مشاكل البنات النفسية

اتعقدت وبقيت بغير من اصحابى وبحقد عليهم

انا عندى22 سنه انا اتربيت تربيه مقفوله جدا بابا وماما منفصلين وبابا هو اللى ربانى وربانى على مبادىء كتير بس للاسف لقيت ان الدنيا مش كد
انا معنديش اصحاب ولا عمرى ما حبيت لما كنت فى الكليه كنت بعامل زمايلى الولاد بالطريقه اللى بابا قالى عليها يعنى ما كنتش بهزر هزار مالوش لازمه ولا اخد ارقامهم وكنت بتعامل معاهم على الحدود وحتى كمان البنات اللى بليقهم مختليفين عنى ببعد عنهم انا عمرى ما حبيت وكنت مقتنعه ان الارتباط والحب حاجه غلط ولازم احترم تربيه اهلى وماعملش حاجه من وراهم بس اصحابى عملو كل حاجه عكسى هم صحابو ولاد وخرجو معاهم وكانو فرى كل زمايلى فى الكليه شيفنهم مؤدبين ومحترمين وانا بقى اللى معقده
دلوقتى انا ندمانه على عمرى اللى عدى اصحابى عاشو حياتهم وانا لا واديهم فى الاخر اتخطبو للى حبوه وعاشو احلى قصه حب وانا مافيش حد عبرنى لانهم شايفنى خنيقه طب هم لو ما كنوش صح ما كنش ربنا وفقهم واتخطبو
انا تعبت انا خلاص بقيت وحده تانيه انا بقيت بغير من اصحابى وبحقد عليهم بس والله ده مش مخلينى مبسوطه لانى اصلا مش كده بس انا خلاص تعبت ليه هم وخدين كل حاجه الصحاب والحب ومعرفه الناس وكل اللى يشوفهم ويشوفنى يحبهم ويكرهنى
طب انا ذنبى ايه ما بابا هو اللى ربانى كده انا متدايقه من نفسى عشان انا بقيت وحده تانيه انا بقيت اكذب عليهم وقولهم ان فى حد قالى بحبك وطلب يرتبط بى لانى للاسف بيقت انا حاسه بالنقص
بس انا والله العظيم متدايقه من نفسى ومش طايقه نفسى انا بقيت خلاص بكره نفسى لانى بقيت وحده حقوده وكذابه مش عارفه اعمل ايه انا بجد تعبت والله العظيم تعبت

مشاكل وحلول ذات صلة

اضيف بتاريخ: Thursday, December 27th, 2018 في 04:07

كلمات مشاكل وحلول: , , , ,

2 رد to “اتعقدت وبقيت بغير من اصحابى وبحقد عليهم”

  1. انتیکه
    01/01/2019 at 14:38

    ال یا حبیبت قلبی انتی مش غلط وابوکی حد محترم جدا انتی لزم تکونی فخور بیه بس انتی غلطیتک انک مش حاولتی تقربی من الناس الصح الناس اللی تعرف معدنک الطیب وای حد کان مصاحب واتجوز مش بیشبع بمراته والله العظیم وبعد کده یقعد یقولها ده احلی منک وده احلی منک سیبک نصیبک موجود لیکی والله بس هیجی فی وقته وانتی مش کدابه ولا حاجه انتی محتاجه تصاحبی بنات زیک شبهک الصحبه الصالحه وتخرجوا سویا وتعملوا کل حاجه بحیث انک تملی الفراغ العاطفی اللی عندک ده اول حاجه اقرای واملی وقتک اخرجی اتعرفی علی بنات جدیده کل فتره واهم حاجه اعرفی قیمه نفسک وانک غالیه جدا ومحدش زیک انتی مختلفه عنهم انتی مش خنافه انتی محترمه بنت مسلمه جمیله قربی من ربنا علقی قلبک بیه وادعی کتیر ربنا یرزقک بالزوج الصالح بحبک فی الله

  2. ابوالبتول
    27/12/2018 at 10:16

    لا يااختي ابوك جزاءه الله خير رباك احسن التربية وماقصرش معاك ابدا لازم تكوني فخورة بابوك وبكل اللي عمله عشانك امامسالة انو اصحابك من البنات اتخطبوا واللي تزوجوا فدي قسمة ونصيب ونصيبك سوف ياتيك لامحالة ماتزعليش ولاتتضايق من الناحية دي كل شئ بارادة الله عزوجل المهم انك تحافظي على دينك وخلاقك وتربيتك وتكوني واثقة من نفسك وسيبي الباقي على ربنا عزوجل خلي اعتقادك بالله كبير وهتلاقي ربنا فرج همك وكربتك ورزقك من حيث لاتحتسبي قال تعالى – ومن يتقى الله يجعله مخرجا ويرزقه من حيث لايحتسب – ومابعد الضيق الا الفرج يابنت الناس اسال الله رب العرش الكريم ان يفرج عنك ماانت فيه ويرزقك بالزوج الصالح في حياتك ويعوض صبرك خيرا ان شاء الله تعالى

اترك رداً أو حلاً لهذه المشكلة