أنا أبلغ من العمر 29 سنه ولكنى منذ الصغر وأنا أعانى من ضعف شخصيتى لدرجة أن هذا الضعف جعلنى أفعل الكثير من الأشياء المصيريه والتى لا أقتنع بها!فأنا ليس عندى ثقه بنفسى على الاطلاق لأننى نحيفه وليس لدى مظاهر أنوثه ظاهره وأشعر منذ الصغر أننى لست مرغوبه ولست جذابه!كما أن أمى هى سبب أساسى فى هذا الشعور لأنها دائمآ عندما يأتى الينا أى شخص تقول لى لا تلبسى أشياء تظهر نحافتك وارتدى طرحه على رأسك حتى لا تظهرين نحيفه دائمآ تريدنى أن أفعل ذلك حتى اذا زارتنى صديقاتى!ولم يختلف الأمر كثيرآ بعد زواجى فرغم أن زوجى يعلم أنى نحيفه من قبل زواجنا لكننى أشعر أنى لا أرضيه كما أنه ينظر الى كل فتاه دون مراعاة مشاعرى! احيانآ أظل أبكى فترات طويله دون أن يرانى أحد لأننى أشعر أنى لست أمرأه تستحق الحب والمغازله!كما أن نحافتى هذه منعتنى من ارضاع بناتى سواء الأولى أو الثانيه ولذلك ألجأ الى استخدام اللبن الصناعى لكى أساعدهم على النمو السليم !وبالتالى يلومنى زوجى ويتهمنى بالتقصير فى حقهما ولا يقدر أن هذا رغمآ عنى وليس بيدى ولا بيد أى انسان!أعانى من الوحده الشديده ولا أشعر بالراحه الا وأنا بمفردى أتحدث مع نفسى بصوت عالى وأناقش كل مشاكلى مع نفسى وأقترح الحلول لنفسى وهذه هى حياتى منذ بدايتها حتى الأن!فهل من مساعده!
مشاكل البنات النفسية
شخصيتى ضعيفه جدا
اضيف بتاريخ: Thursday, January 12th, 2012 في 01:10
كلمات مشاكل وحلول: ضعف الشخصية, مشاكل البنات النفسية
السلام عليكم و رحمة الله و بركاته، حياك الله أختي ، ما شاء الله عليكي فيها إيه لمّا تكوني نحيفة؟ ربنا سبحانه الذي خلقك هو يعلم أن ذلك القوام أنسب لكي فهو سبحانه أرحم بك من نفسك و أعلم بمصلحتك من نفسك ، أختي عليك أولا الإستعانة بالله و تجديد الإيمان في القلب والدعاء فوالله الذي لا إله غيره إذا صدقتي في النية و الدعاء ربنا هيسخّر ليكي زوجك والناس أجمعين عليكي بالتقرب إلى الله سبحانه و تعالى.ثانيا أختي لا تفكري كثيرا وكّلي أمرك إلى الله أهتمي بنفسك في كل شئ يعني حطّي مكياج و ألبسي أحسن لبس أهتمي بزوجك و أعطيه الرعاية و أولادك و أهتمي ببيتك هتلاقيه بيحبك أكتر و أكتر لأن الجمال مش جمال الشكل بس لأ ده جمال الدين و الأخلاق و الروح الطيبة والكلمة الطيبة صدقة. ثالثا فأين ثقتك أختي بالله سبحانه و تعالى عليكي أن تري نفسك جميلة و تبيني ليه أن انتي جميلة و ماتحسسهوش ان انتي لستي واثقة لازم يشعر ان انتي شايفة نفسك جميلة الواحدة بتزداد جمال لمّا بتزداد ثقة .رابعا أخلصي النية لله في كل حاجة بتعمليها و قابليه بوجه بشوش و إبتسامة جميلة و على قد ما تقدري إحتويه والله هتلاقي حياتك انغيرت بس انتي اشتكي لله والجئي لله و ربنا لن يخذلك أبدا ، أرجو أن أكون قد ساعدتكي و بارك الله لكي في زوجك و بناتك و أهلك.
انا زيك كدة رفيعة ومتعقدة من نحافتي دي
ابنتي خيرالاموراوسطهايعنى لانحيفة اوي ولابدينةاوي الافضل ان تكوني معتدلة لانوالنحافة الكثيرةمرض كذلك البدانةوالسمنةمرض مزمن تغذي كويس من لحوم واسماك وجمبري وبطاطس وخضارطازجةوحليب والبان وابعدي عن المشروبات الغازيةاوالكحوليه واعملي رياضة مثل المشي كل 2ساعتين وسوف يتحسن جسمك وتنحل مشكلتك وربي يوفقك
ياحياتي النحافة عمرها ماتسبب ضعف الشخصية شوفي الكوريات نحاف مره والرجال طايحين فيهم حب لاتضعفي شخصيتك بسبب نحافتك بالعكس الكل يتمنى ينحف مثلي
حلو انتي نحيفة يعني انتى حلوة وزوجك هدا الغبي لازم تتركيه لا تتخلي عن كرامتك وكبريائك
انازيك رفيعة جدا بس عندي ثقة بنفسي وكلام الناس مبياثر فيا خلاص يعني بكبر دماغي عشان ان واثقة من حالي بس متحطيش كلام حد في دماغك خلاص وسيبك من الموضوع ده عشان ده والله موضوع تفه والله ده دلوقتي احلي بنات البنات الرفيعة
السلام عيكم…….أختى الحبيبة دلوقتى انتى زعلانة أوى وحسة بنقص وعدم ثقة بنفسك ممكن افهم ليه هل لأك نحيفة دا يخليكى ضعيفة بالعكس الجمال ده عمره ماكان بالنحافة أو السمنه دا بالورح والخلاق والدين لازم تغيرى من نفسك ومن روتين حياتك رددى دايما بينك وبين نفسك أنا جميلة أنا كدة رشيقة وعودى سمباتيك وخفيفة مش تقيلة انا واثقة من نفسى كرري الكلام ده العقل الباطن هيخزنه وبالتال هيتحول لحقيقة ……..أما بالنسبة لزوجك بقا انتى حاولى تملى عنيه خليه لما ينظر ليكى قلبه يفرح ومايشمش منك الا ريحة طيبه وقابليه بابتسامة تسحره واهتمى بيه جدا وببناتك وغيرى حياتك كلها وتعايشى مع الناس وقبل كل ده لازم لازم تقبلى نفسك وتحبيها جدا على ماهى عليه…..والجأى لربك ومولاكى يصلح أحوالك ويألف بينك وبين زوجك ويحليكى فى عنيه وانتى اكيد من غير حاجة زى القمر
لكى كل حبى واحترامى وابقى طمنينا عليكى
عليكى بالالتزام مع الله تعالى
قراءة القرأن والاذكار والصلاة وسماع الخطب والبرامج الدينية
حيث السعادة الروحانية كفيلة بازاحة همك وغمك
لا تشغلى بالا مادام الله معكى
اسمعي انازيك بردو كدة رفيعة بس صدقيني انتى هتتعبي اوي لو فضلتى كدة لازم يكون عندك ثقة بربنا ان ربنا جلقك احسن واحدة وبنفسك بردو يعني برا البيت مثلا البسي تونك جميل وتحتيه جيبه او بنطلون اما بالنسبة لجوزك متزعليش مني لازم يبص بره ولكن دورك انتي مهم يعني تستقبليه بابتسامة وتلبيسيله حاجةجذابةوتحولي تهتمي بنفسك وملابسك وممكن تتدخلي على ماقع وتشوفي علاج النحافة اسمعي كلامي واوعي تستسلمي
يا اختي الكريمة النحافة مشكل نص البنات فلا تزيدي على نفسك احباطا وتفكيرا وما تشغليش بالك خلاص لان التفكيير في الهم والمشاكل سبب الاول في النحافة وكلي الاكل حتميه حتى تشفين باذن الله كما انصحك بالرياضة والراحة
يااختي انت والله ذي الامر ومتهتميش بكلام الناس ولاكلام امك وتكلمي مع زوجك ان اجاجة دي بتدياني والبنت النحيفة احسن من البنت الثمينة لان الانوثة في الرشاقة حتي معظم البنات بيعملوا رجيم علشان يختفوا ومتبنش اي علمات اناعندي نفس الموضوع معنديش سقة بنفسي خالص وجزاك الله خيرا مريم13سنة
انسى كلام الناس وكلام امك وخلى جواك ثقه بنفسك اكتر من كده واتركى كل الافكار دى من جواك وصلى وتقربى من ربنا وادعيه ييسر امورك ويوفقك ديما مع زواجكك وبس ثانيا لو على موضوع النحافه تقدرى تتابعى مع طبيبه اغزيه وقللى من التفكير فى الموضوع وانتى نفسك هتتفتح للاكل وهتاكلى وتبقى زى الفل كتر التفكير بيسد النفس وبيجنن العقل وبيخلى فى نوعمن عدم التوازن فحاولى تلغى التفكير فى الموضوعات دى ومتشغليش بالك بيها وربنا يصلح ليك الحال يارب / المحامى
كتير من البنات عندهم نحافة وبالرغم من كده عندهم ثقة فى نفسهم غير عادية
زوجك بيبص على البنات ده الرجاله اغلبهم كده وهذا راجع لنقص الايمان لان الله يأمرنا بغض البصر
احمدى ربنا انك اتجوزتى وخلفتى
بناتك محتاجلك حاولى تقعدى معاهم كتيير وتربيهم احسن تربية
ولو انتى مش عاجبك زوجك كان اتجوزك ليه ما عنده المليانة
انت زى الفل وكل فولة ولها كيالها
يعنى فى راجل بيحب النحيفة ووااحد بيحب المليانة وواحد تانى لو مراته تخنت حبة يزعقلها وهكذا
الحياة كبيرة اكبر من نحافة وسمنة
ارجعى ربنا احكيله همك ادعيه بصوت عالى بدل ما انتى بتكلمى نفسك
الله معك وهو يلي خلقك هيك لا تجهلي ولا تفكري بجهل والله رح يجازيكي خير على صبرك بالاخير
متكسفيش ولا تزعلي من اي حاجة عطهالك ربنا