أنا بنت عندى 19 سنة مشكلتى انى مش بثق فى حد خالص مش بقول لحد اى حاجة بتحصل معاى حتى اخواتى فى البيت حتى ماما وبابا حتى أصحابى بالرغم من أصحابى كتير خالص لكن مش بثق فى أى حد منهم وبحاسب أوى فى الكلام لما بتكلم مع حد بحس انه محدش بيحب حد أوى من قلبه كله بيحقد على التانى وكله بيغير من التانى محدش بيزعل على زعل حد ومحدش بيفرح لفرح حد بحس الناس كلها مش بتفكر غير فى مصلحتها وبس معنديش ثقة فى أى حد فى الدنيا دى مش لاقية حد أثق فيه وأفضفضله وأقوله على كل اللى جواى وأقوله على كل حاجة بتحصل معاى (ومتقولوليش انتى متهيألك لا لا والله مواقف كتير بتحصل معاى بتثبت كلامى ده) ايه الحل لمشكلتى دى؟؟
مشاكل البنات النفسية
بنت و لا اثق فى حد خالص
اضيف بتاريخ: Friday, April 26th, 2013 في 07:02
كلمات مشاكل وحلول: فتاة, مشاكل البنات
هذه ليست مشكلة !! هذه نعمه احسدك عليها 🙂
والله انت ماكي حق في كلامك
بس حاولي تقربي من اخواتك وخصوصا اختك الكبيرة
لان لو فضلتي كدة هتكرهي الناس كلها
انت صح يا بنتى انا زيك على فكره
بس علفكرة هيجى حد فحياتك وهتقوليلو كل حاجه
بس انت نظرتك للحياة صح جد
المثل بيقول تولد وحيدا وتبعث وحيدا
يعنى الدنيا وكل اللى فيها ولا ليهم اى لازمة :]
مفيش احلى انك تحكى لربنا فى سجدة عن مشكاكلك وهو حاسس بيكى اكتر من اى حد وهو عارف اقبل ما تتكلمى بس بالرغم كدا بيسمعك ,,ايوة اى حد بيبقى نفسه ان شخص يسمعه بس عدم الثقةفالناس زى ما انتى قولتى بيبقى كلمة يارب احسن حل .
انا بنت فى سنك تماما عندى19سنة وعمرى مابثق فى حد خالص حتى اهلى وعمرى ما بحكى لحد اسرارى لانهم بيستخدموها ضدى فى وقت الزنقة عشان كدا بقولك دى نعمة من الله انه ادنا الحذر دا احسن من اللى بيقول كل حاجة جواه دا مش صح خليكى كدا احسن دا مش مرض نفسى فى بنات كتيير كدا انتى مش لوحدك
خلاص انا عن نفسى مش هقولك دا وهم انا بعترف ان الدنيا فى حقد كتير لكن مش هطلب منك الا الانصاف فى النظر اللى اقصده انك زى مبتشوفى الحقد فى بردو نسبة حب وزى مفى شر فى خير فى المقابل وزى ان الانسان مهما كان طيب فيه نسبة شر فى بردو انسان شرير لا يمكن يكون منعدم الخير لكن اللى اقدر اقوله خليكى انتى الانسانة اللى لما الناس تشوفك تقول الدنيا لسا فيها خير انا شخصيا طريقى فى الحياة انى بكره الضعف والافكار السلبية وباذن الله هحاربها لحد اخر نفس فيا وانتى كمان لازم تبطلى تفكرى انك اصلا محتاجة انك تفضفضى لحد طول مانتى عندك ربنا بدل متفضفضى لحد يسمعك وبس ربنا بيسمعك وبيحميكى وكمان بيقبل دعائك ووالله بجد هتلاقى دنيا تانية مع ربنا وترمى كل الافكار دى ورا ضهرك خلى عندك امل الانسان لو فكر بايجابية وبقوة يقدر يحول كل اللى حوليه زيو لو مش لاقية الدنيا النضيفة اللى مفهاش حقد يبقى كونيها بنفسك انتى باذن الله قوية وتقدرى تعملي كدا !
طيب وانتى كده زعلانه انك حريصه فى تعاملاتك مع الاخرين ده مالوش دعوه بالثقه ده اسم حذر زايد شويه وده مش عيب ولا حرام المشكله بقا انى انا عكسك تماما بسى بقع كل وقعه ووقعتها يا بنتى من الثقه بتاعتى دى صدقينى انتى عندك حق احنا فى زمن انعدمت فيه الثقه بين الناس ولكن مازال يوجد ناس طيبين فى زمننا هذا لكن للاسف قلائل انتى بقا ما تعقديش نفسك وتقولى ما عنديش ثقه فى حد غيرى كلمه الثقه بكلمه حذر حتى ترتاحى وماتزعليش حد منك لو قولتيله ماعنديش ثقه فى حد افضل نقول انا بحذر شويه بتدى نفس المعنى و مخرجها افضل شويه