انا كنت مخطوبة وكان هو اللى بيحب اوى وكان بيعمل المستحيل علشان احس بيه وانا كنت بحبه بس كان عندى مشاكل كتير بس مش كنت بعبر عن الحب ده وهو كان عصبى وكنت ساعات بخاف من ردود الافعال بس هو حد كويس اوى وناجح بس كان لسه فى بدايه حياته وبعدين حصلت بينا حاجات كتير وسينا بعض وفضل يسال يطمن عليه من اصحابى وكده واحنا سايبين بعض وبعدين كلمنى وبيقول بيطمن بس وساعات احس انه بيحبنى اوى وساعات احس انى مش فارقه معاه وانا بقيت مش عارفه هو عايزنى ولا لا هو متلخبط وانا كمان متلخبطه ومش عارفه وبعدين وبعد ماسيبنه بعض اتقدم ليه ناس كتير بس انا حسيت انى مش متخيله نفسى مع حد غيره وهو بيقول خلاص انا مبقتش عايز اتجوز ولا انتى ولا حد غيرى بس بيكلمنى على طول وانا عايزه اعرف اعمل ايه
مشاكل البنات قبل الزواج
انا محتاره جدا ومش عارفه اعمل ايه
اضيف بتاريخ: Friday, December 3rd, 2010 في 06:42
كلمات مشاكل وحلول: اصحاب, الزواج, حب, مخطوبة, مشاكل البنات, مشاكل الخطوبة
من الواضح انك سبتيه لانو كان لسه فى بداية حياته ولما حالته اتحسنت استخسرتيه وحسيتى بقيمته ومش عايزه تقولى كده وعماله تلفى وتدورى علشان محدش يقولك تستهلى ردو عليكى بالطريقه دى هو اكيد مش غبى وفاهم انتى عايزه ترجعيلو ليه بدليل انك قولتى انو ناجح وكمان دلوقتى بقت عصبيته مش فارقه معاكى وعايزاه عموما هو لو قالك كده يبقا بيفهمك الوضع من الاول ان تفكيرو خلاص اختلف من ناحية الجواز وزمان كان غير دلوقتى وبقا ليه اهداف تانيه وهى النجاح اكتر
الحل انك تنسيه خالص وفكري في مستقبلك احسن مع حد غيره كويس وفي نفس الوقت تكوني مستريحاله كملي حياتك من غيره احسن
ده انسان مريض وغامض وسيبك منه لانه حيخلي حياتك سواد واللي ملوش وش من ظهر ما يستاهلش المحبه سيبك من قلبك العلق
اوقفى الكلام معاه وقوليلو انت لو عايزنى تعالالى بيتى وغالى نفسك
لازم ترجعوا لبعض لان انت كده بتحبيه وهو كمان بيحبك ولو طلبتى عينيه هيهديهملك لانك اكثر واحدة يعمل ليها الف حساب وحساب …….فكرى فى كلامى وان شاء الله هتلاقى نفسك بتتصلى بيه وبتقوليله ( بحبك ) سلاااااااااام يا عمرى
الأحسن إنك تنسيه وتقطعى علاقتك بيه لإنه لو كان بيحبك بجد كان حاول يرجعلك تانى و صدقينى أول مايلاقى واحدة تانية تعجبه هايبعد عنك فورا فالاحسن إنك إنتى أللى تنسيه الاول علشان متتعبيش بعد كده
ده انا كده الي متلخبطه ازاي يقول مش عيزك ولا عايز حد غيرك ولسه بيكلمك
الكلام ده ملوش غير معني واحد ان الافندي ده بيتسلي بيكي
انصحك انك تنسيه وهو لو عايزك هيتقدملك وحكاية انك مش متخيله حد غيره ده كلام جميل كلنا بنقوله لكن غلط وكلام بنضحك بيه علي انفسنا علشان نلاقي مبرر ونكمل ومانبعدش عن الغلط وعن ال مش عايزنا لكن ياحبيبتي ياريت بجد تبعدي واي حد يجيلك ماترفضيش مش يمكن يكون شخص كويس وتلاقي فيه الاهتمام والحب ال مش عارفه تلاقيه في حبيبك الاولاني وعلي الاقل ده هيكون دخل البيت غير الشخص ال انتي بتحبيه سيبيه لظروفه وانسيه ولو فيه نصيب ليكي معاه هتبقي من نصيبه لكن ماترفضيش حد يدخل بيتك علشان حب فاشل ومافهوش امل وكمان حب من طرف واحد وكل بنت علي فكرة ليها وقت باب بيتها بيدخله ناس كتير وفجأه مش هتلاقي ولا واحد هيدخلك وهتندمي صدقيني وكمان اي واحد بترفضيه هتتحاسبي عليه علشان ممكن يكون كويس ما تغلطيش غلطتي انصحك انسيه وعيشي حياتك مع شخص يقدرك اكتر من كده ويدخل بيتك من الباب ……….
انت في خطر
تقدملك هو وتقدملك غيره وما زالت مشاعرك جامدة
هل سيظل الشباب يتقدمون لك وانت ترفضين للابد ، كل زهرة مصيرها تزبل
لانه حب من طرف واحد كان لابد ان ينسحب
والان انت ماذا تريدين
الشخص ام اهتمامه
اذا عاوزه الاهتمام اهو بيسأل
اشك في عودته لك اذا لم تغيري مشاعرك تجاهه وتكوني اكثر ايجابيةلانه تعذب بحب من طرف واحد …..
الامر بيدك قبل ان تتحسروا علي فرصة بينكم كان من الممكن ان تثمر
اذا حاسة ان مشاعرك تغيرت نحوه واصبحت تريديه اصحابكم ممكن ان يساعدوا في رجوع المياه لمجاريها
وفقكم الله