يا بنات لو سمحتم حد يرد عليا و مش تتجاهلوا عشان انا بجد محتاجه مساعدتكم انا مخطوبه بقالي سنه ونص انا عندي ١٦ سنه يعني صغيره اوي بس عندنا في بلدنا البنات بيجوزو صغيرين بس انا مش هتجوز صغيره اوي يعني انا وافقت بس بشرط اني اتجوز بس ما اخلص تالته ثانوي بس انا دلوقتي مش بحب خطيبي يعني حبي ليه كان حب مراهقه وانا بصراحه مش عارفه اعمل اي و هو بيحبني هو عنده ٢٠ سنه يعني اكبر مني بكتير بس هو بيحبني اوي وانا بصراحه مش عارفه اعمل اي عاوزه اسيبه بس مش عارفه اعمل اي و كمان غير كدا مش عارفه اقول اي السبب لبابا لما يسألني عاوزه تسبيه ليه عشان بابا كان رافض الموضوع اصلا لان ابن عمي كان بيحبني و كان متقدم في نفس الوقت اللي خطيبي كان متقدم فيه وانا رفضت ابن عمي و وافقت بخطيبي دا عشان كدا بابا كان معترض في الاول بس مع إصراري وافق فا انا مش عارفه اعمل اي أو اقول اي السبب ل بابا و انا مش فيه حد في حياتي بردو بس انا مبقتش بحب اقعد معاه بقيت بتهرب من اتصالاته و مش برد عليه و بقيت بتخنق لما يجي يقعد عندنا و عاوزاه يمشي باي طريقه و انا اقول ازاي كرهته كدا فاجأه بعد ما كنت مفكره نفسي بحبه و الناس كلها قالت عليا اني بحبه اوي لان كان باين عليا اني بحبه بس انا دلوقتي مش برتاح معاه و عاوزه اسيبه بس اقول لبابا اي السبب دا غير انا في بلدنا الناس مش بتبطل كلام بالذات علي البنات فا انا مش عارفه اعمل اي بالله عليكم ساااعدووووني محتاجه مساعده بجد
طبيعى ان مشاعرك تتغير لان ده سن مراهقة وانا مستغرب ازاى تتخطبي فى سن زى ده على العموم اللى حضر العفريت يصرفه كلمى خطيبك وقوليله مشاعرك وانك مش مرتاحه وكده بس لما تنفصلوا متروحيش تتخطبي لابن عمك لا استنى 3 سنين كده وبعد كده قررى على الاقل عقلك يكون نضج كفاية
هو الواد لعبة ف ايدك تعملي ايه ف ايه
يابنتي الحبيبة انت الان مخطوبة واهلك راضيين عن هذا الشاب خطيبيك وهو يحبك اوي مثلما قلت عايزه ايه اكثر من كدا قولي الحمدلله على انك اتخطبت وانت احسن من غيرك من البنات وربنا يبارك لك ويتمم لكم بالخير ان شاء الله ويسعدكم في حياتكم الجايه وتاكدي ان الحب الحقيقي ياتي بعد الزواج واياك وخيانة خطيبك او رفض الاستمرار معو انسي موضوع ابن عمك والزواج قسمة ونصيب وماحدش ياخذ الا نصيبه في هذة الحياة وفي مثل يقول – خذ اللي يحبك ولاتاخذش اللي تحبو انت – وربنا يؤفقك ويسترعليك ويسعدك مع خطيبك ويصلح حالكم