مشاكل البنات قبل الزواج

خايفة اوي من الجواز

انا مخطوبة وبحب خطيبي اوي وهو كمان بيحبني اوي وبجد كل اللي بتمناه اني اسعده واكون زوجة صالحة بس مشكلتي اني موسوسة شوية بخاف اوي من الفشل بتجيلي تخيلات كتير انه بعد الجواز مش هيحبني وعلاقتي بيه هتفشل يمكن عشان دايما اسمع ان بعد الجواز بيبقى فيه برود وكل واحد بيبقى في حاله ومحدش حاسس بالتاني مع ان عندي نية وربنا يعلم اني دايما اسعده بس انا خايفة اني معجبوش ودايما بقول هو بيحبني عشان مش عايش معايا وميعرفنيش كويس وكمان بصراحة واعذروني بخاف اوي من فكرة اني ممكن جسمي ينكشف قدامه وطبعا الكسوف والرهبة والخوف دي امور طبيعية بس انا بحس اني شكلي دايما مش حلو وانه هيضايق وهيكرهني بجد مش ببالغ وممكن ميكونش عايز يكمل معايا على اساس انه كان متخيلني حاجة تانية مع ان الكل دايما بيقول اني جميلة وانا جسمي كويس اوي مش نحيفة ومش مليانة خالص انا وزني 57 وطولي 162 بس دايما حاسة ان فيا حاجة غلط هخليه ينفر مني ويمكن هو عشان دايما مهووس بالكمال وانا بشوف دا في تصرفاته العادية بيخليني اخاف واقول ما يمكن برضه في النقطة دي مهووس بالكمال ودايما عاملة دايت مش باكل واوقات مش بنام من الخوف من اني ممكن احس باهانة فظيعة لكرامتي لو حسيت اني كانثى مش عاجبة الانسان الوحيد اللي حبيته وبتمناه زوج صالح ليا واكون زوجة صالحة ليه دايما اقول لماما قوليلي انا فيا ايه غلط تقولي يا بنتي انتي زي الفل والله لو فيكي حاجة كنت هقلك انا امك بس انا حاسة بخوف صعب اوي وعايزة اوصل للنحافة عشان محسش ان فيه زيادة في اي مكان في جسمي انا عارفة كويس جدا ان المراة مش بجسمها وشكلها بس وانها بدماغها وحنيتها وذكائها واحترامها ودينها وانا انسانة مثقفة ومتعلمة وعار

مشاكل وحلول ذات صلة

اضيف بتاريخ: Tuesday, February 6th, 2018 في 16:11

كلمات مشاكل وحلول: , , ,

اترك رداً أو حلاً لهذه المشكلة