انا بنت عندى 19 سنه ومش يعرف اتكلم مع الناس وانطوائيه مع انى واللهى بحب الناس وبحب اتكلم معاهم وبحب ابسطهم سواء كنت احبهم ولا لا وكمان معنديش ثقه فى نفسى لما بتكلم بفضل اتحرك يمين وشمال وبحرك ايديا وسعات بقول كلام مش مفهوم ومش بعرف اجمع معلومات ومعنديش خبره فى الحياه ومش بعرف اعبر عن اللى جوايا صح وتعبانه اوى من الدنيا دى وجت عليا فتره مكتش باكل كتير ولما بأكل مكنتش بكمل الاكل للاخر وباكل من غير نفس وصداع كان طول الوقت معايا حاسه انى خلاص فاقده الامل فى كل حاجه تعبت بجد ومش عارفه اعمل ايه حولت بكل الطرق اتغير ومعرفتش ده حتى صحابى كلهم بعدوا عندى انا بجد تعبانه اوى وكل يوم بعيط قبل ما انام طب انا ذنبى ايه ربنا خلقنى كده اعمل ايه مش بأيدى وبرغم كده بقول الحمدلله بس انا تعبانه اوى عشان انا بحس انى مليش هدف فى الحياه ولا عندى شخصيه ولا بتكلم كويس ولا هعرف حتى اعيش فى الحياه دى طول ما الثقه مش فيا حاسه ان مفيش حد هيقبلنى على عيبى ولا هتجوز ولا هقدر ابقى ست بيت يارب مليش غيرك
مشاكل البنات النفسية
انطوائيه ولا استطيع التعبير عن نفسي
اضيف بتاريخ: Sunday, August 10th, 2014 في 10:44
كلمات مشاكل وحلول: بنات, بنت, مشاكل البنات
ربنا يكرم ويبارك في عقل اللي كتب الكلمتين الحلوين دول
بالعكس يا حبيبتى أنت عبرتى عن مشكلتك بطريقة واضحة و مفهومه اوى
انت بتعرفى تعبرى عن نفسك بس محتاجة حاجات تعمليها حا اقولك عليها
●لازمى هذا الذكر العظيم انا كنت زيك و اسوء حتى من وضعك و هو ((لا حول و لا قوة إلا بالله لا ملجأ و لا منجى من الله إلا إليه )) ردديها بأى عدد و كل ما اتزيدى أفضل قوليه قبل ما تطلعى اتقابلى الناس● خلى ليك ورد من القرآن الكريم
● استغفرى بخشوع
● ادع و قولى اللهم هب لى سحر البيان و الطلاقة فى التبيان اللهم احلل عقدة لسانى و قوى قلبى بقوة الإيمان بوحدانيتك ^^ علما بأن هذا الدعاء ليس دعاء مخصوص بل بما يوافق حاجتك
● تصدقى و لو بالقليل
أخيرا حطى فى بالك أن من تخشين الحديث معهم و تتلعثمين هم بشر مثلك
نسأل الله أن يفرج همك
حلك سهل جدا الدعاء ترتيب الافكار اصحابك البعدا عدك دول مش اصحاب ممكن ربنا ادالك المشكله دي علاشان تعرفيهم على حيتهم احمدي ربنا صي للمشكله ديما من الجانب الحلو
انصحك بالقراءة في كل المجالات
استغلي الفراغ الذي تعيشينه في المذاكرة و التفوق
وقتها ستجدي نفسك من المتفوقين و تندمجي معهم
نفس مشكلتي بالزبط (:
فى الحقيقة انا مستغرب لان مشكلتك حلها محتاج مجهود لكن مادى مش معنوى لانك ببساطة انتى قولتى فى نص كلامك سبب معاناتك (انا تعبانة اوى عشان انا بحس انى مليش هدف فى الحياة ولا شخصية ولا بتكلم كويس ) .. كل الفكرة انك محتاجة تنظيف افكار ومعالجة كل مشكلة على حدى .. شوفى من الاخر مفيش حاجة اسمها ربنا خالقنى كدا .. انتى لازم يكون حياتك ليها لازمة من الاخر .. واحمدى ربك انك قادرة انك تحسى باختفاء الهدف من حياتك لان غيرك عايش زى الحيوان وخلاص .. اى حل هقوله مش هيكون له لازمة الا اذا قربتى من ربنا .. قبل متصلى لازم تعرفى انتى بتصلى ليه ولمين .. انتى ربنا ادالك نعم كتير اكيد افضلى عدى فيهم ولما تخلصى قولى !! .. روحى شوفى الكفيف اللى مش قادر حتى يكتب مشكلته عايش ازاى والاصم عايش ازاى والعاجز عايش ازاى .. جربى مرة تفضلى 10 دقائق او ربع ساعة تسبحى وتذكرى الله بالتمجيد ( لكن بشرط اوعى تدعى بحاجة ) قولى دا عشانك يارب وسبحى وبس ( سبحان من يسبح الرعد بحمده والملائكة من خيفته / سبحان رب المشرقين ورب المغربين / سبحان رب الارض والسماوات العلا ) وهكذا وهتشوفى مدى الراحة النفسى .. دا اول حاجة والاهم من كدا انتى مشكلتك هتاخد وقت عشان تتحل واول خطوة لازم تبطلى تقولى لنفسك ( انا معنديش ثقة فى نفسى ) لانك وانتى بتكرريها لنفسك عقلك اللاواعى هيترجم الكلام دا وهيحفظه فى دماغك ولما تواجهى موقف حقيقى هتطلع المعلومات دى وهتبدأى ترتبكى فى الكلام .. يعنى ببساطة تصرفاتك وتعبك دا نتيجة لترجمتك لعقلك .. دايما قولى انا واثقة فى نفسى وبعرف اتكلم كويس .. وقوليها لنفسك فى المراية بصوت عالى وبعيون جادة .. دا مش جنان !! دا علاج نفسى لعلمك .. لكن قبل كللل دا لازم تحطى هدف حقيقى لحياتك .. والهدف دا لازم يكون داخل فى شئ لله .. يعنى مثلا تقولى انا لو اشتغلت وبقيت غنية انا هبنى دار ايتام .. او هبنى مسجد .او .. وهكذا والله لما تحطى ربنا فى دماغك دائما والرغبة فى فعل الخير هتحسى جواكى بالمسؤولية اتجاه الناس الغلبانة والفقيرة ولما تحسى بالمسؤولية دى الخوف جواكى هيختفى .. زى الام اللى مستعدة تضحى بحياتها عشان ولادها .. دا بيكون من شعورها بالمسؤولية ناحيتها .. عشان كدا لما تختارى هدف لازم تدخلى فيه مسؤولية حد معين تراعيه وتحميه !! .. اما بالنسبة لمشكلة الكلام مع الناس الموضوع وما فيه تستخدمى اول حاجة لغة البرمجة وتفضلى تقولى لنفسك بصوت عالى انا بعرف اتكلم كويس مع الناس والكل بيحب يسمعنى ويبقى جنبى .. ومتعمليش دا من فراغ ادخلى على النت وشوفى الموضوعات النفسية اللى بتتكلم عن اساليب الكلام .. من ضمنها مثلا من اساليب الكلام الجذاب انك تحركى ايديكى وانتى بتتكلمى لان 60 فمية من معنى كلامك تقريبا بيوصل للناس من خلال حركات الجسم مش من الكلام كنتى تعرفى دا قبل كدا ؟؟ .. على صوتك شوية وانتى بتتكلمى .. ومتتكلميش بسرعة اوى ولا بطى اوى عشان الحوار يبقى طويل .. اسمعى اللى قدامك وبينى اهتمامك بكلامه وانك صاحية معاه و دائما امدحى صاحبتك فى لبسها مثلا او فى صفة معينة من صفاتها المعنوية .. ساعتها هتحبك وهتحب تبقى جنبك .. متفضليش من غير عمل نافع وحسى بقيمتك .. نمى عقلك واقرى كتب عن البرمجة العقلية مثلا للدكتور ابراهيم الفقى الله يرحمه .. متفضليش كدااا مفيش حاجة اسمها ربنا خلقنى كدا الكلمة دى اكتر كلمة نرفزتنى فى كلامك .. جربى تخدى كلامى بمحمل الجد وان شاء الله يجيب نتيجة .. ولما يجيب نتيجة ادعيلى امانة !!