السلام عليكم ورحمة الله
انا حكايتى مش جديدة ويمكن فى بنات كتير وقعوا فيها بس انا بجد اتظلمت اوى اويمكن انا ال ظلمت نفسى انا عندى 22سنة والحمدلله كل الناس بتشهد باخلاقى انا واخواتى احنا من اسرة محافظة جدا اتربيت عالصراحة مع اهلى ولما كنت فالجامعة اتعرفت على زميل ليا كان محترم جدا ودة ال شدنى لية واعترفللى انة بيحبنى وانا كنت ببادلة نفس الشعور وعشان محسش ان عملت حاجة غلط قولت لماما واتعرفت علية واخواتى وكان اهله بردو عارقين وكانت مامتة بتكلم ماما هوكان من محافظة غير القاهرة وكنت هعيش بعيدعن القاهرة الاول ماما رفضت بس قدرت اقنعها عدت 4سنين الجامعة بحلوها ومرها ويعلم ربى ان كنت بتقى الله فيه ازاى وكنا متفقين يخلص ويجى يخطبنى وابتدت الحجج تبان والاعذار كترت طب اصبرى استنى وشكلى بقى وحش اوى قدام اهلى وبقيت محطوطه فى ضغوط نفسية كنت بتعذب جدا مش مصدقة ان دة يحصل وانامتاكدة انة بيحبنى وان مفيش حدفحياتة غيرى وماما كلمتة ونهت معاة كل شىء وطبعا لانها كانت شايفانى منهارة
انا بحبه اوى مع الرغم انه ظلمنى بس عارفه ان ظروفه هى ال وحشة بس برجع اقول كان لازم يعمل حاجة 5سنين ضاعوا قدام عينى وهانوا علية ازاى وليه ظلمنى حديفسر ده انا من النوع ال انطوائية جدا مبعرفش اتكلم مع حد ودة بياثر على نفسيتى جدا ارجوكم فسرولى ال حصل دةانا اتظلمت من غير ماعمل حاجة ودة احساس مر اوى
اسفة للاطالة
مشاكل البنات النفسية
استنيته 5 سنين وفي الاخر ظلمني
اضيف بتاريخ: Wednesday, December 22nd, 2010 في 05:54
كلمات مشاكل وحلول: الجامعة, القاهرة, بنات, زميل, مشاكل البنات, مشاكل البنات النفسية
اختي على راي السيدةام كلثوم فلاتاس على ماض تولا وانسيه خالص ولعادتفكري لان النسيان مشتق من الانسان لذاوجب علينانسيان الماضي بكل مافيه واحناولادالنهارده فكري في نفسك وشبابك ومستقبلك واسمعي لكلام ماماتك وارضيهاتنالي رضارب العالمين عنك وتاكدي انك بخير وربي ارادلك الخير ونجاكي من هالشاب الاناني السافل اللي مايساهلك ابدا ولاعمره يلاقي وحده زيك باخلاقهاوجمالهاوطيبةقلبهاوصبرها ربي بيكرمك بابن الحلال اللي يستاهلك بجدويقدريسعدك
نفس مشكلتى مع حبيبى واستنيو يكون نفسو وبردو حجج واعذار لو لقيتى حل عرفينى ينوبك فيا ثواب انا كمان
انا مش عايزاكي تزعلي
انا عايزة اقولك لو ليكي نصيب واللة هتاخدية
بس انا عايزة اقولك مينفعش تخلي حياتك تقف علي كدة انت مؤهلك عالي لزم تشتغلي ويكون ليكي هدف وشخصية وارادة
حتي انت كدة هتكبري ف نظرة جدا
لزم تشتغلي عشان يكون ليكي كيان ف المجتمع وادعي لربنا لو كان كويس يجعلوا من نصيبك
وانت اشتغلي عشان متفكريش ف الموضوع دا طول الوقت ونفسيتك تتعب اكتر
اختي الغالية احب اقلك ان لو الانسان دة فعلا ظروفة مش جيدة الواجب عليكي انتي انك تسامحية بس لو هو بيتهرب من حاجة دموعك دي هتنزل علية زي الصواعق في ليلة سودة انتي فهماني وفي حاجة تانية عيشي حياتك اصل الانسان لو ندم ندم واحد علي الدنيا دي يبقي يستاهل الي يجراله اة انشاء الله تلاقي الي يقدرك لا بالمال ولكن بالحب
أختى الغاليه
ليس كل ما يتمناه المرء يلقاه
وموضوع الظروف أكيد هو معذور فيه لأنى شاب زيه وفعلا ظروف البلد زى الزفتين وزيادة شويه بس على الأقل كان المفروض لبس الدبل وربنا هيكرم بعدها .
هو مقصر أينعم بس إنتى هتظلمى نفسك لو كملتى مع واحد عايزك تستنيه العمر كله.
وده مش صح
وأخيرا ربنا يوفقك ويرزقم بابن الحلال وموضوع إنك إنطوائية دى مش حاجه وحشه بالعكس
إنتى ممكن تستغلى الوقت الى فاضيه فيه وقاعده لوحده إنك تقرأى قرآن وتعملى ورد كل يوم تقريه أو تحفظيه أو تصلى تطوع لله أو تقرى مجله أى حاجه.
هتستفيدى وهتشغلى وقتك وكمان هتبعدى عن التفكير فيه.
صدقينى أنا مجرب وعلى فكره أنا إنطوائى برضه وبحب أقعد لوحدى كتير جدا
انا عارف ان كلامي مش هيريحك بس انا شاب ومريت بتجارب زي كده وكنت في جامعة الشاب مننا بيدخل الجامعة بعد الثانوي ووقت المراهقة اول حاجة بيدور عليها انه يتعرف علي اي واحدة ويقولها بحبك ويعيش معها لغاية ما يخلص كليتة وبعدين لو قابلك في الشارع بيعمل انه ما بيعرفكيش ؟هسائل سؤال مين النهاردة بتتجوز الولد اللى كانت بتحبة ايام الدراسة طبعاً نادر جداً فوقى من الوهم اللي انتي فيه عشان تعرفي تعيشي انتى فى زمن الوحوش .
ه
انصحك ابعدى انا كن بحب زيك وادينى اتجوزت وخلفت وهو لسة بيفكر ارحمى نفسك وبلاش تضيعى فرص من ايدكى
الأخت العزيزة والطيبة والجميلة واضح أوي بجد من اسلوبك أنك بنت تستاهلي كل خير بصي عايز أقولك على حاجة كلنا بنمر بنفس ظروفك دي ونفس مشكلتك بس يا اختي العزيزة الحياة بتستمر مش بتوقف بينا أبداً عند أول مشكلة أو أزمة أو منعطف صعب نمر بية في حياتنا أبدئي حياتك من جديد وحاولي تخرجي من الأنطوائية دي وأتقي ربنا وتأكدي بجد أن ربنا هيكرمك أجمل واحسن كرم وبكرة تبقي تفتكري كلامي دة تقبلي تقديري وتحياتي أخيكي في الله