السلام عليكم اول شي
تاني شي انا دخلت لهون بالصدفه وبتمنى الاقي حل لمشكلتي
انا كنت وانا صغيره بعشق شي اسمه موبايل وكنت اشوف صحباتي بالمدرسه كل وحده معها موبايل وطلبت من امي بس رفضت وهالشي خلاني امد ايدي وصارت مشااكل كبيره بالبيت حتى امي للاسف دخلت بقيه عيلتي علي ومان ابن عمتي بدو ياني بس من ورا امي والي حكتو عني الهم رفضتو فكره ارتباط ابنهم في تماما.. وضليتني مراقبه بالبيت بس ما كنت بعمل شي غلط لحتى قربت اخلص دراستي الجامعيه طلبت تاني مره تلفون خلوي وامي اعطتني تلفون من التلفونات الي جبتها وانا صغيره ( امي ضلت محتفظه فيهم التلفون ) وخلال دراستي الجامعيه بعمر ٢١ سنه اتعرفت عشخص (عمرو ٣٠ سنه ) ومع الايام حبينا بعض وبعد سنتين من معرفتي فيه عرفت انه من ديانه تانيه ومتزوج وهو اصلا ما كان بدو مرتو وكانو يوميا بمشاكل من قبل ما يعرفني ، وما كان بدو يقولي هالاسباب عشان ما يخسرني … ومه هيك كملت معو واجمعنا انا وياه بمكان عمل واحد وهالشي اعطاني مجال اكبر عشان اعرفو عاهلي (اختي الكبيره بتعرف العلاقه الي بينا كان وقتها عمرها ٣٢ سنه) المهم مره من هالمرات وصلني للبيت ونزل عنا عالبيت وعرفتو عــ امي واخواتي ( والدي متوفي) وبعد فتره طلب ايدي من امي وامي رفضت طبعا عشان ديانته ومرتو ومع هيك هو ثابر وضلو بدو ياني .. وبعدين اسلم ( بدون علم اهلو طبعا ) ورجع طلب ايدي من امي بس امي كمان مره رفضت لانها بدها تعرف شو وضع مرتو وانها بدها ياه يخبر اهلو عن اسلامو وبدها ياه يعرف الدين الاسلامي شو هو المهم فعلا صارت عندو مشاكل بالبيت وهالشي ادي انه يطلق مرتو ( او يهجرها بالاحرى وبعدين طلاق) واجاه شغل لدوله تانيه وسافر بس حكى مع امي وخبرها انه حيرجع عشان نرتبط وقبل ما يسافر عرفني على اهلو وفعلا اهلو كتير حبوني وامي حبتني كتير .. وخلال ما هو مسافر كنت احكي معو بس ما كنت مخبره امي عشان ما تزعل بس كنت ناويه عالمدى الي شوي بعيد اخبرها … ومره من المرات اختي الي عمرها (٣٤ سنه) شافت الرسائل الي بيني وبين هالشب ( وتمادينا بالحكي ببعض الرسائل وبعدين وقفنا هالشي لانه فهلا انا عم بصلي هلا وعم بحاول اعطيه كم شغله من اساسيات دينا وحكينا خلص هالشي بدو يتوقف لانه حرام) واختي للاسف الشديد شافت رسائلنا وراحت فورا لامي وخبرتها … وهالشي عمل مشكله جدا كبيره فالبيت واتصلت فيه للشب وبهدلتو وصارت ما بدها ياني ارتبط فيه ولا بشكل من الاشكال وهلا هي زعلانه مني حتى امي ( انا اسفه عالكلمه بس متضره احكي ( شاكه اني لساتني بنت ) ) اختي الكبيره الي بتعرف عنو لهالشخص واقفه معي وبتعرف شو انا وعم بتحاول تزبط الامور بيني وبين اي بس امي رافضه لانه اختي التانيه الي شافت الرسائل كتير عم تحكي عني قدام امي وكتير مسيطره عليها ….
خبرت امي اني بحب هالشخص وهو بحبني وبدنا بعض بالحلال بس امي رافضه الفكره كليا ….\ وهلا هي بتهددني انها رح تحكي لبقيه العيله او اني انا اروح اقولهم .. حتى اني بشتغل وبعطي مبلغ معين من راتبي للبيت وكنت متفقين عليه هلا صارت تعايرني بهالمبلغ وقررت اني ما اعطي البيت ولا فلس .. وفي عوجهي حبوب صارت تتمسخر وتعايرني بوجهي … وانا هالشي كتير متعبني فعلا …..
قبل فتره بسيطه عم بفكر اني اتحر وما زالت الفكره براسي ….
طبعا هلا احنا ما بنتحاكى فالبيت حتى عمستوى الاكل ما باكل معهم وايام بقعد يومين ثلاث من غير ما اكل وما بتقولي امي اكل او شي ما في غير اختي الكبيره الي عم بتساعدني وبتطعميني غصب عني …
بتقولي امي انها حكت لشيخ عن وضعي والشيخ قلها اني زانيه وبس قالتلي قلتلها اعتبريني هيك ( مع اني والله العظيم وهاي الاذان هلا عم بآذن انا مو هيك) المهم قلتلها اعتبريني هيك وبدي انا وياه نكفر عن ذنبنا ونتزوج ومع هيك رافضه الفكره … مع انه ببدايات المشكله قالتيلي خليه يجي يوخدك وخلص وبعد ما حكت مع الشيخ صارت ما بدها …
انا عمري ٢٦ سنه وولا وحده فينا متزوجه …..
اسفه طولت عليكم بس فعلا محتاجه لحل رجاءً ……
مشاكل البنات قبل الزواج
امي رافضة تزوجني بعد ما شيخ قال عني زانية
اضيف بتاريخ: Monday, December 11th, 2017 في 14:09
كلمات مشاكل وحلول: الجامعة, المدرسة, حب, رسائل, شاب, متزوج, موبايل
لاحول ولاقوة الابالله يااختي بدك الصراحة انت غلطانة جدا في كل تصرفاتك ولافي دين ولاعقل يرضى بكل هذة التصرفات المحرمة والغير اخلاقية التي صدرت منك كيف ترضين على نفسك اقامة علاقة مع شخص مو على ديانتك ومتزوج وربما عنده اولاد منها ولاتعرفين عن الرجل شيا يكفى انه مش على دينك وقد يكون تظاهر بالاسلام وادعى كذبا انه اسلم من شان توافقي عليه انت واهلك وايضا مسالة طلاقه لزوجته قد يكون برضو مخادع وكذاب انه طلقها عن اي سعادة تبحثين عنها مع رجل كهذا كاذب ومخادع اوهمك بالحب والمشاعر الزائفة وانت مع لاسف صدقتيه والحب اعماك عن الحقيقة حتى صرتي تكرهين اهلك وتزعلينهم منك ومن تصرفاتك الطائشة والغير اخلاقية امك ادرى منك بكثير وتعرف مصلحتك جيدا فحذاري ان تخالفيها او تعصي امرها وتغضبيها منك استهدي بالله عزوجل واقطع علاقتك بهذا الرجل نهايا وللابد وصالحي امك وراضيها وبوسي قدميها حتى ترضا عنك وتسامحك الام ماتتعوض يابنتي ابدا لكن العريس يتعوض وهتلاقي نصيبك جايا لامحال انت واخوتك الكبيرة حافظي على دينك واعتزي بكونك مسلمة ومتمسكة بهذا الدين الحنيف وصوني شرفكي وسمعتكي وسمعة اهلكي وكرامتهم جيدا وابتعدي عن تكلم مع الرجال الغرباء عنك فكلهذا من عمل الشيطان الرجيم ومسالة ماقاله الشيخ لامك عنك نعم تعتبر في نظر الشرع الفتاة التي تصاحب شاب او رجل غريب عنها وتخرج معه دون علم اهلها تعتبر زانية لانو الزنا ليس بالعلاقة الجسدية فقط وانما يكون بالكلام والرؤية والمشي معه هل اتضحت لك الصورة الان وعرفتي فداحة مااقدمت عليه ربنا يصلح حالك ويهديك ويستر عليك ويعصمك من المحرمات والمعاصي ويحفظك من كل سوء ويخليكم امكم ويطول لكم بعمرها ولايحرمكم منها ويرزقكم انت واختك بالازواج الصالحين في هذة الدنيا وتلاقوا الخيروالسعادةوالامان مع ازواجكم والاستقرار طوال العمر ان شاء الله
انتى مش صغيرة تقدرى تخدى قرارتك لوحدك انتى كبيرة بما فى الكفاية و مفيش اكتر من واحد يغير ديانتو عشان بيحبك ده اكبر دليل انتى لو سبتى حتخسرى ومامتك حتندم على ده بعد كدة