انا فتاة عمري 25 سنة واسترنا كبيرة والحمدلله بيني وبين اومي مشاكل لا تنتهي وبالزات ازا اختلف رايها عن راي وبالزات في مسالة الزواج لاني دايما اقولها انا ارضى بالرجل الذي يدفع مهرا قليلا ويكون صاحب دين وخلق كما قال النبي عليه الصلاة والسلام ((من جاء ترضون دينه وخلقه فزوجه)) يعني الاهم الدين والخلق وفنظري المال هادا اخر همي وامي تتماشى مع المثل الرجال ما يعيبو الا جيبو يعني لازم يكون اولا صاحب مال وسمعه غني مطحطح ما يهمها ايش اصلو وفصلو وفنظري كمان انو لو كان سرير خلتي حصير حقبل واتزوجو تقولي الكلام دا كان زمان دحين مافي وحدة بتقبل بالي انتي بتقوليه دا ولمن جاني واحد اتقدملي كان حالو ميسور تقولي ما يدخل بيتي ولا حقابل اهلو ومالي شغل فيه طيب احنا السعودين عاداتنا وتقاليدنا انو الام اولا تقابل الام وتشوف البنت وبعدين لو شافت شي في البنت يعجب ولدها تروح تقولو وتتصل على الام للمرة التانية وتجيب الولد وتصير شوفه بوجود اخوان البنت او ابوها طيب لمن اومي الان ما تبغى تقابل الام انا فهادي الحالة ايش اسوي مع امي يعني انا متى اتزوج متى اشوف اولادي ومتى اصاحبهم كيف يعني الوضع دا ؟؟؟؟؟؟بحاول اني ارضيها وربي اعلم لكن مافي فايدة معاها مع العلم انو في واحد فحياتي ويبغى يجي يتقدملي قريب ان شاء الله مني عارفة ايش اسوي مع مامتي بليز قولولي انا ايش اسوي معاها والله عجزت كيف اقنعها انو الرجال اهم شي يكون صاحب دين وخلق وباقي ما بقي مو مهم كلها بتيسير من الله عز وجل افيــــــــــــــــدوني وساعدوني
الاخت الكريمة من السعودية نعم الزواج اساسه ان الزوج على دين وخلق لكن برضوا يكون احواله المادية ميسورة ويقدر على تحمل اعباء الحياة الزوجية ومسوولياتها هذا برضو مهم جدا اليوم ونحن في زمن غلاء وارتفاع المعيشة وتكاليفها الباهظة كما تعلمين وانت في السعودية وفي كل البلاد العربية الكل يعاني من هذة المشكلة وامك معها حق وتريد ان تؤمن لك الحياة الكريمة والسعيدة واعرف منك بمصلحتك استهدي بالله واستمع لكلامها وطيعيها عشان ربنا يبارك لك ويؤفقك طوال حياتك بغا اسالك اذا جاك شاب على دين وخلق مثلما قلت ولكنه لايملك شي لاعندوقدرة على تكاليف الزواج وتحمل اعباء المسوولية ومعو وظيفة على قدر حاله لاتساعده على فتح بيت وتحمل اعباء زوجة واولاد في المستقبل كيف هتكون حياتك معو لاتكابري وتقولي الحب فوق كل شي لا غلطانة الحياة مش كدا ابدا وليس وحده الحب كافي لبناء حياة زوجية سعيدة ومستقرة دي الحقيقة التي لزوم تعرفيها لكن لما يجيك عريس مناسب وجاهز من كل شي وعلى دين واخلاق ومقتدر ماديا ويقدر على تحمل اعباء الحياة ومسوولياتها فهذا هو الزوج المناسب اللي تحلم به كل فتاة وتتمناه وربي يؤفقك ويكرمك بكل الخير ويسعدك