انا مشكلتى شويه منتشره انا حسه انى اقل من كل اللى بتعامل معاهم ودايما بقارن نفسى بالناس فى كل حاجه المستوى الاجتماعى والتعليم وحاجات تانيه كتير مبعرفش اتكلم مع حد بحس نفسى غريبه مش انا فى اى مكان فيه ناس وببعد عن كل الناس شويه بشويه دايما بتطلع للكمال عايزه يكون فيا كل حاجه غنيه ومستوى اجتماعى وتعليم عالى حلوه اوى دمى خفيف وفى نفس الوقت عارفه ان مفيش حد كامل وكتير ناس بتقولى انتى فيكى كل الحاجات دى بس انا مش شايفاها مفيش حاجه فى حياتى زى مانا عايواها ولا اى حاجه نفسى افرح انا نسيت معنى الفرحه معان فيه ناس كتييييير عندهم مشاكل اكتر منى وبيفرحوا دايما خايفه من بكره بخاف من الموت مش موتى انا موت الناس اللى بحبها نفسى ارتاح ومفكرش فى حاجه واعيش حياتى بيقولولى عيشى حياتك دى احلى ايام فيها شبابكنفسى اعمل كدهبس مش عارفه ازاى حسه انى فى سجن مهما كان المكان واسع
ارجوكو حد يقولى حل انا مستنياكوا
مشاكل البنات النفسية
حاسة اني غريبة وعايزة اكون مثالية
اضيف بتاريخ: Monday, July 18th, 2011 في 22:58
كلمات مشاكل وحلول: مشاكل البنات, مشاكل البنات النفسية
انا معاكى انى كل شخص فى الدنيا يسعى للكمال والمثالية لكن الكمال لله وحدة وفى 3ملحوظات هقولهملك 1-متبصيش للى احسن منك فىالغنى والمديات لانك هتتعبى 2-بصى للى احسن منك فى الدين والاخلاق والعلم 3-ربنا خلق الناس طبقات منهم الفقير والمتوسط والغنى حالنامش زى بعض يعنى انتى ممكن تشوفى حد عندة عربية وا وا وا ونفسك زيه لكن انتى مثلا ظروفك متسمحش وممكن تكون انتى عندك حاجة معندوش هو زى الصحة ياما ناس اغنية تتمنى الصحة فى مقابل فقدان كل امالكها فاحمدى ربك على النعم اللى انتى مش حاسة بيها
القناعة والرضا اهم شي في الحياةالسعيدةوفقك الله
انا بنت عندي 13 عام وان كان حالي زي حالك بضبط بس اهم حاجة لازم تعرفي ان ربنا خلقك ليكي اهمية في الدنيا وكمان عشان تعبوديه وصديقينى مفيش احسن من ان ربنا يكون راضي عنك اما بقي بالنسبة لانك عايزة تكوني ىمحبوبة باخلاقك الحسنة ولو عايزة تكوني مرحة فلازم يكون عندك ثقة بانك مرحة وتحولي تجذبي الناس ليكي بكلمة حلوة والنكت واهم حاجة تتوكلي علي الله فى كل حاجة
الــــــــــرضـــــــــا مــفـتــــاح الـســــعـــاده
في حاجه يمكن لو حسيتي بيها تترفع معنوياتك ممكن ان مثلا في الحقيقه لما اشوفك اشوف انك عندك اكتر مني وغنيا عني مع اني لو بصتلك من نظرك انتي هلاقي انك شايف انك معندكيش كتيراوعي ابدا تبسي لنص الكوبايه الفاضي وبس للمليان ولي عندو ثقه في نفسه انتي مش اقل منه كل الحكايه انوا بص لنص المليان الي عندوا كنز السعاده الحقيقي هو القناعه والرضا لان مثلا لو حد عندوا مليارات بس طماع هيفضل طول عمروا فقير لان الفقر هو معناه الحاجه اما لو فقير جدا بس عندوا رضا هيفضل اغني واحد في العالم اربي من ربنا ومبسيش لغيروا متاوليش انا عندي ومعنديش اولي ربنا اداني روح وحياه بس عشان نعشها ليه وانتي حاولي تتعرفي علي ناس وتكوني اجتماعيه
نصحتى ليكى يا اختى انك تثقى فى نفسك زيادة ولما تجيلك الأفكار دى حاولى تفكرى فى مميزاتك وانك احسن من ناس تانية كتير وان عندك حاجات كتير مش عندهم….وحاولى تشغلى نفسك بحاجات مفيدة زى قراءة القصص مثلا….وحاولى تساعدى الناس اللى حواليكى…صدقينى حتحسى نفسك سعيدة ومبسوطة جدا…
بصى انا كنت كده تماما بس سمعت دكتور بيقول ان المشكله دىبسبب البيت يعن فيه حد فى البيت مثلا اشطر منك دايما هم بيفضلوه عنك يمكن شاطر فى شغل البيت او المشكله فى المدرسه يعن طالبه اشطر منك او بتتقارنى فى اى حاجه بين واحده او واحد اعلى منك وانا مشكلتى بصراحه كانت من اختى هى اشطر منى كتيير بس انا دورت على ايجابيات مش موجوده عندها بس موجوده عندى وبدأت اعلى ثقتى فى نفسى انتى لازم تدورى على المشكله وتحليها بنفسك وربنا يصلحنا جميعا
و الله يا اختي انا كمان كانت عندي هادي المشكلة بظبط و لاكن امي الله يدكرها بخير نصحتني و قالت انا هدا كلو من الشيطان و قاتلي لا تقارني نفسك بلي اعلى بل بلي افقر منك و قولي الحمد لله و استعينب بربك لحل المشكلات و صلي ركعتي ودعي لله بفرج عنك الضيق وحاولي دايما كوني مبتسمة و اجتماعية وو خلي كل الي اليزعلك بعيد و انظري له بستحقار و ميلي دائما للاشياء الاجابية و تركي السلبيات و بادن الله سبحانه و تعالى لرح تتعافي تقي بكلامي ادا كنتي مئمنة بلشفاء
والله يا أختي قبل ما أساعدك وأنصحك بإذن الله فيما ينفعك أحببت أن أعرف كم عمرك وهل هذه الحالة معك منذ الصغر أو هي حديثة معك وان كانت قد تزامنت مع ظروف صعبة أو الافتقاد إلى شيء عزيز عليك فأذكره لي كما أود لو تجبيني بصراحة هل أنت راضية عن حياتك وهل أنت تحسين أنك متناقضة مع نفسك وذاتك ؟؟؟ وإنشاء الله سأكون عند حسن ظنك يا أختي
اختى فى الله بصراحه شديده كلامك مؤثر جدا وبدعيلك من كل نبضه فى قلبى بس انا ممكن اقولك كلمات يمكن تصبرك شويه اولا حتة انك اقل من الى بتتعاملى معاهم دى حاجه كويسهقوليلى ليه لان لما الانسان يحس انه اقل من الناس اكيد هيبدا يجتهد الى انه يكون احسن نهمثانيا حتة انك مش بتعرفى تتكلمى مع حد ازاى يعنى كل الناس بتتكلم وبتضحك انا نفسى والله بكون شايل هموم لاتطاق وبلاوى زرقه عارفه اول حاجه بعملها ايه هو انى اصلى لله على كل حاجه انا حصلتلى والكلام مع الناس له حل اكيد وهو انك تخرجى وتفرفشى مش تقعدى ابدا لوحد الهى نفسك باى حاجه اسمعى قران وحتة الاموات دى عاديه بس انتى محتاجه تصلى كتير وتذكرى ربنا دايما بدليل قوله تعالى الابذكر الله تطمئن القلوب ثالثا ازاى حاسه انك فى سجن الدنيا واسعه يابنتى اخرجى وشوفى الناس واتعاملى معاهم واتعلمى منهم وشاوريهم ويشاوروكى بس ان شاء الله حياتك هتتغير لاافضل باذن الله وبكره تكونى حاجه كبيره وعظيمه ان شاء الله ومعلش طولت عليكى اخوكى على
انا زيك بحس كدة كتير
بس نصيحتى ليكى حاولى تقرى قرآن كتير واذكار الصباح والمساء وكمان يكون عندك هدف تحولى توصليله واجتهدى واعملى اللى عليكى وسيبى النتيجة على الله هترتاحى كتير.
مشكلتك هى عدم الثقة بالنفس حاولى تركزى على نفسك ومتقارنيش نفسك بغيرك ولما تجيلك الافكار دى حاولى تطرديها من دماغك وطبعا ده مش سهل بس بالارادة ان شاء الله يبقى سهل.