بسم الله الرحمن الرحيم
انا عندى 20 سنه طالبه فى كليه مشكلتى ان بابا وماما دايما فى عراك وخناق ومفيش يوم بيعدى من غير ما تحصل مشكله بينهم سواء بسبب او من غير سبب حياتنا فى البيت لا تطاق، نفسيتى تعبت من المشاكل دى وبما انى انا الكبيره بابا يشكيلى من ماما ……وماما تشكيلي من بابا مش بعرف اقيم المشكله ولا بعرف مين فيهم الغلطان لانى بحبهم هما الاتنين ومهما كانوا دول ماما وبابا بس انا واخواتى تعبنا اوى من اللى بيحصل قعدت معاهم لوحدنا وقولت لهم بكل احترام انا واخواتى تعبنا ومش قادرينا نشوفكم بالشكل ده انتوا ممكن تتناقشوا مع بعض لوحدكم انا واخواتى مش حابين نشوفكم فى الوضع ده ويجى تانى يوم ولا كانى اتكلمت معاهم انا كرهت البيت من المشاكل واختى الصغيره عندها 10 سنين نفسيتها تعبانه اوى وبتعيط ومش عايزه تقعد فى البيت وانا كرهت حياتى مش عارفه اذاكر ومش عارفه اشوف مستقبلي انا محتاجه بجد حل للمشكله دى وكل يوم بيعدى حالتنا بتسوء ماما وبابا وصلوا لمرحلة انهم بيدعوا على بعض وبيتمنوا لبعض الموت ارجووكم ساعدونى انا واخواتى بنضيع
مرحبا يا اختي ، رح ادخل بالموضوع بشكل مباشر …. اوعكك تضعفي بعرف انو الاشي كتير صعب وفيه مشاعر معقدة ، وبخليكي مشتتة وحزينة من الداخل ،لكن كوني انتي اقوى من انك تضعفيلها ، حاولي دائما تغيري جو البيت لو بأشياء بسيطة جدا ممكن انها تفرحهم ، او انك تحاولي تفهمي المشكلة الاصليّة بينهم وانتي وشطارتك اذا عرفتي تحلّيها ، حاولي ذكريهم انو الحياة ابسط من هيك ، وانشاء الله انها بتنحل 🙏🏻💛
سيبك منهم وحبيهم ابوكي وامك وخلاص هتعملي ايه يعني
أكيد في حاجات مش هتقدري تعرفيها من بابا ولا من ماما حاجات ممكن تكون من ٢٠سنه يعني مشاكل داخلية بينهم.اولا ممكن تتكلمي مع جدو أو جدتك ولو ما فيش حل يبقي خالو ويقعدوا معاهم لان الحياه الزوجيه فيها تضحيات وهما شكلهم كده رأسهم براس بعض لكن لو حد كبير تدخل ممكن يكون في حل بس شوفي حد هما الاتنين بيحترموه وحاولي معلش تحتضني اختك الصغيره وما تسبيهاش واوعي تستسلمي حاولي معاهم اكتر من مره وانشاء الله هتيجي بنتيجه وربنا يعينك ويوفقك.
انا كان عندى نفس المشاكل دي و لسه يعتبر فيها بردو ابويا كل يوم يشتم فى امى و دلوقتى بقالنا فتره اختى كمان جوزها مسافر و جيت قعدت معانا و للاسف انكرت فضل امها عليها و انها وقفت جمبها فى يوم و بقت تشتم فى امها هي كمان ده غير لما تعمل حاجه فى الشقه تفضل تغلط فى امها احنا دلوقتي خرجت امى و اخدت شقه و قاعدين فيها انا و امى بشتغل و و عايشين بناكل و بنشرب و مفيش حد بيضايق فينا