الموضوع بدا تقريبا من سنتين لما اتقدملي واحد بس عشان هو مسافر بره فكان الحديث في الاول مع بابا من علي النت المهم فضل يتكلم مع بابا تقريبا كده 3 شهور او اربعه من غير ما يشوفني ولا حتي يكلمني بس انا كنت بشوفه لما كان بيكلم بابا المهم اعجبت بشخصيته وبابا حبه جدا بس بعدين جه في حديثهم انه هيتجوز في شقه في محافظه غير المحافظه الي انا عايشه فيها واحتد النقاش ما بينهم لان كل واحد اتمسك برايه بابا مش عايز بنته تتجوز بعيد عنه وهو عايز يتجوز جمب امه المهم بابا قفل معاه واتفركش الموضوع ودلوقتي تقريبا عدا سنتين علي الموضوع اهو وانا لسه بفكر فيه المهم لقيته باعت وسيط من فتره كده انه عايز يرجع تاني بس متمسك لسه برايه مشكلتي بقي بتكمن في اني عرفت صفحته علي الفيس وبفكر ابعتله رساله واكلمه واقنعه بالموضوع واني متمسكه بيه بس برده مقتنعه بفكره بابا وانا حاليا محتاره ارجوكوكم افيدوني في هذا الموضوع
اختي الفاضلة ارى ان ابوكي مخطى في كل ماطلبه من الشاب المثل يقول – من زوج بارك – والمراة تتبع زوجها وين ماراح ومحل ماكان وماحدش عارف ظروف الشاب وامه لايقدريتركها اويتخلى عنها وخصوصا لوكانت ست كبيرة ووحيدة اوعيانة صدقينى انو الشاب فيه خير دام انه متمسك بامه والعيش معها حاولي تتكلمي مع ابوك وتقنعيه يوافق على زواجكي من الشاب دام انه شاريك ويحبك وصاحب دين وخلق حميدة دي هي الاساس في الزوج وماهي حجة الوالد في بقاءك والعيش في نفس البلدة واشتراطه على القبول بالشاب دي تصرفات خاطئة ومخالفة للدين والاعراف لانوالزوجة تكون مع زوجها محل ماراح ولااريدك ان تتكلمي معه من وراء اهلك منعا لحدوث المشاكل والوقوع في الفتن والله يكتب لك اللي فيه الخيروالصالح ويوفقكي ويسعدكي
اوعي تتكلم معه في حاجةزي كدا عيب البنت المحترمة ماتعملش كدا ابوك خايف عليك ويهمه مصلحتك وعاوزلك حياةسعيدة ومستقرة والشاب لوكان فعلا يحبك وجادفي الارتباط بك يتقدم لاهلك ويوافق على طلب ابوك ويحاول يقنع امه بالوضع ده لكن ماتصغريش ابوك وتقلل من مكانته وقدره وتتكلم مع الشاب دون علمه وربنا يكتب لك مافيه الخيروالصلاح
ارجعي عن فكره تكلميه وخليكي عند رأي والدك لأن نظرته للمستقبل وتصميم والدك هيعملك شخصيه لو في نصيب ولو كلمتي الشاب ده ممكن تصير بينكم علاقه حب وبالتالي والدك اكيد هيعرف وده هيبقي كأنك بتعجزيه أمام هذا الشاب فهل ترضي لوالدك هذا الموقف أصبري وكل شيء مكتوب لك هتشوفيه