انا فتاة في الصف الثالث المتوسط , بدأت مشكلتي من بداية الفصل الثاني . عندي صديقتين مقربتين لي . بس افترقنا هالسنة واصبحت مع وحدة فيهم في الصف . بداية الفصل الثاني وصلت شكوات كثيرة من قبل معلماتنا للاشراف مما ادى الى تفريق اماكننا . وانا كنت بالقرب من صديقتي. و في مكانها الجديد تعرفت اليها فتاة اخرى واصبحت تحب صديقتي لان صديقتي تتفهمها . ولكن , بدات هذه الفتاة تسحب صديقتي عني ولم تتكلم معي صديقتي مثلما كانت قبل! فبدأت احزن لما تفعل (من صديقتي انها ماتعيرني اي اهتمام) . وكلمت صديقتي الثانية اللي افترقنا وياها في الصف . قلت لها ان صديقتي شوي بالعامية ( تقهرني و لوعت جبدي ان ما تهتم و ما تحس في اللي تسوي فيني ) وقلت لها ان اصلا انتي صديقتي الحقيقية لان انتي اللي صج واقفة معاي وماتسوين فيني هالحركات واخبرتها بان لا تخبر اي احد وبالذات صديقتي ! كان هاي في اليوم اللي صديقتي المتغيرة علي غايبة ! اليوم التالي مضى اليوم عادي لكن في الفسحة كنا نمشي سويا انا وصديقاتي الاثنين كعادتنا . فبدات صديقتي اللي مب معاي في الصف بالكلام وقالت لصديقتي اللي معي في الصف : (اسمها) ابي اقولج شي ! ردت عليها صديقتي اللي معي في الصف : قولي وكملت صديقتي الثانية : لا كلام خاص ! و انا قمت وقلت ان بقشمرة بالعامية : وانا البطة السودة يعني ؟ ردت علي صديقتي اللي مو معي في الصف : اي ! فزعلت فتميت طول الفسحة ساكتة لان انصدمت من كلمتها ! فصاح الجرس و بسرعه انا مشيت الصف في الوقت هاي كانوا اهمة الاثنين مع بعض ! فقامت صديقتي المقربة لي في الصف و قالت قولي شنو تبين تقولين ! وقالت لها صديقتي الثانية الكلام اللي انا قلته لها وامنتها علي وحلفتها ان ماتقول حق احد وازيدكم من الشعر بيت زيدت في الكلام وقالت اني قلت عنها ان انا اكرها !!!!!!! رجعت صديقتي المقربة الصف معصبة ان عبالها ان انا صج لايعة جبدي منها ومابيها وان انا اكرها ! لان صديقتي اللي كنت عبالي ان اهية صديقتي تكلمت عني بكلام انا ماقلته ! عصبت انا يوم كلمت صديقتي في الصف انا اهية رجعت حق البنت اللي كانت تكلمها وتغيرت علي عشانها وقالت لها باللي صار والكلام اللي قلته وانا اصلا ماقلته فقامت تعيب علي ( انا سمراء البشرة ) وتقول عني يالسودة و قمت رديت عليها قلت لها هاي اللي قدرتي علي تعيبين على خلقة الله ! و ( عندنا فسحتين ) في الفسحة الثانية اول ما صاح الجرس قمت و طلعت بسرعه من الصف و كنت ابكي من اللي صار ان صديقتي اتسوي فيني كذا ؟؟ ورحت قلت لها يرضيك اللي صار ! و قالت تره احنا الثلاث غلطانين قلت لها غلطانين بس انتي اكبر غلطة فينا ان انتي كبرتي الموضوع !!!!! و قلتي عني كلام انا ماقلته ! قامت ردت علي وتقول : شنو قلت ؟ قلت لها : قلتي ان انا قلت ان انا اكره صديقتي ؟!!! قالت : زله لسان !!! جوفوا القهر يا ناس !!! قعدت ابكي وابكي من القهر يعني ماتوقعت ان اهية تقول الكلام اللي انا اقوله لها واهية صديقتي المقربة واللي من قبل !!!!
