السلام عليكم ورحمة الله ارجو كل اللى يقرا مشكلتى يقولى رايه بجد لانى مليش اى حد غيركم اخد رايه وتعبت جدا من حياتى ومن كل اللى بيحصلى فتاه عمرى 22 عام امى وابى انفصلوا من 10 سنوات وكل واحد منهم شاف حياته واتجوز عندى اخوات من ابى اكبر منى علاقتى بيهم ليست جيدة امى ربنا يهديها منعانى عن العالم كله وعن اخواتى كمان خلصت دبلوم صنايع كمبيوتر ورفضت انى اكمل ولا اشتغل واخواتى اكلمهم فى التليفون بس اقابلهم لا واصحابى برضه نفس الوضع لحد لما مبقاش عندى اصحاب طيب اروح الجيم اضيع وقت لا برضه اى حاجة فى الدنيا لا وكل ما اعترض تقولى لو مش عجبك شوفيلك حته اقعدى فيها واحمدى ربنا انى سايبك تعيشى فى بيتى وابوكى راميكى وكلام كتير اوى صعب اقوله وانا بكتب دلوقتى دموعى على خدى لانى مليش حد فى الدنيا ولا اب ولا ام ولا حتى اخوات ولا اصحاب كل الناس مش بتحبنى انا مش عارفة اعمل ايه امى اصبح همها الوحيد ولادها الصبيان وجمع الفلوس انا صفر على الشمال مش عارفة اعمل ايه بابا بيرفض يقابل اى عريس بيتقدملللى وماما نفس الموضوع ولو قابلته تطلع القطط الفاطسة معرفش ليه ممكن عشان متجهزش او ايه معرفش انا عارفة انى مش صح بس صدقونى من اللى بشوفه انا اتعرفت على شخص من عام عمره 40 عام ومتجوز وعنده ولاد بس حبنى وانا حبيته جدا حاسة انى مليش غيره بعد ربنا بس وجودى عامله مشاكل كتيرة جدا مع مراته طلبت الطلاق لما عرفت انه عايز يتجوزنى واهلى كمان رافضين جوازنا نهائى برضه بيقولوا اتجوزيه لوحدك اعمل ايه ربنا مقفلها معايا ليه كده من كل ناحية للعلم انا حاولت الانتحار كتير اخر مرة كانت رمضان اللى فات بس من ساعة مبقى موجود فى حياتى وانا حياتى اتغيرت انا بصلى لكن برضه مش مرتاحة ومحدش يقولى شوفى حد من اهلك يكلم بابا او ماما لانى عملت كل حاجة ممكن تتعمل افضل عايشة فى العزاب ده لامتى ولا اموت نفسى وارتاح ولا اسيب البيت وامشى ولا اعمل ايه بجد انا قربت اتجنن وباخد مهدئات وعندى اكتئاب شديد حتى لما روحت لدكتور امراض نفسية وطلب يقابل ماما هى رفضت اسفة جدا للاطالة بس كنت محتاجة اتكلم ارجو نشر المشكلة سريعا ,,,,,,,,,,,,,,,,
مشاكل البنات النفسية
تعبت نفسيا وبحب رجل متزوج بسبب اهلي
اضيف بتاريخ: Friday, July 22nd, 2011 في 15:47
كلمات مشاكل وحلول: مشاكل البنات, مشاكل البنات النفسية
يابنتي العزيزة انااب ل5بنات قمورات زيك كدا زوجت وحدةمنهن ولله الحمد عقبالك نشاءالله واعتبريني مثل باباك اللي بيحبك ويخاف عليك وعلى استعداد لمساعدتك في ايه حاجة تنقصك واريدك ان تفهمي كل ماقوله لك وتعمل به مهماشفت ولقيتي من امك وابوك يظلو اهلك ولهم حقوق وواجبات الله وصانابها وامرنا بالبروالاحسان اليهما حتى لوكانا كافرين واعلمي ان الجنةتحت اقدام الامهات وانهماسبب وجودك بعدالله في هالحياة وان رضاهمامن رضاالله وسخطهمامن سخط الله ولافي ام ولااب بيكره اولاده دي افكارشيطانية معشعشة في دماغ النفوس الضعيفة اتركي التفكيرفيها والزمي طاعةالله واكثري من قراءةالقران وحافظي على اداءالصلوات الخمس والصيام وبرالوالدين تنالي كل الخيروالسعادةوالهناءفي حياتك واحذري من سماع الاغاني واتركيهانهايالانهامزاميرالشيطان وابدليهابسماع القران والاناشيد الدينيةوالمحاضرات الاسلامية وعليك بالابتعادعن هذاالرجل الغريب عنك لانه متزوج وعنده اولاد وحرام عليك تخربي بيت عشان سعادتك وتفرقي بين اب واولاده وزوجته اتقي الله ولاتكرري ماحدث لك من طلاق والديك وابعدي عنه خالص ومن ترك شي لله عوضه الله خيرا منه وربي يكرمك بالزوج الصالح اللي يستاهلك ويسعدك
على فكره انا زيك كنت بحب واحدة متجوزه وهى بتحبنى بس عشان متجوزة مكنتش بتقولى انها بتحبنى وهى مش طايقة الدنيا لانها متجوزة غصب عنها لحد ما فى يوم زهقت وقالتلى شوف حياتك واطلع من حياتى
قولي يا واحد يا أحد يا ودود يا قريب و الزميها يذهب الله وحشتك و يذيقك الأنس به جل و علا
قولي يا باسط يا رزاق يا فتاح يا وهاب يرزقك الله من حيث لا تحتسبين ويدخل السرور على قلبك
الزمي الاستغفار و توبي إلى الله من جميع المعاصي وأولها علاقتك بهذا الرجل فما نزل بلاء إلا بذنب و لا رفع إلا بتوبةو اعلمي أن ما عند الله لا ينال إلا بطاعته و أن من ترك شيئا لله عوضه الله خيرا منه,و لا تيأسي من روح الله فإن ذلك من الشيطان,ليحزن الذين آمنوا و ليضيع عليك ثواب احتساب الصبر و تذكري أن الله مع الصابرين و لو علموا ما لهم من الأجر لتمنوا المزيد من بلاء الدنيا,واعلمي أن الزواج بغير ولي حرام حرام حرام أسأل الله العلي القدير لي و لك و لجميع المسلمين فرجا قريبا و أن يشملنا ببرد عفوه وأن يعافينا في الدنيا و الآخرة آمين
اه تعبت من العالم والناس صرت أكرهه كل شئ بالرغم ان ع23 وملكة جماإاإاإال بشهادة الجميع ولدرجة كل مارحت زواج مع أهل زوجي الحريم يخطبوني من و قدام أهل زوجي ومتزوجه ٣سنين بدوووووووون أطفال بسبب عيين قويه واراجع عند الشيوخ وأهلي يجيبوا الهم ومشاكلهم ماتخلص وزوجي مشي حاإاإاإالك تحملت وصبرت ع خيانته القوليه والفعليه وكشفته ٥ مرات بس الحمدلله هالحين تاإاإاإاإب. هدي مشكلتي باختصار شديد وإلحمدلله مافيه أحد مرتاح بهالدنيا
انا ابتعدت عن اللي كنت بحب عشان مرضيتش اخرب بيتو انتي كمان ابعدي
وفي ناس كثيرة هتحبك خصوصا من النت هتلاقي صدقيني بس متقفليش عروحك الباب وسيبيه خلاص فكري لعيالو رغم اننا احنا محدش بيفكر لينا بس لازم تخلي قلبك طيب عشان ربنا يسعدك على فكرة يا ريت صاحب الموقع يديك اميلي وراح احل مشكلتك وهتلاقي مين يفهمك ويحبك ويمكن تتجوزو من غير اي مشاكل
اسفة حبيتي انتي زي انا ايضا مليش حد وماما حثيرة وبتقول لي لو مش عاجبك روحي جيبي اللي يسرف عليك من الشارع وكانت بتخون ابويا قدامي وبتعذبني وهربت منها ورحت لعند ابويا بعدما اتطلقو عشان كانت عاوزة تبيع جسمي مقابل الفلوس
ومعنديش اي حرية ويا بابا ومراتو وحبيت انسان متجوز مراتو برضو مش كويسة بس في الاخر اكتشفت انو ليه حياتو رغم انو كان عاوز يتجوزني وسبتو وصدقيني هتلاقي انسان يفهمك وبقولك لو عاوزة تتجوزي بحد تحبيه متورهوش لاهلك خليه يتجوزك بعغيد عنهم وروحي لاي حتة اهربي دام انتي كبيرة وعندك دبلوم يعني فيك تشتغلي وربنا معاك حبيبتي وانتي لو عاوزة تتجوزيه اتجوزيه وبلاش رايهم وبلاش اي حاجة عشان هما ما اهتموش بينا نهتم بيهم ليه انا اكثر ناس دمرو ليا حياتي والي ووالدتي حسبي الله ونعمه الوكيل فيهم
اتجوزيه وسيبك من كل البشر مدام انه شاريك وبيحبك وانتى بتحبيه / المحامى
اولا موضوعك بسيط جدا ولكن جددى ايمانك بالله وثقى فى الله وليس احد غيره وحذارى ان تغنى فى الحمام او تغنى او ترقصى الا تعلمى ان هذه الاماكن يقول المؤمن قبل ان يدخل فيها اعوز بالله من الخبث والخبائث اى الجن والشياطين يحبون الاماكن التى رائحتها خبيثه حذارى انت لست صغيره عليك بالصمت فى هذه الاماكن دينك علمك كل حاجه
ثانيا فكرة الانتحار هذه لا يفعلها او يقدم عليها الا شخص ضعيف الايمان بربه وانت واضح من كلامك انك مؤمنه ومحترمه حذارى ان تخرجى من الدنيا الى جهنم كونى حريصه على حبك لله اجعلى ربك دائما بجوارك تخيليه بجانبك معك فى كل مكان والله ستسعدين وتشفين من هذه الامراض الخطيره وهى التفكير الاهبل والعبيط الذى يخرجك الى نار الله ابد الابدين عيب انت مؤمنه انا ليس لى اب او ام بل ومسئول عن مرضى واطفال ومشاكل رهيبه مررت بها اشد من ذلك وما ذلت وكلى ثقه فى ربى ويقين بحبه وعندى امل فيه هو فقط اما ان تتزوجى من رجل متزوج فهذا ليس عيبا او حرام مثنى وثلاث ورباع ولكنخوفى ان تكون ظروفك هى سبب قربك منه مجرد الشعور بوجود احد بجوارك يسأل عنك وكل خوفى ان يكون هذا الرجل استغل تلك الظروف ليوقعك فى شباك الحب والغرام او عطف عليك واشفق على حلتك تأكدى من مشاعره اولا واذا كان جادا فاليتقدم لك رسمى لمن تقيمين معهم ولوالديك وان رفضو ولم بتفهمو ظروفك فأستخيرى الله فى هذا الامر وأفعلى ما تراه نفسك لصلحك وبدون ان تغضبلى والديك مهما حدث حاولى اقناعهم وطولى بالك أكثر وكونى صبوره جدا لان الله يختبر صبرك ولازمى الاستغفار دائما لان من لازم الاستغفار جعل الله له من كل ضيق فرجا ومن هم مخرجا ويرزقه من حيث لا يحتسب
حبيبتى طالبة رضا الله شكرا لردك عليا ولكن كنت عايز اوضحلك ان انتى عندك بابا وماما معاكى ربنا يخليهملك وكمان اكيد فى اخواتك او اصحابك انما انا مليش غير ربنا والاحساس بالوحده صعب تخيلى ملقتش حد يقولى كل سنة وانت طيبة عشان رمضان غير مراتها لانها بقيت بتكلمنى وانا بخدعها وبقولها انى سبته وانا مسبتوش ولا حاجة انا صحيح مش بتصل بيه الا كل كام يوم لكن انا متعمدة ده عشان يحس بقيمتى ويحدد موقفه تجاهه وبصراحة انا مش بعرف اقرب من ربنا جامد وفيه حاجة بتبعدنى عن ربنا حتى لو استغفرت وعملت حتى ايه ماما كانت قالت مرة انه ممكن يكون سحر او مس لانى كنت بغنى فى الحمام وبشغل اغانى فى الحمام كمان وعمرى ما اقتنعت بوجود الجن والكلام ده كنت دايما بطريق واضحك
السلام عليكِ اختى الحبيبة
اولا : كل عام وانتِ بخير
ثانيا: والله انا دخلت فى القصة دى بالصدفة بس بجد يا حبيبتى حاسة انى قصتى بتتكرر معاكى
لكن انا الى الان مقلتش حل برضوا لحكايتى ….لكن انا يا حبيبتى الحمد والدى ووالدتى موجودين وغير منفصلين الحكاية مختلفة بعض الشىء عنك لكن برضوا عنيت من نفس مشكلتك …..حكايتى يا حبيبتى انه فى اخ فاضل برضوا متزوج ويعرفنى كويس جداا لكن مكلمنيش فى الحقيقة بصراحة غير ع الايميل فقط ومطولتش معاه لانه حرام انى احكى مع اى اخ ع الايميل المهم يا حبيبتى الاخ ده قالى عشان حرام نحكى مع بعض هنا ع الميل انا مش هكذب عليكى وهقلك الحقيقة وقالها وياريته ما قالها يا حبيبتى والله ..قالى اريد الزاواج منكِ قلت له انتا مش متزوج قالى وماله ربناا حلل لى ذالك قلتله ومراتك دى لو عرفت تبقى مشكلة قالى لا بإذن الله مش هتبقى مشكلة …. خلصت الحكاية ان مراته عرفت وطبعا زعلت منه جداااا لكن انا قلتلها انا والله عمرىما قلت لزوجك شىء خاطىء او غير محترم هو اللى قالى انه يريد يتزوجنى وقلتلها انا هحذف كل ايميلاتكم انتى وزوجك من عندى متمنية لكِ حياة سعيدة لانى بجد مش عايزة اخرب بيوت الناااس وبالفعل حذفتهم من عدى ومن ساعتها لا كلمت الاخ ده ولا كلمت مراته رغم ان الاخ ده فعلا كان جاد فى كل كلمة قالهااا وبرضوا رغم فرق السن اللى بينا كنت بحبه فعلا وهو كمان والله كان بيحبنى والحمد لله الواحد بيعرف يفرق بين اللى بيكذب عليه وبين اللى كلامه بجد وحقيقى ….لكن يا حبيبتى انا حذفت كل ايميلات الاخ ده ومراته من عندى وكل اللى عملته دعيت ربنا سبحانه وتعالى واتوكلت عليه قلتله ياارب انتا اللى عالم بيا اذا كنت تعلم ان حبى للأخ ده وزواجه منى خير لى فى دينى ودنياى فاجعلنى احبه واجعلنى من نصيبه واذا العكس ويارب ان كنت تعلم انه كان يكذب عليا كرهنى فيه بأى طريقة وابعدنى عنه تماما … وفعلا ربنا سبحانه وتعالى استجبلى يا حبيبتى بس للأسف والله الى الان واستغفر الله لانى اول مرة اقول حاجة زى كدة انا والله لسة بحبه والله علما بأن الاخ ده بعد عنى وحاول يوصلى تانى على فكرة لكن انا ببعد والله خوفا من الله اولا وثانيا لأنى حاسة انى ممكن اخرب بيته رغم انه معندوش اولاد غير طفله صغيرة لكن ما ذنبهاااا اختى الحبيبة واخير اسفة الاطالة حبيبتى وهتواصل معاكى لانى بجد حاسة بيكى يا حبيبتى …. واسأل الله ان يوفقنا لكل الخير ويبعدنا كل شىء فيه شر ….اللهم امين وكل عام وانتى بخير اختى الحبيبة …^_^
بالنسبه للراجل المتزوج اللى عرفتيه بجد بجد بلاش تخربى بيته ممكن يكون بيحبك بس مفيش اى ذنب لولاده ومراته وانتى اكيد عرفتى يعنى ايه ولاد يتربوا تايهين بين اهاليهم بجد بلاش تخربى بيته دى اصعب حاجه صدقينى بلاش تخلى غيرك يذوقها
اما لباقى كلامك ممكن ميكونش ليكى اب او ام او اصحاب بس ليكى ربنا زى مانتى بتتكلمى معانا دلوقتى اقعدى مع نفسك وكلمى ربنا هترتاحى كتير اوى هتحسى انه اكتر حد فاهمك بدون ميرد عليكى
يمكن مفيش حل محدد لمشكلتك بس خليكى مع ربنا صدقينى ربنا كبير اووووى مبينساش حد وحاولى تفكرى برضه اكيد فيه حل وربنا يوفقك ويسعدك واللى فيه الخير ربنا يقدمهولك
هو ليه مفيش اكتر من حل يا جماعة انا بشكر اوى ريرى وندى المجهولة انهم رضوا عليا بس نفسى كله يشاركنى التفكير
حبيبتى بلاش تتجوزى واحد اكبر منك انتى مش بتحبيه انتى حبيتى الحنيه الى فيه حنيه الاب الى انتى محرومه منها استحملى اهلك و حولى تتكلمى مع مامتك وباباكى لكن تتجوزى شخص عنده 40 سنه يبقى حرام عليكى بضيعى حياتك دة ولا هيعرف يعيشك ولا هيعرف يمتعك فى حياتك دة كمان عشر سنين هيكون عندة 50 سنه وانتى 32 سنه يعنى هو هيكون عجوز وانتى فى عز شبابك ربنا هيبعتلك نصيبك استنى شويه واكيد ان شاء الله ربنا هيعوضك وكمان متخربيش بيتو وتشردى اولاه يا حبيبى انتى اد عيالو
والله يااختي حزنتيني كتير ربنا يكون في عونك بس بعطيكي حل متلقيش مثلو اي حل والله يااختي لو بس تقربي من ربنا وتندعي ليل نهار وتكوني ذليله اله والله راح يفرج همك وربنا بيحبك تعرفي ليه لانو ابتلاكي بلاء كبير وراء كل بلاء اجر عظيم وربنا بيمتحنك ويختبرك كوني قويه وقريبه من ربنا وماخاب من اتكل على الله ربنا بيقول انا عند ظن عبدي بي قربي من ربنا وادعي دائما والله يفرج همك وكوني واثقه من ربك والله يسعدك ويريح بالك ياحبيبتي اختك من العراق