انا شاب عندي 26سنه وبشتغل بالخارج احساسي بالفشل بيقتلني حاسس اني فشلت في اقامه علاقات اجتماعية و صداقات حقيقيه زي معارفي وزمايلي و فاشل في شغلي كمحاسب دايما مديري بيتهمني باتقصير لدرجه اني كرهت شغلي وموجود فيه بس مضطر و كمان فاشل مع خطيبتي وفيه مشاكل بيني و بينها و فاشل مع اهلي لان الضغط النفسي اللي انا فيه بيخليني عصبي وكمان مع ربنا فاشل لاني مابعرفش اصلي الفجر في ميعاده رغم اني بصلي باقي الفروض غالبا في المسجد وبحفظ قران – حتي اخدت دوره في صيانه الموبيلات و اول جهاز اصله مات في ايدي فحسيت بالاحباط والفشل تاني – قولولي اعمل ايه في نفسي ادعولي ربنا يصلح حالي او اعو عليا بالموت عشان الواحد يمكن يرتاح
مشاكل الشباب النفسية
احساسي بالفشل هيدمرني ونفسي اموت
اضيف بتاريخ: Monday, October 25th, 2010 في 13:41
كلمات مشاكل وحلول: الشباب, صداقة, صلاة, علاقة, مشاكل, مشاكل الشباب, مشاكل الشباب النفسية, مشاكل نفسية
(الضغط النفسي اللي انا فيه بيخليني عصبي) ديه من اكبر المشاكل الي عندك في رأيي ولو حليت المشكلة ديه جزء ويمكن كمان جزء كبير من مشاكلك حتتحل بإذن الله حاول بقدر الإمكان تحلها بإنك تبعد بقدر الإمكان عن الضغط النفسي وخد الامور بهدوء وبساطة وفي ناس بتقول الدنيا مش مستاهلة وهي فعلا مش مستاهلة في حاجات كتير.
حاول تحل المشكلة ديه حتي لو رحت لدكتور نفساني وفضفضله مهي ديه شغلته وإنشاء الله حيريحك ويحللك المشكلة
واقرأ عن التنمية البشرية او الذاتية واسمع واحضر لو لقيت كورسات او ندوات اوغيره عن التنمية البشرية ولو معندكش وقت لكل ده وتقريبا انت مش حيكون عندك وقت لكل ده فممكن تحط علي موبايلك وتسمع او علي سي دي او اللاب او اي حاجة المهم انك تسمع ومن احسن الناس الي تسمعلهم هو الدكتور إبراهيم الفقي.
ومتنساش إنك تدعي في كل صلاة إن ربنا يوفقك ويفك كربك واطلب المساعدة من ربنا بس انت ساعد نفسك الاول قبل متطلب المساعدة
طيب شفوف المشاكل
http://mashakel.masreat.com/مشاكل-العمل-المصريين-في-لبنان/
وبالنسبة للموبايل عادي يعني ياما حرقنا موبايلات وأي فون ولاب توبات لكن محدش بيتعلم ببلاش والحمد لله على كل شىء
لازم يبقي عندك اصرار وعزيمه وهدف في الحياه لكي تسعي لتحقيقه حاول مره واتنين وتلاته وماتزهقش واصبر ان الله مع الصابرين وانا اللي ربنا كاتبهولك هتشوفه
هاد مو فشل دائم بس انتا باستسلامك اله راح تخليه فشل دائم كل الناس بتفشل وبتغلط بس الشاطر واللي بفهم اللي ما يستسلم ويحاول يصلح الغلط ويحاول انه ينصتر على الفشل
انت مو فاشل عزيزي ولكن ظروفك بتخليك تعتقد كذا وكل ظرف تمر فيه الظاهر انك تجلس تفكر فيه مليون مره بدون ما تطنش حتى اتفه الظروف وهذا خطأ
ولكن لكل انسان ظروف تمر عليه في حياته بقوة ارادته بيتغلب عليها فيها اللي يستاهل نتعامل معاه ولكن بهدؤ وفيها اللي المفروض نطنشه التفكير الجدي في كل شي مهما كان حجمه بيعطيك انطباع عن حياتك انها ملخبطه وانك مضغوط من النواحي ولكن حاول تسدد وتقارب في امور حياتك وعلى قولكم اخواني المصريين كبر دماغك او اشتري دماغك بعد كذا راح تحس ان حياتك تغيرت 180 درجه وعليك بالابتسامه فهي دواء لكل داء
انا شايفه ان اللى عندك ده احباط بس ده من الشيطان عاوز يحسسك انك فاشل فى كل حياتك مع ان ده قضاء وقدر اوعى تفكر انك فاشل لانك انسان كويس ومحترم وعارف ربنا وبتصلى فحاول تبدا بداية جديده فى شغلك وتهتم بيه وتراعى ربنا فى خطيبتك واهلك وتعاملهم كويس ومش دى نهاية الدنيا وان شاء الله ربنا هيديلك كل اللى بتتمناه