مشاكل البنات قبل الزواج

بخاف من نظرات الرجالة ومفيش ارتباط رسمي بيكمل

السلام عليكم ورحمة الله وبركاته

انا بنت عندى 21 سنة متخرجة من كلية محترمة الحمد لله انا مشكلتى انى اى حد يقرب منى ويعرفنى يفكر فى جسمى من غير رومانسية وانا لبسى مش ضيق وكمان خجولة بس انا بكون محتاجة للحب جدا ولما شاب يقرب منى واعرف انه عايز كدة ببعد منه ومش ببقى عارفة من الاول انه عايز كدة منى بس من سنتين حبيت واحد اوى ولقيت معاه الرومانسية فى الاول بس بعد كدة لقيته عايز منى كدة فبعدت عنه ولسة لحد دلوقتى بيحاول يكلمنى وقررت انى محاولش احب اى راجل الا جوزى بعد كدة لحد لما ابن زميل بابا حبنى وبابا وماما بيحبوه جدا بس هو لسة بيكون نفسه بابا قالى دة محترم بس للاسف برده لما بيكلمنى بحس انه عايز يكلمنى فى كدة وانا بقيت اتهرب منه وخلاص عايزة ابعد عنه انا مش معنى كلامى انى مش عايزة كدة لا اكيد انا بحب وعايزة كدة بس فى الحلال مع جوزى وكمان لازم يكون فى حب ورومانسية انا لما بشوف اتنين فى اى فيلم رومانسى بقعد اعيط ببقى نفسى اعيش اللحظات دى كلها كلام حب وحد بيخاف عليا من نفسه من غير ما يفكر فى حاجة معايا وكمان عندى مشكلة ان مفيش حاجة بتتم رسمى معرفشى لية انا عارفة انه نصيب الحمد لله بس سؤالى دلوقتى هى كل الرجالة كدة ؟ كلهم بيبقوا عايزين جسم البنت وبيقكروا فى كدة ؟ فى ناس بتقول انى دلوعة هل دة ممكن يكون سبب ان الراجل بيبصلى بالطريقة دى ؟ ولا مش شرط ؟ يريت حد يريحنى

مشاكل وحلول ذات صلة

اضيف بتاريخ: Thursday, February 8th, 2018 في 13:28

كلمات مشاكل وحلول: , , ,

ردود to “بخاف من نظرات الرجالة ومفيش ارتباط رسمي بيكمل”

  1. ابوالبتول
    11/02/2018 at 10:42

    شوفي يابنتي الخوف شي طبيعي للبنت المحترمة والمودبة انها تخاف من الرجالة ونظراتهم لها لانو في مثل يقول – من خاف سلم – وانت كويسة وطبيعية جدا ومافيك ايتها حاجة وربنا عزوجل بيكرمك بابن الحلال اللي يستاهلك ويسعدك طوال حياتك استمري على ماانت عليه من الحرص والحذر وعدم الاطمنان لحد وكل تصرفاتك صح وكمان عاوزك تكون واثقة من نفسك وحذرة جدا في تعاملك مع صنف الرجال وتبعدي عن التصرفات اللي تعملها اغلب البنات من التكلم مع الشباب والاختلاط بهم واللباس الضيق والتبرج والسفور كلدي تصرفات محرمة وغير اخلاقية وربنا يسترعليك ويحميك من كل سوء ويؤفقك

اترك رداً أو حلاً لهذه المشكلة