الاكتئاب في سن المراهقة

السلام عليكم انا من مصر ارجوكم اقرأو مشكلتي للنهايه اعاني من الاكتئاب لا استطيع ان اتخلص منه مش عارفه اعمل ايه ارجوكم ساعدوني انا حاسة ان كل اللي حوليا بيكرهوني وحاسة اني مضايقة على طول مش عارفة ايه السبب انا فى اولى اعدادي وخايفة من الدرجات بابا هيموتني لو جبت درجات وحشة وانا خايفة اوي خايفة من كل حاجة مش عارفة حاجة عن المراهقة خالص كرهت حياتي وكرهت كل الناس بابا بيختار لي كل حاجة في حياتي الاكل واللبس وكل حاجة انا زهقت من التدخل الفظيع في حياتي دة لما اعترض على الحاجة اللي هو اخترهالي يفزع فيا وممكن يضربني ويقولي انتي متستحقهاش اصلا واكتر حاجة غيظاني بقة قالي هجيب لك موبايل لما تنجحي في ستة ابتدائي ونجحت جبت تمنية وتسعين في الميه قالي لما تجيبي درجة حلوة في اولى اعدادي خدعني وضحك عليا انا بقة متغاظة منه اوي خدعني . عمي ربنا يخليه اكتر واحد بحبه في الدنيا عطاني موبايل بس اتكسر مش هاين عليا ارميه لان عمى هو اللي عطهولي اعمل ايه؟ من غير محد يجرح مشاعري ويقولي مشكلتك تافهة

مشاكل وحلول ذات صلة

• معامله الاب والام
• ليش بفرقوا البنت عن الشب رح جن
• انا تعبانة اهله رافضين جوازنا وبيبعدوه عني
• صديقتي المفضلة تحدث شاب
• خطيبة لشاب مكفوف مبعرفش افتح مواضيع معه
• هل صديقتى طبيعية ؟ ولا ابعد عنها احسن
• البنت اللزقة دي مش ناوية تتركني