والله انا قلبى حنين جدا بس فى عندى مشكله انى بحب الناس كلها بس مش بعلرف اوصل ليهم حبى عندى نقص بالتعبير فى الكلام وكمان بحس انى مندفعه فى كلامى وبغلط احيانا من غير قصد واللى فى قلبى على لسانى والله حاولت اتحكم فى لسانى كتير بس انا صريحه والناس بتزعل منى لانى حتى عصبية بقول الوحش اللى فيهم بعصبية وخطيبى بيزعل منى بسسبب انه اما يكون مدايق ممكن يقولى كلمه مهينه انا مش بسكت باه بزعق قصادة وبسمعه كلام بندم عليه مش عارفه اعمل ايه عشان اتحكم فى نفسى مش بلحق افكر فى الكلام زى الناس بحس انى مجنونه حتى مامتى علاقتى معاها اصبحت متدهورة لانى راى غير رايها وغصب عنى صوتى بيعلى مش عشان هى ماما لا لان طبيعتى اصبحت كده مش عارفه ليه اصبحت عصبيه على العكس كنت هادية وانا صغيرة والناس كانت بتتكلم عن هدوئى ده بس اتعقدت من المدرسين كانو بيشكو لاهلى من سكوتى وهدوئى فى الفصل وبيفتكرونى خايفه واعتقد انى بسبب كده بقيت وحشه او انى اتجننت والله انا مخنوقه وقرفانه ومدايقه من نفسى انا بحب خطيبى وبيحبنى بس نفسه انى اتحكم فى نفسى لان اهله ابتدو يمسكو عليا تصرفات وكلام والاغرب انى اما ااكون مع الناس وملقيش كلام اقوله اقول اى حاجه وممكن اغلط فى وسط الكلام ومش بعرف اقعد ساكته بقيت رغايه وكلام غلط حد يساعدنى انا مجنونه ولا فيا ايييييييه؟
مشاكل البنات النفسية
نفسيتى متدهورة ومش قادرة اتحكم في نفسي
اضيف بتاريخ: Sunday, December 26th, 2010 في 07:42
كلمات مشاكل وحلول: المدرسين, صغيرة, عصبية, مشاكل البنات, مشاكل البنات النفسية
اولا احب اشكركم على الردود اللى بجد فرحتنى جدا ورجعتلى ثقتى بنفسى وجزاكم الله خيرا وانا فعلا ابتديت افكر فى الكلام كويس قبل ما انطقه وكمان استغفرت ربنا وربنا يهدينى كمان وكمان انا والهل كانت حالى النفسيه سيئه جدا والحمد لله دلوقتى احسن انا كنت محتاجه حد جنبى يحفذنى على الصح ودلوقتى الحمد لله لقيت حد يهتم بمشكلتى ويرجعلى ثقتى بنفسى بجد ميرسى اوى ليكم انا بشكركم ويارب محدش ابدا يحصله اى مشكله ويارب دايما مبسوطين ومرتاحين البال شكرا بجد ليكم
عزيزى النبيل الشارد طبعا من الجيد ان نرى شخصا اللى فى قلبه على لسانه زى مبيقولو انما الغلط اننا نجرح الناس ونحرجهم ادام بعض ونقول اصلنا طيبين فى اللى فى قلبنا على لساننا
لا حبيبتى انتى مش مجنونه ولا حاجه…انتى كويسه وزى الفل بس عايزه تعديل انك تحاولى تفكرى كويس فى الكلام اللى هتقوليه وتضطلعى كتير عشان متقوليش انا مش لاقيه كلام اقوله ثانيا لو عايزه تقولى لحد عيب فيه او تنصحيه بلاش قدام الناس خالص خليها بينك وبينه ثانيا المفروض ان خطيبك ميغلطش فيكى اصلا حتى لو حصل خلاف احنا المفروض نتكلم مع بعض باحترام وانا متاكده لو هو اسلوبه كويس انتى مش هتغلطى فيه…. ثانيا انتى بتقولى ان لما بيحصل خلاف مع مامتك ان رايها غير رايك هو مش المفروض ان رايكو يبقى زى بعض بس الغلط ان صوتك يعلى عليها ده عيب وحرام عودى نفسك واحده واحده انك تتكلمى بالراحه حتى لو انتى مختلفه مع اللى قدامك هو ده مش هيجى مره واحده ولكن لاتدريج والتدريب واقرى كتير فى كل حاجه عشان اما تقعدى فى مكان يبقى ليكى راى وتلاقى كلام تقوليه ولو ملقتيش كلام وانتى مع اصحابك اتكلمى فى حاجتين ياما الموضه ياما الاكل قبل ميجى فى بالك تقولى كلام انتى مش عايزه تقوليه ومتزميش فى حد ابدا ولا تتكلمى على حد فى غيابه وربنا يوفقك يا حبيبتى
يا بنت الكرام الذي ترينه انتي عيبا انا اراه ميزة من الجميل ان نجد شخص يقول اللي في نفسه بدون ان يخفي شي انتي تتكلمين تلقائيا وهاذا جميل جدا لانك تكوني هاكذا بعدتني عن الكذب قد يتضايق الناس من صراحتك لكن لا تقلقي هناك من يقدر ذالك حاولي ان تغيري من طباعك واذا لك تستطعي فستكوني عملتي اللي عليكي ولا اظن ان خطيبك سيزعل الله الموفق
حل مشكلتك فى الاراده القويه فالحلم بالتحلم يعنى لازم تقعدى مع نفسك وتقررى انك هتكونى حريصه على علاقاتك يكل من حولك لانه يا بنتى اللى بيسامحك مره ممكن بعد كده ما يقدرش يسامح وتكونى انتى الخسرانه ربنا يقدرك وتكونى زى ما بتحلمى تكونى هاديه ورزينه وشكرا
لا ياست البنات انتى مش مجنونه ولا حاجه انتى زى الفل وربنا يتمم ليكى بخير 0وحلى لمشكلتك او نصيحتى ليكى اهدى خاص اهدى( الا بذكر الله تطمئن القلوب )قبل ماتنامى إقرأى سوره الإخلاص ثلاثا وإجعلى يداكى على فمك اثناء القراءةوبعدين امسحى بها على جميع انحاء جسدك وفى وقت فراغك إجعلى التسبيح هو كلامك حتى فى سرك 0اتم الله فرحك وازاح همك وضاعف اجرك وتقبل عملك آآآآآآمين
المشكلة دي حلها عندك انتي اتجهي لربنا واستغفري وربنا هيكرمك انشاء الله
وحاولي قبل ماتقولي اي كلام فكري فيه الاول وتاثيره علي اللي قدامك
وربنا يهديكي ويصلح حالك