مشاكل البنات النفسية

بكره الحياة خصوصا بعد زواج بابا وموت ماما

السلام عليكم انا اسمي ه*** بنت عندي 20 سنه.. مشكلتي هي الوحده والحزن في حياتي..طفولتي كانت كئيبه بسبب مشاكل بابا وماما ومكنش عندي اخوات بنات وعندي اخوان بس وبابا كان بيمنعني من الخروج والكلام مع اي بنت لدرجه اني كنت بكلم نفسي في البيت زي المجنونة وكان مش بسبني اخرج وده سبب خجلي الزياده..كبرت شويه وبقيت مراهقه وكاي بنت محتاجه ام تساعدها وتوقف جنبها بس مامتي كانت مريضه وبتتعب على طول ومكنتش بتفكر غير في الاكل والبيت وكانت خجوله اوي لدرجه انها متكلمتش معايا بموضوع البيريوت او اي حاجه متعلقه بالبنات ومشاكلها..كبرت وبقى عندي 17 سنه وماما توفت وحسيت بحزن زياده وقهر زياده علشان كانت مستنيه اليوم الي هبقى فيه في الجامعه علشان ماما تعبت اوي علشان مصروفنا وكانت حالتنا الماديه صعبه اوي كنت في حاله صدمه كبيره معرفتش اعمل ايه والمشكله وحدتي في البيت وانعزالي عن الناس الحزن بقى بيزيد كل يوم..بقيت في الجامعه بس المشكله ان مفيش رغبه للدراسه ومستواي قل عن الاول برغم اني كنت الاولى على مدرستي وشاطره..رغبتي في الحياه والدراسه قلت كتيير وبقيت بكره نفسي وبلوم نفسي بسبب موت ماما وبقول انا السبب علشان مكنتش بساعدها ومش بهتم بيها ومكنتش بحاول افهمها بقيت بلوم نفسي وكل يوم بعييييط وبفكر بالانتحار ومش لاقيه حد اشكيله همومي…دخلت علاقه عاطفيه مع شاب عبر الفيس بوك وحاولت احبه وانسى كل حاجه في حياتي وكان بنسبالي هروب من كل حاجه…كان بيحتويني وبيعاملني زي بابا واخويا وصديقي وكل اهلي وكان قريب مني اوي وبيفهمني قبل ماتكلم..استمرت علاقتي معاه سنه واتكلمنا صوت بس بعد سنه بقى مش بيرد عليا وبيبعد عني انا حسيت بالضياع والوحده وبقيت بكره نفسي وبكره الحياه خصوصا بعد زواج بابا وموت ماما وبقيت بفكر بالانتحار كتير ومش عارفه اعمل ايه …

مشاكل وحلول ذات صلة

اضيف بتاريخ: Tuesday, January 15th, 2019 في 03:00

كلمات مشاكل وحلول: , , , , , , ,

2 رد to “بكره الحياة خصوصا بعد زواج بابا وموت ماما”

  1. هوبه
    22/01/2019 at 14:08

    انتى مكبره الموضوع ليه شيء طبيعى ومعظم الناس كده حاولى تزودى ثقتك بنفسك وتخرجى للعالم اللى حواليكى وكل نظرتك لحياه هتتغير بخطوات بسيطه

  2. ابوالبتول
    15/01/2019 at 16:38

    اختي الفاضلة البقية في حياتك ورحم الله الست امك بواسعة رحمته وغفرانه ودي سنة الحياة الموت علينا حق ولازم نومن بقضاء الله وقدره علينا ادعي لها بالرحمة وتصدقي عنها وربنا يجعل ثوابه الى روحها وانتي اخرج من العزلة والوحدة اللي حابسه نفسك فيها واهتم بدراستك ومستقبلك وعيشي حياتك واياك والتفكير في الانتحار فدا حرام وربنا يغضب عليك ومسالة زواج ابوك فده شئ طبيعي يتزوج بعد وفاة امك ويعيش حياته ولازم تفرح له وتكون سعيدة اللي يسعده يسعدكم وربنا يخليه لكم ولايحرمكم منه ان شاء الله والشاب اللي كان يحبك تواصل معه واسالي عنه وماتزعليه منك الظاهر فعلا انه يحبك وصادق المشاعر معك اعتذري منه على ماحصل منك وان شاء الله هو يقدر الظروف اللي كنت فيها وترجعوا لبعض احسن من الاول وربي يؤفقك ويسعدك ياست البنات

اترك رداً أو حلاً لهذه المشكلة