مشاكل البنات قبل الزواج

خطبني 4 مرات ولكن

انا بنت عندي 25 عشرين وشوية من حوالي 3 سنيين اتقدملي شاب محترم وناجح اتقابلنا صدفة وبعدين حسيت يرضى عننا وقالي عايز اتقدملك قلتله طيب كلم أهلي وبالفعل كلمهم و اترفض رغم انه حد مناسب ليا جدا وبيعمل في وظيفة مرموقة ومستقبله حلو إنشاء الله لكن مشاكل الأهل والحقد والظلم وحاجات كتييييييييييير المهم انتهى كده الموضوع في أول مرة وبعدين رجع تاني وقالي عاوزك ومش قادرة أرتبط بحد تاني فقلتله طيب حاول تاني ووحاول تاني وتالث والدنيا بقت كأنها حرب وأهلي ناس قبليين وعملوه مشاكل كتيييير انا اللي اتأذيت فيها لكن رغم كل ده اتقدم مرة رابعة ووافقوا واتخطبنا لكن مالحقتش افرح لأن بردوهالعيلة فشكلوها وعملوا مشاكل كتييييير وااللي اتلقوا حجة ان انا كنت بدرس في مكان غير محافظتي وهو شافني هناك وجه واتقدملي لكن قعدوا يقولوا دول بيحبوا بعض دول مظبطنيها وحصلت حاجات وكلالالالالالام كتييير عمري ماكنت اتوقعع وانا مشكلتي اني بحب العلم وبكمل دراسات عليا بس بعيد عن بيت أهلي وده عامل مشاكل كتيييييير وبحارب عشان اكمل وده هدفي في الحياه وأمنيتي وعملية وبحب اشتغل في مجالي اللي مالوش مكان في بلدي والشخص ده مسافر دلوقتي لكن هيعيش في نفس المكان وبيشجعني جدا واتقدم اربع مرات لدرجة ان اهله كرهوه وكرهوني ونفسيتنا تعبت واتدمرت وبقينا شبه الأموات مش عارفة ده غضب من ربنا ولا إيه المشكلةان الذنوب جات بعد كده بقينا بنتكلم ولكلام بقى اوفر وغلط وانا تعبت ونسيب بعض ونرجع تاني والدنيا اتقفلت في وشي لا عارفة ابني مستقبلي ولا علاقتي بأهلي بقت زي الأول ولا حتى بيه علاقتي كويسة ولا بربنا وده اهم حاجة بس انا مش عارفة اعمل ايه نفسي زي اي بنت يكون ليا بيتي واعيش في امان واستقرار بس كمان اشتغل واكمل دراستي وطموحي هو نفس الميول الوحيد المتفق معايا في كل حاجة ودلوقتي اهلي مش عايزني اكما عايزني اقعد في البيت وانا لسه في نص الطريق وفي مشروع حد يتقدملي عن طريق ناس معارف واصدقاء اخوتي لكن مش هيعيش في نفس المكان اللي عاوزه اعيش فيه والمشكلة الأكبر اني خايفة لو اتجوزت اظلم الشخص التاني معايا انا بحب الشخص اللي اتخطبتله الأول جدا هو اول انسان في حياتي ومش شايفه غيره وكل مايبقى فيه مشروع خطوبة بتتفشكل لأني مش عارفة اشوف غيره ولااتخيل حياتي مع حد تاني انا تعبت هو لسه بيحبني وعاوزني فكر يتقدملي للمرة الخامسة بس خاف تحصل مشاكل تانية وتحصل بين أهلي وأهله لأن عائلتينا عائلات قبلية ومتعصبة زهقت مش عارفة افضل معاه ونحاول تاني بأي طريقة ولا اوافق على الشخص التاني ده وخلاصص انا تعبت وزهقت من حياتي استغفر الله العظيم بقيت عايشه اتمنى الموت كل حاجة في حياتي مشاكل الجواز الدراسة الشغل ومابقتش عارفة أركز في أي حاجة وحاسة ان كل ده بيحصلي لأن ربنا بقى غضبان عليا مش عارفة اعمل

مشاكل وحلول ذات صلة

اضيف بتاريخ: Sunday, January 16th, 2011 في 09:08

كلمات مشاكل وحلول: , , , , ,

13 رد to “خطبني 4 مرات ولكن”

  1. ابواميرة
    28/10/2013 at 07:12

    اتمنى لك التوفيق والنجاح في حياتك العلمية وتفوقك دليل رجاحةعقلك وقوةصبرك وايمانك بالله ومسالةالزواج من الشخص اللي تحبيه خليه يحاول مع اهلك ويشرك احدمن الناس كبار السن المعروفين اوالمقربين من عيلتك ويكن لهم الاحترام والتقدير عند ابوك ويقدروا يقنعوه بالموافقة على زواجكماولااعتقدانو في اب يقف في طريق سعادةوراحة ابنته الااذاكان بلادين اوعقل واسال الله ان يفرج همك ويلين قلب اباك كي يتم هالزواج ويسعدك مع من اخترتيه شريك حياتك ويجمعكم عل الخير ويصلح احوالكم

  2. ابواميرة
    23/01/2013 at 11:13

    ابنتي وفقك الله انت عمرك 25سنة يعنى مش قاصر من حقك الزواج من الشخص اللي تريديه وترضين خلقه ودينه توكل على الله وتزوجي منه وحطي اهلك امام الامرالواقع ولاحرج عليك في هذا لانك تريد اعفاف نفسك بالحلال واسال الله ان يهدي اهلك ويصلح حالهم ويتركواعادات الجاهلية دي ويعرفواان الاسلام مقت دعوى الجاهلية وشرع لعباده الزواج ممن تتوفرفيه صفات الدين والخلق الحميد ورغب في الظفربذات الدين منعاللفسادوالوقوع في الحرام

  3. manona
    19/04/2011 at 09:15

    بصي هقولك علي حل لوانتوا بتحبوا بعض ومتمسكين ببعض اوي ومتاكده انوا معاكي طول العمر خد بعض وحطه اهلك واهله قدام الواقع هو انك تكتبوا الكتاب انتوا الاتنين

  4. همسه
    18/01/2011 at 04:26

    مفيهاش اى حاجه تكونى طموحه ونفسك تحققى ذاتك ده حقك وان شاء الله تقدرى تحققيه بالنسبه للانسان الرائع اللى انتى بتحبيه انا شايفه سيبى الامور تهدى سنه ولا حاجه يكون الجو هدى شويه وانتى واقفه جنبه الصبر مفتاح الفرج وبعدين يكلم اهلك تانى ويعرف سبب الرفض ويحاول يحقق مطالبهم بما يرضى الله وفى الوقت نفسه ارجعى لربنا كده وادعى كتير ورتبى نفسك شويه لانى حاسه انك جواكى زحمه اوى اعملى اللى عليكى والنصيب بتاع ربنا

  5. لينا
    17/01/2011 at 19:12

    انا هقولك متل ما قالى الرسول

    (إذا جاءكم من ترضون دينه وخلقه فزوجوه )

    الرسول قال عن العصبيه اتركوها فإنها منتنه

    اسمعى يا حبيبتى بنصحك بالاستخاره كل يوم تصلى ركعتين استخاره وتدعى الدعاء

    وتأكدى لو كان هاداالشاب فيه خير لألك أكيد راح تتصلح الامور.

    بس قبل كل شى الاستخاره وتداومى ع الصلاوات والتسبيح..وتأكدى أنو إراده الله بتعلو كل إراده وكل قبيله وكل عصبيه.
    ربى يوفقك ويسعدك بحياتك وينورلك قلبك ودربك .

  6. ندى
    17/01/2011 at 16:09

    اتقربى من ربنا واستخيرى ربنا وعليكى بالدعاء ولو كان فيه خير لكى الامور هتمشى وما ترفضيش اللى بيجولك اعملى عليهم استخاره واللى فيه الخير يقدمه ربنا

  7. توتا
    16/01/2011 at 22:42

    الجواز دة حاجة بايد ربنا بس لو ليكى نصيب هتاخدية قربى بس انتى لربنا وصلى وادعى ربنا يارب يديكى اللى فى قلبك لو كان هيحافظ عليكى وربنا يقدملك اللى فية الخير

  8. نورسين
    16/01/2011 at 21:19

    بسم الله الرحمن الرحيم
    انتى لم تذكرى كفاحك من اجل حصولك على ما تريدين كل كلامك يأس وحاطه كل الحمل عليه وكان المفروض هو اللى يحارب لوحده ويعنى ايه حد يقدر يخليكى تفسخى خطوتك بدون موافقتك ايه السلبيه اللى انتى عايشه فيها دى انا اعرف لو عاوزة حاجه لازم تحاربى علشانها طالما مش بتعملى حاجه حرام.ايه ده وعاوزة تتجوزى واحد وخلاص خلاص استسلمى وحولى حياتك لجحيم واتجوزى انسان ليس بينكم اى قاسم مشترك .والله لو كنتى فعلا بتحبى الرجل ده تروحى لاهلك وتقولى لهم انك مش حتتزوجى الا خطيبك وانه سوف ياتى فى اليوم الذى تحددوه وليس لاى انسان على وجه الارض له علاقه بزوجك الا والدك ووالدتك وهما لن يريدوا لك الا الراحه والهناء .انت لازم يكون ليكى رأى فى حياتك وانت لن تاخذى شئ فى الدنيا بالتمنى والله حبيبك عمل اللى عليه يجى دورك بقه وانتى حره بقه لكى ان تحددى مسار حياتك كلها وساعتها لا تلومى احد على تخاذلك وجبنك وحجك بالقبليه ولو هما جاهلين انتى متعلمه ولازم يكون هناك فرق

  9. سلمى
    16/01/2011 at 21:06

    ياحبيبتى متزعليش نفسك قوى كده ده ابتلاءمن ربنا ولو ليكى نصيب معاه هتاخديه وصية النبي صلى الله عليه وسلم لابن عباس فعن ابن عباس رضي الله عنهما قال: كنت خلف النبي صلى الله عليه وسلم يوماً فقال: ((يا غلام إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله وإذا استعنت فاستعن بالله، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله تعالى لك. وإن اجتمعوا على أن يضروك بشيء لم يضروك إلا بشيء قد كتبه الله عليك، رفعت الأقلام وجفت الصحف))
    حاولى تنسيه وفكرى فى مستقبلك وصلحى علاقتك باهلك وقربى من ربناهو ده حبيبك واذا اضطررت للبكاء فلا تمنعى نفسك لان البكاء يخلصك من التوتر الذى يصيبك بعدفراق من تحبى ويعطيك قوه دفع للا مام احمدى الله على ما حدث فرب ضارة نافعة .استخيرى ربنا فى الشخص الى متقدم لك وهو هيدلك على الطريق الصحيح ربنا يوفقك

    و

  10. واحد من الناس
    16/01/2011 at 15:47

    حافظى على الصلوات فى اوقتها واقرى قران كتيرلا وادعى ربنا يصلحلك الحال اكيد انتى بعيد عن طاعة الله وهو ده السبب

  11. ناصح امين ..
    16/01/2011 at 13:33

    – من ألآخر وباختصار شديد – واختزال كم المشاكل التى تتعرضين لها – وربما تتعرضين اكثر فى حالة التشبث بالحبيب الاول بسبب العقليه القبيله التى اشرتى اليها !! فاعلمى ان اهلك لن يتنازلوا على الاطلاق على رأيهم الذى اعلنوه مرارا وتكرارا مهما طال الزمن ( فالبنت عليها قيود كثيره من ألأهل ! حيث تدخل فى مسألة عزّة النفس المتوارثه جيلا بعد جيل – ومهما فعلتى – لن تغيرى شيئا !! – اللهم الا اذا ( عصيت ربك واهلك بالأرتباط سرا !!)واقرب الطرق الى حل مشكلتك هو (( الموافقه على الشخص الثانى )) فليس كل ما يطلبه المرء يدركه !! وفقك الله وازال عنك غمّة ألأحزان – واستعينى بالصبر والصلاة ……… والسلام عليكم مع دعواتى بالتوفيق ان شاء الله .

  12. إسلام
    16/01/2011 at 12:06

    سامحينى يا اختى هقولك على شئ
    انتى طماعه وعايزة كل حاجه (انه حد مناسب ليا جدا , وانا مشكلتي اني بحب العلم وبكمل دراسات عليا , وبحارب عشان اكمل وده هدفي في الحياه وأمنيتي وعملية وبحب اشتغل في مجالي اللي مالوش مكان في بلدي , وفي مشروع حد يتقدملي عن طريق ناس معارف واصدقاء اخوتي لكن مش هيعيش في نفس المكان اللي عاوزه اعيش فيه )
    انتى عايزة كل حاجه تتجوزى الانسان الى بتحبيه وتكملى تعليم وتشتغلى فى مجالك وتبعدى عن اهلك علشان تشتغلى وطظ فيهم طبعا المهم انتى تلبى رغباتك وميولك .
    سامحينى ده اسمه طمع واتق الله شوية

  13. حبيبة الرحمن
    16/01/2011 at 10:29

    لا اصبري مدام انتي بتحبيه والراجل شاريكي واتقدم 4 مرات يبقه اصبري معاهة وانكم بينكم حد الله معاملتكم سيبقه خليه يتقدم تاني وياخد حد من اهل المنطقه عندكم ابوكي يقدره ويحترمه او خالك او عمك بس علي فكرة في نفس حالتك بنت اهلها كانوا اكده وفي الاخر اتزوجته من وراء اهلها والله وفي الاخر الاهل ندمه اجلسي مع والدك وامك واخواتك وخليكي شخصيه معاهم يبقه ايه السبب اللي اترفض وشوفي وحاولي بس اهم شي رضاء الاهل وفهميهم انك بتحبيه وانك ماهاتتزوجي غيره بجد حرام اللي بيعملوه الاهل

اترك رداً أو حلاً لهذه المشكلة