انا فتاة عندى 18 سنة ودائما افكر فى كلام الناس واعملهم حساب واخاف منهم ومعرفش اواجهم او ادافع عن نفسى حتى لو عملت كده برضه بيفضل شىء جوايا انى مكسورة او غلطانة من كلامهم الوحش عليا وبزعل وساعات ببكى من حالى وحتى لما بيتكلموا عليا كويس بيحسدونى وبيجيبونى الارض ويتقلب حالى معرفش ليه ودايما اصحابى فى المدرسة بيحقدوا عليا ومش بيتمنولى الخير لما يلاقونى شاطرة فى المدرسة مع انى مش بعملهم حاجة وحشة بس هو حقد وخلاص وانا اساسا مش اجتماعية يعنى مبروحش عند حد او حد بيجينى معنديش غير صحبة واحدة بس ومبحبيهاش اوى بحسها مبتحبنيش ومش عارفة اتصرف انا نفسى ميهمنيش كلامهم حتى لو كنت اكبر غلطانة فى الدنيا بس مش عارفه
مش عاوزك تتاثر بكلامهم عنك وخليك واثقة من نفسك ومتاكدة انك ماتعملش حاجة غلط ورضا الناس غاية لاتدرك ابدا اهتم بدراستك وتفوقك فيها فهذا هو المعيار الحقيقي اللي بيخليهم يحبوك ويحترموك ويتمنوا يكونوا مثلك ربنا يبعدعنك حقدهم ويكفيك شرهم ومش عاوزك تكوني انطوائية لااخرجي وعيش حياتك وكوني اجتماعية وتعرفي على بنات اخرين يكونوا على دين واخلاق ومتفوقات في دراستهن هذا يساعدك على التغلب على كل مشاكل اومتاعب قد تصادفك طوال حياتك
فية بعض الناس الكلام بيئثر في نفسيتة بعكس باقي الناس ما بيتاثر من الكلام الجارح او الشتم وهذا في علم النفس او تحليل شخصية البشر فانتي من النوع الذي بيتاثر من الكلمة وهذا دليل على طيبة قلبك ورقة مشاعرك ونظافة قلبك عليكي بكثرة الاستعاذة بالله من الشيطان الرجيم لانة بيوسوسلك ويذكرك بكلام الناس الجارح والمواقف المؤلمة بحياتك واكثري من ذكر الله وقرائة القران من شان تدفع عنكي وساويس الشيطان ربنا يوفقك