مشاكل البنات النفسية

خايفة اني اموت وانا بعمل حاجات غلط

هاااااااااااى..انا بنت عندى 18سنة والمشكلة باختصار انى بخاف من الموت بطريقة بشعة ..والاحساس دة عندى علشان فى ناس كتير من البلد بتاعتى ماتوا وهم كانو اصغر واكبر منى وانا كنت اعرفهم كويس وطبعا موتهم كان صدمة لى قوية جدا ساعات مش بقدر اتحملها وبحس ان هيجيلى انهيار عصبى من الصدمة ..وان كنت بشوفهم وهما بيسمعوا اغانى ..وببقى هموت من البكى لما بفكر انهم بيتعذبوا دلوقتى وبدعيلهم ان ربنا يسامحهم..وانا الحمد للة محجبة ولبسى الى حد ما كويس ومش بكلم ولاد (ممكن تقولوا عنى بريئة لابعد الحدود )..مشكلتى انى بسمع اغانى بس مش كتير وخايفة انى اموت وانا بعمل حاجات غلط ..وببكى وانا اصلى واقول يارب ارحمنى ..وبحس انى بترعب لما بفكر اية اللى بيحصل بعد الموت ..وبتخيل نفسى وانا فى القبر لوحدى من غير ماما وبابا وكمان بحس لما انام انى مش هصحى تانى .. فى مشكلة كمان انى عمرى ما حبيت ولد فبلاقى نفسى بحب اوى الممثلين التركيين وكمان مغنى بس فى قناة اسلامية (بس مش بحبهم كولد وبنت لا يعنى بحب اشوفهم وعندى صور لهم على الموبايل ) فانا حاسة ان كدة حرام ان احب واحد غريب عنى مهما يكون ممثل او حتى مغنى اسلامى ..طبعا انا عارفة ان من احب لقاء اللة احب اللة لقائة بي برضوا خايفة..بجد ساعدونى اطلع من الحالة دى لان انا داخلة اولى جامعة وعايزه اركز فى مذاكرتى ومستقبلى واسفة كتير على الاطالة وثانكس

مشاكل وحلول ذات صلة

اضيف بتاريخ: Tuesday, January 8th, 2019 في 17:53

كلمات مشاكل وحلول: , , , , ,

2 رد to “خايفة اني اموت وانا بعمل حاجات غلط”

  1. Ibn elsolltan
    22/02/2019 at 10:51

    اكثرى من الصلاة على الرسول الله صلوات ربى وسلامه عليه ففيها كل الخير وحولى طاقتك وحبك للنبى صلوات ربى عليه وشوقا الى لقائه ورؤيته والتمتع بجواره وتذكرى قول سيدنا بلال عند موته غدا نلقى الاحبة محمد وصحبه وان قبور الصالحين روضة من رياض الجنه وان عملك الصالح يكون انيس لك فى ابهى واجمل صورة فذلك يخفف عنك واستبدلى الاغاتى بمدح سيدنا النبى صلوات ربى عليه فالصلاة على الرسول نور. فى كل العصور وو6ى السعادة التى لا تزول

  2. الطيب
    09/01/2019 at 04:51

    انا زيك بردو بفكر فى الموت و عذاب القبر و هبقى لوحدى فى القبر و هصحى تانى بصى انتى كدا كدا داخله كلية و مش تستعجلى هتتعرفى على اصحاب كتير فى الكليه بس خليكى قريبه من ربنا دايما صلى و ادعى دايما ان ربنا يحفظك من اي شر و من اي غلط قربى من ربنا و ربنا يحفظك يارب و مش تقلقى انا زيك انا مش بعرف اعاكس بنت فى الشارع و عندى 26 سنه بخاف من ربنا و عشان ليا اخت و بتكسف اصلا حتى الفيس عندى مفيش فى بنت غير القرايب بس

اترك رداً أو حلاً لهذه المشكلة