انا شاب عندى 26 سنة تعرفت على فتاة من مجال العمل حصل اعجاب متبادل وحبيتها جدا وتقدمت لخطبتها وتمت الخطوبة وكنت طاير من الفرحة لانى وجدت الانسانة اللى كنت بظن انها اللى بدور عليها فى أول شهور الخطوبة كانت كويسة جدا وبنحب بعض اوى وانا كنت والله اتمنلها الرضا ترضى زى ما بيقولوا بس هى مع مرور الوقت لاقيت عندها حاجة غريبة لاقيت ان اى حاجة بطلبها منها وبقولها عليها ترفضها وتفضل تعاند معايا بشكل قوى جدا وحاجات بسيطة اى واحد خاطب بيقولها لخطيبته مثلا اللبس ده ضيق متتأخريش وكده يعنى حاجات من دى ولو حاجة ولو لاقيتنى عايز حاجة حتى لو هى مش بتحبها بتعملها عشان مبقاش مشيت كلمتى عليها وفجأة اتحولت حياتنا لمجموعة من الخناقات بسبب العند ففاض بيا الكيل لدرجة انى كنت مش بنام من تغيرها التام معايا واسالها انتى اتغيرتى كده ليه تقولى من المشاكل اللى حصلت بينا حصلى فتور ففى لحظة غضب سبتها وندمت لانى كنت بحبها جدا وروحى فيها بجد واستحملت منها كتيييير اوى بعد اسبوعين رجعت كلمتنى وقالتلى انها بتحبنى وكلام من ده وانى انسان محترم وجتهد وانا عرفت قيمتك لما سيبتك وكلام كتير من ده انا ما صدقت قولتلها وانا كمان تعبت من بعدك اوى المهم بعدها بيوم حاجة قالتلى انى اجرب افتح الايميل بتاعها انا مكنش معايا الباسورد فجربت باسورد كده من خلال معرفتى لشخصيتها فتح معايا من أول تجربة فلاقيت الصدمة الكبرى انها كانت بتكلم شباب كتير ومنهم واحد هو الاكتر كل يوم يتكلموا من الساعة 3.5 الفجر لحد الساعة 6 الصبح كلام سافل جدا وخيانة عينى عينك وكلام جنسى وبيسألها شقتك اللى حتتجوزى فيها فين قالتله لما تيجى تبقى تشوفها وكلام سافل جدا انا جاتلى صدمة عصبية من اللى شوفته اتصلت بيها ما انكرتش وقالتلى حبعتلك حاجتك من سكات وخلاص بس انا عايز انتقم دلونى يا جماعة
مشاكل الزواج
حبيت خطيبتى بس كانت بتخونى
اضيف بتاريخ: Tuesday, October 17th, 2017 في 22:18
كلمات مشاكل وحلول: اعجاب, الخطوبة, العادة السرية, بنت, شاب, مشاكل, مشاكل الخطوبة
يكفي انك اكتشفت موضوع زي ده قبل ما يحصل جواز او حاجه ونصيه سبها وانساها
السلام عليكم ورحمة الله وبركاته
ليه تنتقم منه اشكر ربك ان نجاك منه
قول الحمد لله بس
ام الان عليك ان تتعلم من خطاك ولا تقع فيه تاني
بس كده
اولا- انت لم تحسن الاختيار ربما انخدعت في الفتاة واعجبت بجمالها اومظهرها ولم تسال عن الجوهر وهوالدين والاخلاق ثانيا – كل تصرفات الفتاة دي تدل على سوء اخلاقها وفساد تربيتها والحمدلله انك عرفت حقيقتها قبل فوات الاوان ثالثا- انهي تلك الخطوبة فورا واشتري كرامتك وسعادتك وربنا بيكرمك بابنة الحلال الصالحة اللي تستاهلك وتسعدك في حياتك