السلام عليكم انا بنت بالمرحلة المتوسطه مشكلتي هي صديقاتي بالمدرسه
انا كرهت كل شيء من بعدهم كنا مره مع بعض بالمرحلة الابتدائية
وكلنا نحب بعض لاكن من دخلنا المتوسط وكل شيء تغير
صاروا دايماً يتحقروني وبس يلاحقون بنات ثانيات
يضحكون بوجهي ومن ورا يسبوني ويحشون فيني
وهم البريئين وانا الظالمه الحقوده وانا قد مرة صارت
مشكله بينا وانا قعدت اتكلم وصارخت بنت بوجهي
وانت تجرحين وانتي وانتي وفجأه قعدت تصيح والكل تجمع عليها
وانا مكاني بعيد شوي قاعدين يحشون بصوت مسموع
ومشيت بعدين مع بنت وقالت ان هذي البنت زعلانه منك وانك
سويتي لها شيء مرة زعلها بصراحه انا قلت شيء كبير وانا وش سويت
وبنفس الوقت عارفه اني ماسويت شيء غلط وبعدين قررت اني اعتذر لها
واعتذرت وقلت لها ممكن انا زعلت وكذا وكذا وقالت لا عادي بعدين سألت صديقتي
احنا تصالحنا قوليلي وش مزعلها اقسم بالله لو عرفتوا السبب بتتسدحون ضحك
ان هي منزمان بنت قالت لها بنت ثانيه ان انتي شعرك صابغته وهي صاحت عشانها
قالت كذا لها وانا ذكرت البنات بالسالفه هذا سبب الصياح والصراخ بوجهي!!
وبنات لما اجي اتكلم مع وحده عن الللي يسوونه تجي معي وتسبهم وتقول ايه من جد
وكذا واذا جينا بالفصل معهم بس تلصق فيهم وتلاحقهم واذا كلمتها بس تفشلني
وتخلي البنات يضحكون علي وبعدين تجي الفسحه ويسحبون عليها وتقول ميدي
خلينا نمشي مع بعض وصاحباتي الثانيات اذا صارت مشاكل انا اساعدهم واكلمهم
حتى بعض الاحيان اروح للمشرفه معهم واتكلم وكذا ومع كذا لو اطلب تخطيط ولا شيء عشان
اختبار بكرة ماني فاضيه متعيجزة وكلام سخيف يخلي الواحد يغبن بعدين تجي بنت تقول
راحمتك طيب برسل لك وانا قلت كلمه عاديه والله عاديه كتبت ياشينكم وحطيت فيسات بكى
بعدين قلت لها طيب ارسليه خاص قالت ايش ياشينكم هذا وانا برسل لك
وتبي اي شيء يس عشان ماترسل وبعدها بنص ساعه. جتني بالخاص تقول لي اذا قوليلي عشان ارسل
لك اذا مافي احد ارسل لك ماعندها شخصيه ماتقدر تقول ميد البنات كذا تعالي اعطيك التخطيط
بالقروب تسبني وتفشل ومسويه تطقطق عشان قلت ياشينكم وتقولي راحكتك بعدها بنص
ساعه جتني بالخاص يعني بجد ليه ليه قدامهم كذا لأنها وحده تبي ترضيهم بس
ومواقف ثانيه بعد تقهر وانتي دلوعه ويععع وماادري ايش
والمشكله اللي اكبر من كذا انهم نفسهم يحشون بعض ويسبون بعض واذا اجتمعوا راحو يضحكون
بوجيه بعض وماادري ايش وبس سب فيني وانتي وانتي واتكلم معهم عادي ومثلا تكلم بموضوع
واقول اللي رايي فيها واناقشه انتي بس تبين تصيرين الصح انتي بس تبين تصيرين الصح
ومالشكله هم بعد يبون يثبتون الشيء اللي يحسونه ونقد وسب يحطني بمواقف خايسه
قسم بالله انهم مايعاملون احد كذا غيري حتى امشي مع وحده اشوفهم متجمعين واروح معهم
يشوفوني من بعيد يقولون جت جت جت
صح تقول حساسه وعادي حركاتهم بس جد هي مضايقتني مرة
بليز لحد يقول لي فتره مراهقه هذا شيء يجي ويروح انا اعرف انه شيء يجي ويروح
واختي بالثانوي تقول اذا رحتي الثانوي ترا غير يعني المتوسط شخصيات خايسه
وهي نفسها منهبله من المواقف اللي سوونها البنات لي
وبليز ساعدوني انا ابي حل الحين واعرف انها فتره وتروح وبليز ابي حل بهالفتره لأنه شيء
مره مضايقتي قسم من المواقف والسخريه والنقد وكذا حطمو لي ثقتي
وبعد كل شيء هم مرة كثيرين وانا وحده وكلهم يسوون هالحركات علي.
هالموضوع مضايقني ومأثر فيني حتا ان اهلي صاروا يحسون بذا الشيء
ويسألوني ليه مكتمه وليه كذا كئيبه والله بخليكم عطوني حل .
مشاكل البنات في المدارس
كرهت حياتي من معامله صاحباتي السيئة لي
اضيف بتاريخ: Wednesday, May 13th, 2015 في 06:52
ابنتي الغالية عليك بحسن الاختيار الامثل لرفيقاتك في المدرسة وفي الحياة كلها من حيث الدين والاخلاق الحميدة والتربية الحسنة وابتعدي عن رفيقات السوء فلاخيرفيهن بالمرة وخاصة المنافقات والكذابات واالنمامة والمغتابة دول ماحد يتشرف بمعرفتهن او مصاحبتهن نهائيا وتاكدي انك لو ابتعدت عنهن فانك بخير وفي امان وسعادة كبيرة تشعرين بها طوال حياتك واياك والانخداع بمظاهرهن او طريقتهن في الحكي والكلام فهن مثل الشيطان وعمله حتى يوقعوك في شر اعمالهن ومصايبهن وانت فتاة باين عليك طيبة وخلوقة ومحترمة وبنت اجاويد تعرف الاصول وتحافظ على المبادي والقيم اللي امربها الدين وحث عليها وعندنا مثل شعبي يقول – الباب اللي يجيك منه الريح سده واستريح – وايضا – على راسه بطحاء يعسس عليها- وموكل شي يسووه الاخرين نقلدهم ونسوي زيهم لالالا ابتعدي عن هذا السلوك وخليك واثقة من نفسك ومن اخلاقك وتربيةاهلك لك ومحافظة عليهم ولاتنجري وراءهم مهما كانت الظروف صدقيني بتمسكك بدينك وبالاخلاق والتربية وتفوقك في دراستك واحترامك للاخرين تخلي كل زميلاتك ومعلماتك يحبوك ويحترموك ويقدروك واتمنى لك التوفيق والنجاح في دراستك والخيروالسعادة طوال حياتك