع مختلف واننا مستحيل أن نحصل على انسان نسخة تانية من طباعنا واسلوبنا وطريقة تفكيرنا وتربيتنا لكن يوجد هناك الكثير من الأشخاص الذين يملكون الأخلاق العالية والصفات الطيبة والروح الحلوة المرحة ونصيحتي لك ابتعد عن الوحدة ولاتستسلم لها أبدا وشد حيلك وتزوج بنت حلال محترمة وعاقلة ومرحة وان شاءالله تتغير حياتك للأحسن
وللأهمية النت ليس فقط الشات ولكن هناك مواقع رائعة جدا ومفيدة تنمي أفكارك ومعلوماتك وتعزز ثقتك بنفسك لأن ستكون على علم بكل ماسيدور حولك وحاول أن تتمرن وتعلق بينك وبين نفسك وتكون رأيك الخاص في كل موضوع تقرأه أو شيء تشاهده حتى تستطيع شيئا فشيئا أن تتعود على أن تقول رأيك وبكل صراحة وبتفكير موزون
“والأختلاط بالناس يوسع مدارك الفهم عند الشخص” يعني لا لا للوحدة والخجل والحساسية الزائدة