حاسه انى لو اتجوزته عمرى ما هكون سعيدة

مساء الخير انا عندى 21 سنة عمرى مامريت بتجربه حب قبل كده لاسباب كتير واهمها انى مستنيه الشخص المناسب ليا واللى اكون متاكده انى بحبه
المشكله انى انا دلوقتى بيتقدم ليا ناس كتير وطبعا فى منهم مناسبين جدا وحاليا متقدم ليا واحد اكبر منى ب 14 سنه وكان متجوز قبل كده لكنه انسان كويس جدا ومركزه عالى ووضعه المادى مرفه بطريقة كبيرة وعقليته متفتحه جدا يعنى حلم اى بنت لا ليه قرايب ينكدوا عليا كلهم عايشين برا البلد اللى انا فيها ومواصفاته اى بنت تحلم بيها كوضع اجتماعى ومادى لكنى مش متقبلاه كزوج لانى حاسه انه اكبر منى بكتير وهو انسان هادى جدا وعاقل وده طبيعى بالنسبه لسنه وانا الطبيعى انى بالنسبه لسنى انى اكون مختلفه عنه وبالرغم من ان اغلب الناس اللى يعرفوه حواليا بيشكروا فيه واى واحد يتمناه لبنته حاسه انى لو اتجوزته عمرى ماهكون سعيده لانى اتجوزته بسبب فلوسه ومركزه واملاكه لانى مش حاساه زوج ولا حاسه من ناحيته باى عاطفه لدرجه انى حاسه بجفاء تام وكل مااشوفه احس ان نفسى قلبت وانا اصلا مريت بتجربتين خطوبه قبل كده ومينفعش امر بتجربه تالته وتكون فاشله وف نفس الوقت نفسى اتجوز عن حب نفسى فى الانسان اللى اعيش معاه سنى كل اللى حواليا بيقولوا انى برفض النعمه وان بعدكده مش هيتقدم ليا حدكويس وان الحب ده وهم بجرى وراه انا محتارة ياترى ارضى بيه بالرغم من هفضل طول عمرى عارفه انى اتجوزته جواز مصلحه ومش هكون سعيده فى حياتى ولا ارفض مع انى مش متاكده انى مش ممكن الاقى الحب اللى بتمناه والله اعلم اذا هيتقدم ليا حد مناسب ولا لأ وهو فعلا انا برفض النعمه بالرغم انى معترفة لو اتقدم ليا واحد ماديا اقل منى مش هرضى بيه

مشاكل وحلول ذات صلة

• تفسير الحلم بشاب يطلب مني الزواج
• خيبة بعد الزواج واشمئزاز من زوجي
• تعدي اب على بناته وهتك عرض
• نفسي اتجوز جدا لكن مفيش عرسان خالص
• عاوزة ربنا يباركلنا و نتجوز كده اكون غلطانة
• الخوف من الارتباط والزواج للبنات
• الحب ام المستقبل