مشاكل الحب والزواج

انا تعبانة اهله رافضين جوازنا وبيبعدوه عني

انا طالبة فى الجامعة من حوالى سنتين اتعرفت على شاب بطريقه حسيت ان ربنا هو ال بعتهولى انا كنت ماشية مع بنات مش كويسين ويوم ما الشاب ده دخل فى حياتى صلح حالى وبعدنى يعنهم وفى خلال شهر بقيت واحدة تانية مبقاش فى حياتى غيره هو حافظ عليا وانا الحب الاول فى حياته فضلنا مع بعض فتره وجه فاتحنى فى موضوع انه عايز يتقدملى وراح كلم اهله وقالهم انا فى واحده معجب بيها وعايزها اهله رفضوا تماما حتى من غير ما يعرفوا انا مين ولا بنت مين يعنى من غير ما يسالوا عليا وقالوا انت قدامك بنت فلان و نت فلان واختر بينهم طبعا هو رفض وجه قالى واتفقنا انه مش هييأس من اول مرة وحاول مرة واتنين وتلاته وكان نفس الرد وفى مرة قالوا احنا اكيد عايزينك تبقى سعيد فى حياتك مع الانسانة ال انت عايزها وده ادالنا امل شوية
ومن فتره كان فى مشكله بسبب حاجة بعيده عنى تماما راح بباه قاهله فى نص المشكله احنا خلاص لقينالك عروسة وهيا بنت فلان و هنخطبهالك طبعا هو رفض وحصلت مشاكل كبيرة وساب البيت وبباه اخد منه الموبايل واتقطعت اخباره حوالى اسبوع وكلمنى بعدها طبعا حكالى انه الايام الى فاتت باباه رجعه البيت وحبسه واخد منه الموبايل ومنعه من النزول وكده
اتمنى تكون مشكلتى وصلتكم انا عايزة حل
انا مش قادرة ابعد تماما وكل يوم باخد القرار وبرجع فيه اعمــــــــــــــل ايه
هو قالى ان كل شئ نصيب واحنا مش عارفين بكره ممكن يحصل ايه
مش ممكن الموضوع يتحل وربنا بيعمل كده علشان هدف او حاجة
انا نفسى اكمل معاه وخايفة فى نفس الوقت ومبقتش قادرة افكر

مشاكل وحلول ذات صلة

اضيف بتاريخ: Friday, October 1st, 2010 في 17:21

كلمات مشاكل وحلول: , , , , , , ,

17 رد to “انا تعبانة اهله رافضين جوازنا وبيبعدوه عني”

  1. ابواميرة
    25/05/2020 at 19:48

    ماتسمعيش كلام اللي يقولك خليك معاك واقبل كل مايقوله لك وحطي اهلك امام الامر الواقع دا غلط جدا وعيب كبير في حق اهلك لو كان فعلا يحبك يقنع اهله يجو يخطبوك من اهلك حسب الأصول ولاتتكلم معاه انت ابدا اوعي ترخصي نفسك وكرامة اهلك له وكل شيء قسمة ونصيب انت زي القمر وفي عزشبابك والف من يتمناك وربنا بيكرمك بحسن منه ان شاء الله

  2. ابواميرة
    12/12/2013 at 21:48

    اذاكانوا اهله رافضين زواجه منكي فتاكدي استحالةان يتزوجك الشاب والافضل انك ماتربط نفسك به وتتعلقي باوهام بعيدةالمنال فكري في نفسك وفي مستقبلك وكل شي قسمةونصيب وربنابيكرمك بالشاب الصالح اللي يتزوجك ويستاهلك ويسعدك

  3. hanoooda
    29/05/2012 at 16:46

    انا رائى ان تتمكسوا بحبكم بكل طاقتكم ومفيش اهل بيخسروا ابنهم مهما حصل دا ابنهم ورتبوا حياتكم انتوا واعتمدوا ع نفسكم فى كل شى ولما اهلة هيشفوكم كدة اكيد هيبداوا يغيروا رايهم وتساعدوا بعض واحدة واحدة ويارب الاسلوب دا يجيب نتيجة انا بردة اهله رافضين شوية يقولوا السن وشوية مبتشتغلش وشوية اصلها بتاعد ع الفيس بس هحاول وهو مش عايز يخسر اهلة ولا يخسرنى بس مش فاهم ان مفيش حاجة اسمها خسارة اهل ومامتة ذااات شخصية قوية انا قررت اسال حد يكون يعرف الدين كويس وارضة بحكمة

  4. تجربة مشابهة
    15/04/2011 at 12:43

    انا عم يصير معي نفس الشي بالزبط وهوي حاول اول مرة وتانية مرة وتالت مرة وبالفعل فترة من الفترات اخدنا موافقة منهم مبدئية … قدرنا نكسب محبة الجميع موافقة امو واخواتو والعيلة والبلد بس ما قدرنا نكسب موافقة وبعد بفترة رجع ابوه قال ما بدو بالمرة وهددو باهلو.. انا ما بقدر عيش بدونو وهوي كمان وعملت مجهودي انو اوقف جنبو متل ما وقف جنبي وما رح اتخلى عنو لانو ربنا قال انو اسعى يا عبد وانا بسعى معك وكمان قال (واني اجيب دعوة الداعي اذا دعاني) وكمان ربنا صحيح كاتبلنا قدرنا ونصيبنا ولكن عرفت من احد المشايخ انو كثرة الدعاء والاستغفار ممكن انو تغير قدر الانسان… انا بنصحك خليكي جنبو وما تتخلي عنو ابدا وحاولي تساعدي باي طريقة ممكنة … ضلو حاولو تكسبو رضا اهلو طبعا بعد رضا رب العالمين وان شاء الله الله بيجمع كل المحبين … وخليكي على قناعة انو ربنا بيجمع لكن العبد بيفرق … الله يجمعكم ويوفقكم ويجمعني انا وحبيبي ويوفقنا ويجمع كل المحبين ويرضى عليهم ويرزقهم الذرية الصالحة يا رب العالمين والحمد لله رب العالمين ولا حول ولا قوة الا بالله

  5. عاشقه الحب
    08/11/2010 at 02:11

    نفس الموقف ده حصل معايا عمرى محبيت قده ولا هحب بس الى ميحطنيش جوه عنيه وقبله اهله انا مش هقدر اعيش معاهم وهتتعبى ياختى لان الحب حاجه والجواز حاجه تانيه خااااالص وبيكون هناك اعتبارات اكبر من الحب .. واعتقد ان مدام مفيش ترحيب من قبل اهله بيكى من الاول مش هيكون هناك اى راحه وهتعبوكى ف حياتك لو ارتبطى بيه مهما كان فيه حب بنكم وكل شىء ف اوله صعب اشترى نفسك وكرامتك ويمكن ربن بعتهولك علشان يغير ليكى شىء معين ويجى من بعده يكمل المشوار ويكون ليكى الخير فيه ومعاه وزى مربنا قال ف كتابه الكريم عسى ان تكرهوا شىء وهوا خير لكم ابعدى يابنتى واشترى نفسك وانا متأكده انك هتكونى سعيدة بعد كده … وربنا معاكى

  6. باب الخير
    17/10/2010 at 19:51

    اعملى استخارة فيه وشوفى ردها ايه وبعدين اقولك تعملى ايه

  7. ننوسه
    05/10/2010 at 16:16

    مع احترامى الشديد للاخ كابتشينو الا ان الموضوع ده كانك بتتكلمى عنى انا وفعلا في ناس كده انا متاكدة بس برده عشان نبق واقعيين ممكن فعلا هو يكون بيعمل حوارات بس حكاية اهله دى ففى فعلا رفض تام من نحية الاهل زى حالتك وانا اتعرضت ليه بس صدقينى الحل بين ايد ربنا تم ايديه هو لو هو ضعيف الشخصية متزعليش منى لو قلتلك انسيه وانتى الكسبانة لو شخصية قوية له كلمة ان شاء الله تكسبيه مع الحرص منك على القرب لاهله ونصحه بعدم اغضابهم وان شاء الله ربنا يوفقك لكن حكاية تحطوا اهله ادام الامر الواقع دى لو عايزة نصيحتى فيها انا شخصيا رفضاها تماما لان حبهم له من حبهم ليكى لازم تحثيه على ارضائهم وترضيهم وتقربيلهم قبله صدقينى انا كنت بعمل كده بس اللى كنت بحبه كانت شخصيته ضعيفة اوى فده اثر بالسلب عليا تماما وانا كنت بصلح على امل انه هيصمد وبرده بدون ميغضبهم ومعملش كده وقدروا يسيطروا عليه الله يسامحه بقى ربنا يكرمك ان شاء الله

  8. محمدابو سيف
    03/10/2010 at 23:24

    امر الان بهذة التجربة ولاكن مع احتلاف ان بسيط احب ان اقول لكى حاولى ان تصرحى اى شخص كبير فى اسرتك على اى يكون متفهم الوضع وحاولى ان لاتخطى خطوة تندمى عليها فيما بعد خليكم على اتفاق انتى وهو ان تكونوا اصدقاء ولا اكثر فماذل امامكم سنين حتى نهاية الدراسة سيكون الموقف الن ذاك مختلف وارجوا ان لا تخصرى اهلك فا عندنا مثل يقول ال ملهش كبير يشترى لة كبير وفكرى انتى وهو بهدوء وربنا يهدى لكم الاسرة والحب ان احب الخير للاخر وتمسكو ببعض ولاكن دون تهور واجعلية يختار حد من اقاربة يكون قريب الى الاب ويجعلة يتدخل واللة المستعان

  9. المرسى والبحار
    02/10/2010 at 22:09

    محدش بيعصى اهله وبيكسب وكمان انتى فاكرة انكوا لو اتجوزتوا من ورا اهلكوا هتبقوا سعداء مستحيل دا ممكن ابوه وابوكى يغضبوا عليكوا ليوم الدين وبكدة تبقى خسرتوا دنيتكم واخرتكم وعلى راى جورج واسوف لو كل عاشق فى الهوى اختار نصيبه مكنش عاشق يا هوى فارق حبيبه وده نصيبكوا اوعى تعملوا اجة غلط دى نصيحة لوجه الله عشان ما تندميش طول عمرك قبل الجواز حاجة وبعد الجواز حاجة تانية انتى تعرفىمنين اك هتكونى سعيدة معاه بعد الجواز على فكلرة والله دى كانت نفس مشكلتى بس انا عملت مشاكل كتير مع ابويا لحد ما وفق وصدقينى دلوقتى احنا نخطوبين وانا حاسس انى اتسرعت وبقول يا رتنى كنت سمعت كلام ابويا مش لازم العواطف تضيع مستقبلنا وحياتنا وبكرة تنسيه

  10. كابتشينو
    02/10/2010 at 20:28

    بصى يا انسة ممكن ردى يكون غريب شوية بس واقعى قوى
    الولد ده شكله بيعمل حوارات
    ليه؟هاقولك الاسباب
    اولا حكاية اهلى رافضين دى كانت موضة وبطلت من زمان
    تانى حاجة ازاى شاب عاوز يتجوز ويكون ابوه بيحبسه ويمنعه من النزول وكمان ياخد موبايله؟ الولد ده ممكن يكون بيتسلى وبيقولك الحوار ده
    وممكن عشان منظلموش يكون اهله ناس عجيبة
    بس نصيحتى ليكى من اخ (الدنيا طلعتله ضوافر)
    انك متخليش الحب يعميكى عن التفكير السليم
    ولازم الشخص اللى تفكرى ترتبطى بيه يكون راااااااااااجل وقادر على تحمل المسئولية

  11. حب مرغوب فيه
    02/10/2010 at 01:51

    انتى تقفى جمبو لالخر ولو محصل نصيب يببقى ربنا كاتبللك كده او تحطو اخلو قدام الامر الواقع بس يتقدم لاهلك وياريت مش تعملى حاجه من ورا اهللك

  12. esalm
    02/10/2010 at 01:01

    4السلام عليكم ورحمه الله وبركاته
    بصي هو عمل ايه على شانك عملكده لانه بيحبك والظاهر انه بيحبك اوي
    لو بتحبيه بجد لازم توقفي معاه وتعملي حاجه اقصد انك لا زم تتجوزيه وتحطو اهله تحت الامر الواقع والسلام

  13. نور
    01/10/2010 at 21:19

    اوعى تتجوزية والا تعملى حاجة تغضب ربنا والجواز يا اختى الكريمة مش مجرد حب بين اتنين فى اعتبارات اكبر من كدة بكتير لازم موافقة الاهل الاول وانتو لسة صغيرين فكرو بحكمة وماتستعجلوش وربنا يوفقك للخير ان شاء اللة

  14. بحلم بقلب يحبنى
    01/10/2010 at 20:52

    مع احترامى الشديد للاستاذ الى بيقول تحطى اهلك قدام الامر الواقع هسالك سؤال ترضى على اختك تحطك امام الامر الواقع؟شوفى يا اختى الجواز قسمة ونصيب وكمان تخسرى اهلك ولا تخلية يخسر اهلة فكرى وشوفى مستقبلك وشوفى كمان ربنا كاتبلك اية لو بتحبية فعلا سبية يسمع كلام اهلة

  15. حسام يوسف شيبه حسن
    01/10/2010 at 20:19

    يا بنت الناس ده الا حصل معايا الومين دول بصى اقفى جنبه اياكى تبعدى عنه ده هوه الانسان الا بيحب بجد وبيضحى عشان انه بيحبك يا ريت تقفى حنبه دى نصيحه من اخوكى الكبير

  16. توتة
    01/10/2010 at 20:13

    لا طبعا متعمليش زى ما قالك وليد انتى كدة بتصلحى غلط بغلط اكبر انتوا لازم تحولوا تانى وتالت ورابع وربنا انشاء الله مش هيسبكوا والاخر خالص خلية يجى لاهلك ويحكلهم ظروفة لو هما موافقبن انك تتجوزية من غير علم اهلة خلاص

  17. وليد الحبيشي
    01/10/2010 at 18:44

    السلام عليكم ورحمه الله وبركاته
    بصي هو عمل ايه على شانك عملكده لانه بيحبك والظاهر انه بيحبك اوي
    لو بتحبيه بجد لازم توقفي معاه وتعملي حاجه اقصد انك لا زم تتجوزيه وتحطو اهله تحت الامر الواقع والسلام

اترك رداً أو حلاً لهذه المشكلة