ممممم ف البداية احب اعرف بنفسي انا فتاة طموحة عندى 23 سنة
مشكلتى ببساطة انى راسمه لزوج المستقبل صورة معينة و مواصفات خاصة مش راضية اتنازل عنها مهما كان الحد اللى بيتقدملى مناسب جدا كعريس
ساعات باحس انى اصلا مش عارفة انا عاوزة ايه و باحس انى عاوزة ارفض اى عريس و خلاص
بمجرد ان يتقدملى حد و اقول لنفسي خلاص بقي سيبك من الاوهام دى و اعقلى و ارضي بحياه عادية زى كل البنات اقول لنقسي لا هو انا هاعيش كام مرة و هاتجوز كام مرة علشان اتجوز جوازة مش راضيانى 100 %
انا نفسي بس ف حياة مختلفة طول عمرى باحلم اتجوز معيد ف الجامعة نسافر نشتغل و ندرس و نكافح سوا
مش عارفة ان كان ده صح انى اكمل دراستى و استنى حلمى و لا ما اعيشش ف الوهم و اوافق على عريس مناسب
انا فعلا محتارة جدا خصوصا انى وصلت لدرجة انى بارفض العرسان من غير سبب مستنيه حلمى ؟
اختي العزيزة ساعات الاحلام التي نحلم بها ليست الااوهام خيالية لاتمت للحقيقة والواقع بشي لاتكثري من تلك الاحلام الواهمة وعيشي حياتك مع الانسان اللي تجدي فيه صفات الدين والخلق والتربية دي اهم شي في الشخص اللي يرغب في الزواج وهي الاساس لاختيار الزوج وشريك الحياة ايش الفائدة انك تتزوجي من شخص دكتور اومهندس اومعيد جامعي وهوبلادين ولااخلاق ولاتربية ياما فتيات ونسوان متزوجات من هولاء اصحاب الشهادات العليا والمناصب الرفيعة وهن تعيسات معهم في الحياة وكل حياتهن مشاكل وخيانات زوجية وفضائح لاتنتهي والعكس صحيح هناك فتيات ونساء متزوجات من ناس على قدالحال في التعليم وربما ماعندهم حتى شهادةالابتدائية ولكنهم على دين وخلق وتربية فاضلة ويكن لهم الاحترام والتقدير من الجميع وعايشين معهم في قمة السعادة والهناء وراحةالبال والاستقرارالاسري اتمنى انك تكوني فهمت الدرس واستفدتي منه وعقبال مانفرح بك ونسمغ عنك اخبار سارة وربي يوفقك ويكرمك بابن الحلال الصالح اللي يستاهلك ويسعدك
اولا انا معجبه بكلامك وحاسة بيكى لان حالك زى حال بنات كتير اوى وانا معاكى انا الواحد لازم يختار شريك حياته بطريقته مناسبه ولازم يكون فى مقاييس بس ايه المانع انك تدى نفسك فرصه عشان تجربى مش يمكن تكون فى مواصفات فى الشخص اللى متقدملك احسن من المواصفات اللى انتى عايزاها وبعدين اللى بيحب حد بيشوف عيوبه مميزات لان اكيد انتى مش خاليه من العيوب وكمان كلنا مش ملائكه فستعينى بالله كده واكيد هتشوفى الخير فين وزى ماقولتلك ادى نفسك فرصه من دلوقتى لان اكيد هيجيلك شخص مناسب ان شاء الله ورغم كلامك عن المواصفات وانك مش عايزه تتجوز فانتى من جواكى بنوته جميله نفسها تفرح زى كل البنات وتلبس الفستان الابيض وربنا يوفقك 🙂
محدش بياخد اللى هوا عاوزه فى الدنيا دى
مجتمعنا مش بيرحم للاسف ولازم تتجوزى علشان السنة الناس مش بترحم هيفضلوا يقولوا البنت دى متجوزتش ليه ومحدش رضى بيها ليه اكيد اتقدم لها كتير بس رفضوها ليه وانتى عارفة المجتمعات العربية مجتمعات بتتحيز للرجالة اكتر من البنات وان البنت شرف وان البنت لازم تتجوز علشان تتستر لكن لو الولد قعد 100 سنة من غير جواز عادى هوا ده مجتمعنا وانتى برضو لازم تتساهلى شوية لان الفرصة اللى بتروح مش بترجع تانى ففكرى فى الموضوع واعرفى ان ربنا عاينلك كل الخير مع البنى ادم اللى ربنا كاتبه ليكى وياال بقى اتجوزى علشان تلحقى تجيبى طفل يسليكى بدل ما تكبرى وماتلقيش جنبك لاراجل ولا ابن
لماذا لا توافقين علي العرسان الذين ياتون اليكي عسي ان الله يكتب لكي السعاده في هذه العرسان ولا يكتب لكي السعاده مع هذا المعيد الذي تريدينه ويقول تعالي رحم الله امرئ عرف قدر نفسه فاتكلي علي الله واختاري اكتر واحد هتقدملك مناسب ليكي وان شاء الله يجعله لكي خيرا
بتفرضي عرسان ياسلام دا علي اساس اى بقي ولو كلامك دا صح ياختي خليكي افرضي افرضي لحد مانتي اللي هاتجرى وراهم بعد كدا عشان واحد بس يدخل باب بتكم هو في جواز دلوقتي وبعدين انتي مش صغيره يعني انتي 23 سنه حلو اوى هاتعدى ل امته
خلاص خليكي عايشة في الوهم
حلم ايه؟
إذا جالك واحد أخلاقه حلوه ومتدين ويقدر يصرف على البيت ومثقف وشكله مش وحش يبقى ليه يترفض؟
كل البنات اللي بيعملوا زيك عنسوا
كملي ابور العنوسة
وللعلم البنت اللي بترفض شباب كتير بيقل خطابها مع الوقت لأن الشاب ميحبش يترفض
نصيحة منى سيبك من احلام اليقظة انتى بتجرى وراء وهم يوة اقصد حلم ارضى بما قسمة الله لك حتى يجعلك ترضى بنصيبك وتعيشى حياة سعيدة
وبلاش تدلعى
وعسى ان تكرة شيأ وهو خير لكم
مفيش بنت مبتحلمش بس بردو ممكن حلمك ميتتحققش ادى نفسك فرصه تعرفى وتختارى كويس ويمكن يكون احسن من حلمك لكن كده ممكن تضيع فرص كتير منك اتمنى لك التوفيق
شكلك بتتفرجي علي المسلسلات التركي كتير ياااا اخت
بصي كونك انك تبقي نفسك في حاجه معينه دا مش عيب بس العيب ان تتكبري ومترضيش بالي قسمو ربنا ليكي
هونتي تعرفي اللي جي ده كويس ولا وحش ؟
هيعيشك زي منتي فاكرا ولا لا
طيب هقلك حاجه
جالك فاارس الاحلام اللي بتتمنيه بالضبط
وتجوزتو
وبعد فتره مثلا ولا قدر الله حصلك حاده وبقيتي عاجزه ولا معوقه ولا اي حاجه تعيشي بعاها مستديمه ((لا قدر الله))
هل هو هيصبر عليكي .؟ هل هيشيلك رغم عجزك
هل يستمر الحب
يااخت
الزواج مش كما تشرطين الزواج اكبر من اللي بتوصفيه ده
ونا شايف انك مزكرتيش في فتي احلامك لا دين ولا التزام ولا صلاه ولا اي حاجه غير انو معيد ويسافر معاكي تدرسو
فوقي
بدل متصحي علي حلم يتحقق بس بالطريقه الكابوس
تاخدي كل المواصفات اللي قلتي عليها بس لا في دين ولا خوف من الله ولا التزام
هنا بقا هتشربي من الوان العزااااااااااااااااااب الوان ملاهاش عدد
سلام
اذا جائكم من ترضون دينه فزوجوه
بلاش تبصى للمواصفات والظواهر عشان ممتعبيش
ومحدش بياخد اكتر من نصيبه
انت تريد وانا اريد والله يفعل مايريد
فى كتير واخد مؤهلات عليا ومواصفات قياسيه ومش سعيد
الكمال لله وحده
ارضى باللى كتبه ليكى ربنا وقولى الحمد لله
مش معنى كده بقولك وافقى على اى حد وخلاص لا بس بالمعقول
وربنا يرزوقك بزوج صالح يحققلك كل اللى نفسك فيه وتكونى سعيده معام