اول شي بسم الله الرحمن الرحيم
انا بنت عمري 15 اصبت قبل هالحاله بخوف من الموت بس الحمدالله تحسنت بس ما تشافيت لين الحين
بس صارلي تقريبا 3 اسابيع و بس تفكير بيوم القيامة
فكل دقيقه فكل ثانيه افكر حتى امتحاناتي تقريبا زفت فيها اقول ليش
اذاكر خلاص يوم القيامة قريبه شو الفايده اذاكر و اتخرج وووو … الخ
انا اافكري فيها خلاص القيامة بتقوم والله اهملت كل شي في حياتي
و كل ما يلست ع النت
فتحت عن علامات يوم القيامة الكبرى اقرى عنها وكاتبين انه الصغرى خلصت
وبدت الكبرى وزااد خوفي مع اني قبل كنت عاادي ماعندي هالخوف كله دام اني اصلي
واصوم واسوي كل شي امرنا فيه ربنا بس مااعرف شو استوى انقلب كياني والله هالخووف تااعبني واايد
وخصوصا بعد الاحداث الي يالسسه تصير الحين في ليبيا و مصر وغيره وانه المهدي بيزل قريب … الخ
وصرت واايد اقرى عن علامات السساعه وكل ماسمعت حد يتكلم عن هالموضوع اخااف
بلييز من صارله نفس الشي يقولي شو سوووى وساعدووني انا شوفيني وسواس ولا هلع ولا شو بالضبط
السلام عليكم ورحمه الله
الله يسعدكم سعاده دائمه افيدوني حياتي تدمرت بسبب التفكير والانشغال بأهوال يوم القيامه والخوف منه والخوف من ترك امي واخاف ان اتركها واخاف ان يوم القيامه معد اشوف امي هذا الشيء مدمر حياتي جداً افيدوني الله يسعدكم
طيب يأختي عادي الحالات ذي تجي كل الناس وأنا قد جتني وأكثر من كذا بعد أخاف من القبر وأفكر بحال الأموات وأفكر كيف الدنيا بعدي ووش بيقولون الناس إذا مت وووووو….. وكل ذا مجرد أوهام حطي برأسك ان الله رحمنا فوق الأرض افا لايرحمنا تحت الأرض بعدين ذي سنة الحياه سواء خفنا ولا مأخفنا بعدين احمدي ربك إنتي محتشمه وتصلين غيرك بالمراقض وكافر بالله وووو….فَ أنا من وجهة نظري أشوفها نعمه وليست نقمه بالعكس مرض يذكرن بالله أحسن من عافيه تنسينا إياه ومثل ماقالوا أخواتي أعملي لدنياك كأنك بتخلذين فيها وأعملي لاخرتك كأنك بتموتين غدا فَ قوي قلبك ولاتخافين عندنا رب كبير أرحم بنا من أمنا وابونا فينا …. وشكرا
ادعيلى انى اكون زيك والله انتى انسانه كويسه والخوف من ربنا عباده بس ميمنعكيش ده عن المذاكره لانها برضو عباده وبعدين ربنا بيقول ان العين اللى بكت من خشيته يعنى عشان خايفه منو مبتلمسهاش النار
شوفى يا حبيبتى انا فى نفس سنك تقريبا و مرت عليا الفطرة دى و كنت بفكر و بسئل كتير و ادخل عليها كتير بس يعد كده لقيت نفسى بنساها لوحدى وكل اللى بيفكر فى الحاجات دى عليه انو يلتزم بأمر ربنا فى انو يصلى و يصوم و يحاول يبتعد عن الذنوب و يستغفر زى مانتى بتعملى كده و نسيب الباقى لله ومهما كان شدة الخوف من يوم القيامة فربنا رحيييييييييييييييييم جدا فوق ما تتصورين
انا زيك والله كنت خايفة من الموت وكنت يائسة من الحياة لحد ماسمعت الشيخ بيتكلم فى الموضوع دة وقال دة كلة بسبب ان الدماغ فاضية مش شغلاها حاجة فلازم توجهى تفكيرك لله وتعودى لربك وتدعيلوا واشغلى نفسك بحاجة وانا على فكرة قدك عندى15 سنة
سلام ، كل ما كنت أريد قوله ، سبقوني إخوتي العاقلين وقالوه . لكن أنا عمري 17 سنة أريد أن أطمئنك أني كنت مثلك منذ أن كان لدي 12 سنة، فأنا كنت أخاف من ظهور المسيح الدجال لدرجة أني كنت أنفر مني الناس … لكني شو استفدت ؟؟؟؟؟؟؟ صحيح أن الإنسان عليه أن يفكر بالآخرة بشدة .لأن هذا سيساعده على التمسك بالدين… ، لكن ليس لدرجة الهلوسة . بالمنطق يعني إذا جلس جنبك واحد ملحد . أكيد راح ياخذ نظرة سلبية عن الدين . وراح يزيد إلحادو. والذي يجري بالعالم العربي الآن ،ما هو إلا بشارة خييييييير .وممكن تكوني متوترة، لأننا مش متعودين على محاربة الفساد . فالإسلام لم يأتي بين عشية وضحاها وبدون عرقلة … فهمتي قصدي ؟؟؟؟ الله عز وجل استخلفنا في الأرض للعلم و العمل .وليس للجلوس مكتوفي الأيدي وننتظر الساعة .لن أطول عليك.فقط سارعي لفعل الخيرات ما دمت حية . وعليك بالدعاء في نهاية التشهد الأخير بـ اللهم أعني على ذكرك وشكرك و حسن عبادتك . وبـ اللهم إني أعوذ بك من عذاب في النار وعذاب في القبر ومن فتنة المحيا و الممات ومن فتنة المسيح الدجال.ثلاث مرات و بيقين تااااام . والله معك .
قَـيّـم هذا الحل:
أختي العزيزةاذا كونت خائف من شئ فعليك ان تقول هذا الدعاء
“لا اله الا انت سبحانك انى كونت من الظالمين”او تقول
” أعوذ بكلمات الله التامات من شر ماخلق”
بصي انا عندي 14 سنة وزيك كدة بالظبط وسبحان الله جت عليا فترة كنت كل ما اشوف حاجة الاقي ليها علاقة بالموت وكل بوم بحلم بالقبر انا دايما بعقد اقرأ القرآن وبتأمل اياته مش مجرد قراءة وخلاص وبعود ابكي لربنا لانه هو وحده العالم بيا وبصي لو عايزة الامانة انا مش شايفة ان ديه مشكله عشان يبقي ليها حل لان الانسان اذا مفكرش دايما في الموت مش هيهمه اللي بيعمله في دنيته وبالنسبة للدراسة فديه عبادة وطالب العلم عند ربنا له منزله كبيرة وبياخد بكل خطوة بيمشي بيها سعيا للعلم حسنة والحسنة بعشر امثالها عيشي حياتك وانت عاملة اللي عليكي وصدقيني حتي لو عملت ذنب ماتنسيش انك بشر وان ربنا سبحانه غفور تواب رحيم اتمنالك كل التوفيق وارجو اني اكون افدتك
اختي الفاضلة انا شخصيا احس بالخوف اللدي ينتابك في رايي هو حالة نفسية تشعر الانسان بالاحباط كلنا تصيبنا هده الحالة فقط تختلف من شخص الى اخر حسب قوة الانسان على التخلص من هدا الوسواس عليك بقراءة القران وان تحاولي ان تشغلي بالك بكل ما هو ايجابي
(سأل رجل الحسن البصرى رحمه الله ) ما سر زهدك فى الدنيا ياامام قال أربع امور علمت ان رزقى لا يأخذه غيرى فأطمان قلبى وعلمت ان عملى لن يقوم به غيرى فاشتغلت به وحدى وعلمت ان الله مطلع على فاستحييت ان يرانى على معصية وعلمت ان الموت ينتظرنى فأعددت له الزاد للقاء ربى ….. ارجو ان تكونى فهمتينى
ربنا يهديكي يارب انتي كويس انك بتفكري فالاخره في ناس مش فكرها اصلا انا برضو بيحصلي كده بس اوقات اوقات بس لما بتجيلي الحاله دي بعود اعيط وبصوت بصوت عالي واقول يارب بصوت عالي جدا لدرجه ان اختي صحيت من نومها علي صوتي بس اقعد استغفر كتير واطلب المغفره من ربنا يغفرلنا ويهدينا ال الصراط المستقيم ويرحمنا ويدخلنا فسيح جناته فهو خير الراحمين
هو التفكير فى الموت ويوم القيامة حلو أوى وياريت يبققى حافز ليكى انك تقربى من ربنا لكن اللى مش حلو بالنسبالك هو أنك عاوزة توقفى حياتك يعنى بتقولى لما أنا هموت هذاكر ليه وده غلط العمل عبادة وبعدين عيشى يومك كأنك مخلدة وأعملى لآخرتك كأنك تموتين غدآ
السلام عليكم اختي العزيزه انتي والحمد لله تصلي وتذكري الله وتسبحين واقراي القران روحي عندشيخ يقرا عليك القران
بصى معنى ان القيامه قريبه يبقى نقعد مرعوبين ولا نسعى ف اى طريق خير ومنخليش اى حاجه خير فى ايدينا الا ونعملها اكييد نسعى خوفك ده حلو جدا والمفروض يدفعك للخير ويبعدك اول ما تكونى هتعملى حاجه غلط ومذاكرتك جزء من الخير ده لانك لو تفوقتى هتسعدى باباكى ومامتك وده ليه اجر عند ربنا خلى ده هدفك الخير خلى ميزان حسناتك مليان بالحسنات صلى وصومى واعملى خير وابعدى عن اللى ربنا حرمه وان شاء الله ليكى الجنه
فكيها شوية بدل ما تفكرى فى يوم القيامة و انتى هيحصلك ايه
فكرى فى الاجانب الكفرة الملحدين الذين يمارسون الجنس و يلبسون لبس عارى و يقبلون بعضهم الرجال والنساء
هيعملوا ايه لو جه يوم القيامة ؟؟؟
معقووول كلهم هيدخلوا النار
قارنى نفسك بيهم هتلاقى ان انتى لو مبتقوميش بأى واجب دينى و مقصرة فى الصلاة و غيره
مازلتى أفضل منهم فأنت موحدة بالله و محتشمة و هذا يكفى
بصى حبيبتى ربنا اخفى وقت قيام الساعه لكى يكون الناس كلها على حذر فيكون ذلك ادعى للطاعه وازجر عن المعصيه يعنى محدش عارفه يوم القيامه امتى وربنا يسترهاويجعلنا من اهل الجنه جميعا
قال الله تعالى : ( يَسْـئَلُكَ النَّاسُ عَنِ السَّاعَةِ قُلْ إِنَّمَا عِلْمُهَا عِندَ اللَّهِ وَمَا يُدْرِيكَ لَعَلَّ السَّاعَةَ تَكُونُ قَرِيباً ) . الأحزاب : 63
وقال تعالى : ( يَسْأَلُونَكَ عَنِ السَّاعَةِ أَيَّانَ مُرْسهَا (42) فِيمَ أَنتَ مِن ذِكْرَاهَا (43) إِلَى رَبّكَ مُنتَهَـهَا (44) إِنَّمَا أَنتَ مُنذِرُ مَن يَخْشَـهَا ) النازعات /42-45.
ومن الأحاديث التي تدل على أن وقت الساعة لا يعلمه إلا الله : حديث جبريل المشهور وفيه أن النبي صَلَّى اللَّهُ عَلَيْهِ وَسَلَّمَ قال لجبريل لما سأله عن الساعة : ( ما المسؤول عنها بأعلم من السائل ) . رواه مسلم (8) .
ولذلك يا بنيتي ما تتناقله المواقع عن أن الأحداث قد اقتربت وقاربت . .الخ ، كلها ترهات لا يجوز الأخذ بها ، فلا يعلم الغيب إلا الله ..
تذكري قول سيدنا علي بن أبي طالب كرم الله وجهه حين قال : اعمل لدنياك كأنك تعيش فيها خالداً مخلداً أبدا ، واعمل لآخرتك كأنك تموت غدا . . وعلينا أن نفهم المغزى من هذه العبارة ..
أولاً / أن تعملي في دنياك وتديري شؤونها من علم وعمل وجد واجتهاد وكأنك لن تموتي ، وبنفس الوقت عليك أن تتقني عملك وتخشي ربك وتحافظي على أداء فرائضه وتحسني معاملة الناس وتتجنبي الظن والغيبة والنميمة وتتزودي بالعمل الصالح لأن النفس لا تعلم متى تموت .. فقد تموت في أي لحظة ..
لا تخافي من الموت ما دمت لا تعصين ربك وتتحلين بأخلاق المسلم الحق .. وخيري قلبك فالدين يسر بنيتي ، ليس به تطرف ولا جهل ولا تخلف ولا تهميش لقيمة الإنسان ولا لعقله ..
بصى انت انسى وافتكرى ان لسه بدرررررررررى اللى بيحصل ده فى الظروف دى لسبب لايعلمه الا الله
وماتخفيش ما دام عملتى اللى عليكى
الحمد للـــــه ربـنا يديـــــم عليكــــي ذكره طبقـــــي منــــاهج ربنا فــــــي حياتـــــك وطول ما انتــــي مؤمنــــة يبقـــــي ربنـــا هيخفـــف عنــــــــك وحاولــــي تحولـــــــي الكلام ده لعـــشم في الجنـــــة وحب في اللـه هتلاقيه اجمل واجمـــــــل اعمـــلي للاخرة ومتقفيــــش كده محلــــــك سر
الاخت العزيزه السائله الخائفه من يوم الحساب والعقاب . لابد أن اوضح لكى أمرا حتى تتخلصى من هذه الوساوس . من صفات المؤمنين أنهم يرجون رحمة الله ويخافون عذابه دائما أمام أعينهم وفى قلوبهم أن الله غفور رحيم شديد العقاب هناك توازن وثواب وعقاب . فأنتى عزيزتى مؤمنه والمؤمن دائما يثق فى عدل الله وفى رحمته كما تقرأين عن يوم القيامه والنار اقرأى عن الجنه ونعيمها. ثم لابد أن تعرفى أن أكرم الخلق سيدنا محمد صلى الله عليه وسلم لقى ربه ومات . واريد أن أقول لكى شىء أخر أن يوم القيامه سيأتى لكن لا أحد يعرف متى يأتى حتى يسارع كل منا الى فعل الخير . أيضا يقولون من مات فقد قامت قيامته وهذا حق أكيد . أسأل الله لكى التوفيق وأن تستعيدى نشاطك وحيويتك.والسلام
اختى الفاضله طيب انتى بتقولى انك ولله الحمد بتخافى من ربك وبتصلى ومستقيمه والحمد لله تبقى بتخافى من ايه دا المفروض الانسان اللى بينه وبين ربه عمار مش يخاف من يوم القيامه بل بالعكس يحبه يجى بسرعه علشان يرى وجه الله سبحانه وتعالى ويكلمه وبعد كده يدخل الجنه ويشوف الحبيب المصطفى صلى الله عليه وسلم ويشوف اى حد كان عزيز عليه فى الدنيا وتوفى قبل منه مثلا امه ابوه اخوه اخته بقيه العائله او الاصدقاء او الزملاء وبعد كده ننعم بالجنه واللى كان فى الدونيا مش متجوز ساعتها يتجوز من حور العين واللى كان متجوز وقرفان من زوجته فى الدنيا وكان صابر عليها ربنا يجوزه برضوا من حور العين الكلام طبعا ينطبق على الرجاله والستات يعنى يوم الاخرعه حيكون حلو عند ناس وناس تانيه والعياذ بالله حياتهم حتبقى جحيم اللى هما حيدخلوا النهار بقا على طول زى مثلا الفاسدين والقتله ربنا يكفينا شرهم دول انا انصحك انك تكون علاقتك مع ربنا كويسه وانتى ان شاء الله الخوف ده حيروح من عندك وحاولى تقرأى قرآن وان شاء الله ربنا حيمشى الخوف ده من عندك