انا فتاة فى منتصف العقد الثالث من العمر و الدورة الشهرية كميتها قلت عندى و قربت تنقطع بجانب انى قربت يظهر عليا امراض الشيخوخة التى احمل جيناتها الوراثية من اهلى.انا ما بيتقدمليش عرسان خالص لان المجتمع مصنف فءتى ان يبقى العريس ال قصادها داخل فى الخمسين و اغلب ال فى السن ده متجوزين و مخلفين.و مصنف الرجل ال ادى يتجوز بنت العشرين.فمطلوب منى استنى للابد واحد من الفءة دى لحد ما يطلق لى مراته و للا مراته تموت عشان يتجوزنى و اشيل براز ولاده و فى الاخر اتفوه عليكى انتى مرات ابونا،و ده احتمال ١٪ انى اتعتر فيه من اساسه.فا فيه واحد اعرفه و معجبة بيه متجوز و مخلف و هو يقدر يتجوز على مراته لانه مقتدر ماديا فبفكر اشاغله بس بدون تنازلات.يعنى حدى له اشارة خضرة و بعدها حقطع و جت جت.ما حدش يقول لى استنى نصيبك،ما انا استنيت لحد ما بقيت فوق ال٣٠ بكذا سنة و كمان كذا سنة حتم ال ٤٠ و اقطع الخلف و تظهر عليا امراض الشيخوخة.و مش ناقصة كلام عبيط من اى واحدة تقول لى انتى بتبالغى و بنت ال ٣٠ ماهياش بره الاختيار.طب يا ريت اى واحدة بدل ما حتدخل تقسم عليا و تقول لى العبط ده فيا ريت تجيب لى ابنها او اخوها لو كان ادى و تجوزهولى بدل ما اروح اشاغل المتجوز ده.انا مش فارق معايا مشاعر مراته لانى ما فرقتش مع حد و اكيد مراته دى اغلبها زى اغلب المجتمع نفرت من بنات ال ٣٠ و خافت منهم و تجنبتهم و لو كان لها اخ ادنا فاستكترته علينا لاننا بقينا حامضين و شايخين و مش من مقام رجل ال٣٠ و بقى مقامنا بس ال داخل فى ال ٥٠ ال فقد رجولته و معاه كذا عيل فى حضانته مطلوب مننا نشيل برازهم،لان دى جريمة ارتكبناها ان احنا وصلنا للسن ده و ما اتجوزناش فلازم ناخد عقابنا عليها و نتجوز واحد واقع من قعر الافة و ندخل على عفش قديم و من غير فرح و لا شبكة و لا كاننا فى ميتم و نشمت الحاقدين فينا و نبقى عبرة ينضرب بيها المثل لاى بنت عيلة بتدلع و بترفض العرسان و ده بفرض ان احنا لاقينا مقعد القرد ده من اساسه لان زى ما قلت اغلبهم متجوزين و مخلفين و لازم الطفلة ال فى اواءل العشرينات ال لسه بتدرس ال المفروض ما تتخطبش حتى دلوقتى عشان تتفرغ لمذاكرتها لازم هى دى ال تختار كزوجة لانها بتحتكر الجمال مع ان شكلها ممكن يكون قبيح جدا و لازم ندى الحلق لال ملى ودان و لال ادامها لسه ٢٠ س على بال ما تقطع الخلف فدى يتم الجواز منها و لازم ال زينا ياخد عقابه عشان ما اتجوزسش بالعافيه فى سن مبكر حتى لو كان لسه ما اتاهلش و لا اتهيا نفسيا لادوار الزوجة و الام و حتى لو ما جالوش حد مناسب.السؤال هنا انا عايزة كل واحدة كانت زوجة تانية تقول لى ايه الاضرار او الفوايد ال عادت عليها و لو فيه اضرار ازاى اتجنبها.
مشاكل العنوسة
حشاغل واحد متجوز قبل ما اوصل للعنوسة
اضيف بتاريخ: Saturday, January 17th, 2015 في 13:30
كلمات مشاكل وحلول: الدورة الشهرية, الزواج, بنت, عريس, فتاة
بصى يابنت الناس
ربنا ميقبلش اللى هتعمليه انك تشاغلى متجوز وتاخديه من مراته
كمان حاجة حبيبتى ربنا مش مستنى منك عباده ولا تسبيح احنا بنعمل كده لنفسنا وعشان ربنا يرضى عننا ويراضينا ليه متقوليش ان ربنا سبحانه وتعالى خلاكى متجوزتيش لحد دلوقت عشان منع عنك اذى لو كنتى اتجوزتى ف اوائل العشرينات بس راجل بيشرب مخدرات ويضربك ويذلك
اتقى الله حبيبتى وعيدى حسباتك
اذا احب الله عبدا ابتلاه
انا كمان عندى ابتلاء انى مش مخلفة وهموت ع الاطفال بس برجع واقول لسه وقتهم مجاش
اللهم اختر لى ولا تخيرنى
باسولبك ده وعايزة تتجوزى هههههههههه ارحمى اللى جبونا
مش همك مشاعر مراته !!! ان شاء الله ما همك باسلوبك البية ده
مواطن مصرى
لب المشكلة :
-ليه فسية عندها 20 س و ملامحها ممكن تكون قبيحة و كذلك جسمها ممكن يكون نحيف او بدين و ايضا شعرها ممكن يكون اكرت سلك مواعين بالاضافة لمستوياتها المادية و الاجتماعية و التعليمية ممكن تكون واطيةو ممكن يكون سبق لها الجواز و الخلفة..
-فليه الفسية دى تتك على زرار عشان ييجى لها عريس و ليه انا اعانى و اعد اتعبد بالسنين و اقيم الليل و اسبح 10000 تسبيحة و اختم القراان 100 مرة و اصلى 1000 ركعة…الخ كل ده عشان ييجى لى عريس..
-حتى لو كنت بكر و ملامحى وسيمة و شعرى ناعم و مستواياتى التعليمية و الاجتماعية و المادية افضل منها ؟؟؟؟!!!!
-انا مش معترضة ان الفسيات تتحط جوه الاختيار..
-انا بس عايزة احنا الاتنين نتحط جوه الاختيار بحيث انا اعيش على امل انشله كداب و هى لو كانت رافضة الجواز الان فما تعصرش على نفسها شوال لمون و تتجوز بالعافيه عشان عندها رعب لا تبقى زيى.
اختي صاحبةالمشكلة السلام عليكم ورحمة الله وبركاته حاس بك ومقدر مشاعرك ومتعاطف جدا مع حالتك واشعر بها لاني مريت بها من خلال اختي كانت في سنك 36سنة وهي فتاة على دين وخلق حميد وتربية فاضلة ومتعلمةومثقفة جدا وعلى قدر من الجمال والكل يثني عليها ويشيد بها اختناالعزيزة هذي قررت انها تتحمل اعباءاخوتها الصغاروتربيتهم بعد وفاة الابوين الام والاب في خلال 7سنوات وجدت نفسها مسوولة عن تربية ورعاية اخواتها البنات وتحملت عب المسوليات على عاتقها وهي لاتزال في 20 من عمرها ورفضت الزواج من كل العرسان الذين تقدمواللزواج منهاوقامت بتربية اخواتها وكانت لهم بمثابة الام والاب والاخ والاخت وكل شئ في الحياة حتى كبرنا البنات وشققناطريقهن في الحياة اللي جاهاالنصيب وتزوجت و اللي فضلت اكمال دراستها وتعليمها حتىصارت دكتورة واللي صارت سيدة اعمال ناجحة في تجارتها وظلت تلك الاخت الكبيرة لوحدها في البيت بعد ان ادت رسالتها نحو اخواتها ومنتظرة ياتيها النصيب وهي في العمر 36سنة لانها تخشى الله وتتقيه وتريد الحلال ولاتايس من رحمة الله عزوجل ومومنة بقضاءالله وقدره عليها وشاءت الاقدار ان ربي يكرمها ويستجيب لدعائها وياتيها الفرج من عنده سبحانه وتعالى ويتقدم لها رجل صالح من خيرة الرجال دينا وخلقا وحافظ لكتاب الله عزوجل ويعمل استاد في كلية الفقه والشريعة ومن اسرة كبيرة في العلم والتجارة ويبلغ من العمر 40سنة كان متزوج ولم تنجب زوجته وحصل الطلاق بينهما وقررالزواج من امراة اخرى وجاءناعن طريق احد السيدات اللي تعرف اختي حق المعرفة وكلمنى في الموضوع وبعدالسؤال عن الرجل واهله وتاكدنا انه فعلا رجل صالح وعلى دين وخلق واهله ناس محترمين وسمعتهم كويسة فاتحت اختي في الموضوع وقبلت به وجاءهووالاهل لاجل خطبتها والرؤيةالشرعية وحصل التفاهم والقبول وتمت الخطبة وقررنا الزواج يكون بعد 3شهور ونشاءالله ربي يتمم لهمابالخير والسعادة ويجمع بينهما على الخير ويرزقهماالذرية الصالحة باذن الله تعالى اسال الله رب العرش العظيم الجواد الكريم الوهاب الرزاق ان يكرمك انت يااختي الفاضلة وكل اخواتنا المسلمات بالازواج الصالحين وان يفرج همومكم ويستر عيوبكم وينفس كربكم ويجعلك لكم مخرجا مماانتن فيه ويرزقكن من حيث لاتحتسبن اللهم امين يارب العالمين
السلام عليكم اختي الكريم الزواج قصمة ونصيب انا مثلك بلغت من العمر 45 سنة ولسى متزوجت عندي بيت واشتغل ارد فقط ان اتزواج من غير اي شروط تعرفت على انسان عطل اعطيته المال وشغلت في شراكة لمى اشتغل اتزواج بي وحد تاني صغر عنده 18سنة لم احزن انا مؤمن بي الله بعد سنة جاني تصل منو وهو بي يبكي انه عمل حادت سير لم يعد يتحرك ومراة تطلب منو الطلاق اصبح وحيد
عزيزتي صاحبه المشكله انا متعاطف معاكي واقدر وضعك جيدا وسبب تعاطفي معاكي هو ان شقيقتي كانت مثلك بل واكبر منك فقد تزوجت عندما اصبحت في ال39 ومن رجل 47 سنه وصحيح ان الزواج والرزق بيدالله ولكن ايضا توجد اسباب تسرع في الزواج والرزق
وانا هنا ساقص عليكي سر تزوج اختي وامل ان تنتفعي به وينتفع به الكثير من الفتيات
فقد كانت اختي مثلك عصبيه تشتكي انها عدت ال37 ولم تتزوج وكان لاختي صديقتين ايضا في نفس السن الاولي تزوجت والثانيه لم تتزوج ومن خلال حواري الطويل مع اختي عن الصديقه التي تزوجت والصديقه الثانيه التي لم تتزوج استطعت ان اعرف ان الاولي والتي تزوجت بعد ال38 كانت متفائله وتومن بالله وكانت لا تحسد وكانت تستغفر الله وكانت تدعي الله وهي واثقه ان الله سيبعث عريس لها وتحقق طلبها بسبب نيتها الصافيه اما الاخري فقد عدت ال40 ولم تتزوج لانها كانت دائما عصبيه حسوده متشائمه سلبيه جدا
وبعد ذالك قلت لاختي لم لا تغيري اسلوب تفكيرك انتي ايضا وتصبحي مثل صديقتك الاولي وفعلا بدات اختي العصبيه تهدا واصبحت تدعي الله وهي واثقه بان الله سيبعث لها عريس تغير كل تفكيرها السلبي الي ايجابي الي ان تزوجت ولله الحمد
والان عزيزتي صاحبه المشكله يجب ان تغيري تفكيرك وصدقيني لو بقيت فاقده الثقه بعدم زواجك فلن تتزوجي لانكي فقدتي ثقتك بالله فيجب عليكي من الان وطالع ان تريحي اعصابك وتدعي الله وانتي واثقه في الاجابه للان الله يعلم بما يوجد في قلبك ادعي الله رافعه يديكي والابتسامه والامل علي شفتيك بقدره الله ولا تبقي ساخطه عصبيه قرفانه لانه حتي هذه الصفات تطفش العرسان ههههههه كوني ايجابيه متفائله علي قد استطاعتك والله يوفقكك
الي صاحبة المشكلة يا ستي انتي مسوداها ليه كده الجواز مهواش في بعض الاحيان هو النهاية السعيدة انا اتجوزرت و طلقت بعد 3 سنين و دلوقتي عديت الثلاثين و لما حرتبط مش فارق معايا موضوع السن انشاء الله تكون اكبر مني المهم يكون في تفاهم و اللي عايز اوصلهولك ان مش كل الرجالة بيفكروا في بنات تحت ال30 انا واحد من الناس اللي مش بفكر كده بالعكس انا عايز واحده يكون سنها قريب مني علشان نكون متفاهمين , اتفائلي شويه و حياتك
الى الاخ vond : طب ما تجرب حاجة تقليدى و اعد معاها كذا مرة فى بيت اهلها و فى وجود والدها او اخوها و تحت نظرهم و تعدوا فى الصالون و فاتحين الباب عليكم و تشوفها لمدة اسبوعين ورا بعض و تفهم اهلها انك بتتعرف و ما حدش حيجبرك تتجوزها فى الاخر لو فضلت مش مستلطفها و بالنسبة لطلبات الجواز فخد واحدة مستواها متواضع عشان ما تطلبش كتير و نصيحة ما تلجأش للاطفال لان شخصياتهم مش حتسيب اثر فى نفسك و انت بتبحث عن الحب فخد واحدة ما تقلش عن 28 س ان ما كانش اكتر و كل ما كانت اكبر كل ما حتسيب فى نفسك اثر اسرع ويللا ساعد نفسك و للا انت عايز تفضل كده لحد ما تموت.
عجبني طريقة التفكبرك ليس عيب أن تتجاوزي 30 لو تعرقنا ربما يكون خيرا
أختى العزيزة عليك بالدعاء والتضرع لله والبكاء بين يديه وخاصة فى الثلث الأخير من الليل قبل الفجر فهى ساعة إجابة ، ولكن عليك ألا تكلى من الدعاء وتقولى دعوت ولم يستجب لى وتتركى الدعاء ، فإذا كان ما تتمنيه مهم بالنسبة لك فعليك أن تكونى أكثر إصراراً وتمسكا بالله حتى يتحقق وتأكدى وكونى على يقين من أنه سيتحقق بإذن الله ، طبعا عامل السن مرعب لأى بنت وربنا يكون فى عون البنات ، ولكن أجعلى طاقة الزواج والأمومة التى بداخلك (وهى طاقة سامية ومحترمة)، طاقة فى الدعاء والتمسك بالله الذى لديه كل شيء ، فكل شيء رزق والزواج رزق ، وكم رأيت بنفسى نماذج لفتيات محترمات تزوجن فى سن أكبر منك وكان الزوج فى غاية الود والرقة والاحترام والحب لزوجته ، وبالمناسبة كان أعزباً لم يسبق له الزواج ورزقهم الله بالأطفال ، فخالتى مثلا تزرجت فى سن الأربعين ورزقها الله بولدين ، وظلت لديها الدورة الشهرية حتى سن الستين ، والسبب فيما أعتقد هو شدة قربها لله ، فهى تداوم على الصيام منذ صغرها وتلاوة القرآن يومياً لحوالى جزئين إلى ثلاثة أجزاء كل يوم ، والذكر والدعاء و و و ..إلخ ، ولا أزكيها على الله وأحسبها صالحة ، فالحل من وجهى نظرى فى يد الله تعالى ليس غيره وشكرأ
ألي صاحبة المشكلة ولا تعيريني ولا اعيرك والله انتي فاكرة ان مثلاً انا ارفض ال عندها ٣٠ سنة او ٣٥ انا اصلا ولا فى ٣٠ ولا حتي ٣٥ انا المشكلة عندي مليش في موضوع جواز الصلونات وال حاجات ديه ومش بقول مثلا اني اعيش قصة حب وقصص الأفلام ديه ولكن الفكرة عندي ان الموضوع يأتي تلقائياً حد اتعرف عليه بالصدفة مش لازم بنية جواز ويكون فى قبول من ترفها تجاهي وانا يكون فى قبول من طرفى تجاها فى الحالة ديه اتجوز لكن موضوع الصلونات وال حورات ديه مليش فيها وأصلا عمرى ما قبلت حد عن طريق صلونات والكلام ده انا مش مستعد بصراحة ان واحدة تقعد تتأمر وترفض أو توافق والكلام ده علشان كده رافض الطريقة ديه انى احط نفسي فى موقف زي ده اني اترفض من حد او حد يترفض مني الأحساس مش حلو أو كويس للطرفين وديه وجهة نظري الخاصة
أما بالنسبة انك بتقولى انى رافض من ال سنهم كبير وانا ولا حتي فى اي حد قالبته فى حياتى حصل بيني وبينه قبول من الطرفين ولا سن صغير ولا حتي اصغر من فى اواخر العشرينات أو منتصفها ولا حتى فى أوائل الثلاثينات ولا منتصفها يعنى ولا محصل ده ولا ده
ف ولا تعيرينى ولا اعيرك
أنا والله اصلا كتبت تعليق علشان انا حساس ب الأحاسيس ال انتي فيها وعارف قد ايه انتي وال انتي حاسه بيه لأني زيك بالظبط
وال كلام ال كتبتهولك ده ال كلام او الطريقة ال بحاول اصبر بيها نفسى ساعات بتنفع وفى اوقات بيبقى الواحد ولا نافع معاه اي طريقة او انه يتعامل باي طريقة فى الموقف ده بس اهو الواحد حيعمل ايه ده رزق وربنا كاتب لكل واحد نصيبه
يعنى انا كتير اوي وغالبا اعتقد انى حفضل كده علطول ومش حجوز وشكلها رايحة للأتجاه ده …
بس هو ده ردي عليكى وعلى ال انتي كتبتيه وانا مش بحاول اتفلسف عليكي والله انا كتب ال انا بحاول اعمله وانتي حاولى اعمليه يمكن ينفع مرات ويمكن لاء ولو مش عاجبك كلامي خلاص انا مجرد لما قرأت مشكلتك وحسيت ب ال انتي كتباه وانى فى وضع قريب منك حاولت اوسيكي شوية واكتبلك وجهة نظري ف متقدريش تقولى ان ايدى فى المياة وانتى ايدك فى النار لاء احنا ال الاثنين فى النار
ربنا يتولى الجميع ويصلح احوالنا كلنا ويجعلنا من الذين رضوا عنه ورضى عنهم
لو ربنا اراد واتجوزتيه متشترطيش عليه يطلق مراته وتحري العدل بينك وبينها
يا اخ (((Vond))) طب ما احنا ممكن نحط خيبتنا على خيبة بعض و نتجوز هههههه و للا انت زى المجتمع مريض بالجواز من الفءة ال بالنسبة لك اطفال ال هما يبقوا من تحت العشرين لاواءل العشرينات،و مريض بمرض الاشمءزاز من ال عندها ٣٠ س لاكبر حتى لو كنت اكبر منها!!!!،لو كنت كده سواء انت او اى حد من ال كلمونى فما كانش فيه داعى تدخلوا تقولوا لى شعارات كدابة : (اتامرون النس بالمعروف و تنسون انفسكم)،و انتم ال وصلتونا لكده،يعنى : لو اى واحد عنده ٣٠ س او اكبر اتجوز واحدة اده و ساب الفءة ال بالنسبة له اطفال يستنوا شويه و يبقوا بره الاختيار و فى الاخر حيتجوزوا برضه بس بعد ما يكونوا انهوا تعليمهم و نضجوا كفاية لادوار الزوجة و الام فما كانش المشكلة دى ظهرت فى المجتمع،ده حتى الاهالى،مثلا : اى واحدة بتدور لابنها على عروسة فلازم تختار له من فءة الاطفال حتى لو كان ابنها كهل و لو اى ابن قال لاهله و بالذات لامه انا حتجوز واحدة عندها ٣٠ س حتى لو كان هو اكبر منها فيقولوا له ليه طب ما تاخد واحدة اصغر،مع ان الطفلة دى ممكن تكون طخينة او لون بشرتها رصاصى فاتح او ملامحها قبيحة او شعرها اكرت،يكفى انها بتبقى غير مؤهلة بدرجة كافية لتحمل المسءولية،مثال : لو مدرس ضرب ابنها بالقلم حتى لو كان ابنها مظلوم فهى مش حتعرف تعمل ايه و لا تاخد حق ابنها و حيبقى مطلوب من الزوج انه يتحمل اعباءهم المعنوية كاملة بدون وجود سند ليه،كمان هو حيظهر عليه امراض الشيخوخة قبلها و هى يا حتخلعه(بس ده بفرض انها متدينة و محترمة)يا حتخونه يا حتذله،و على الجانب الاخر ال عندها ٣٠ س فما فوق مش بالضرورة تكون قبيحة عشان لحد الان ما اتجوزتش،ما ممكن تكون شبه مريم فخر الدين و للا شيرين سيف النصر(فايه المانع ان العريس يبص بصة عليها و خلاص،انما هى بتترفض من قبل ما تتشاف)بجانب انها بتبقى انهت تعليمها فحتبقى متفرغة لبيتها بجانب خبراتها فى الحياة فحتبقى سند ليه بجانب ظهور عليها امراض الشيخوخة زيه فحتبقى(لا تعايرنى و لا اعايرك: الهم طايلنى و طايلك)،طب عشان كده بقى : انا حروح ادى اشارة خضرة للمتجوز ده و بعد حقطع معاه،و على فكرة : هو عينه منى لانى على قدر من الجمال،و بيتحسس اخبارى و بيغازلنى من تحت لتحت،و مش كده و بس حقنع كل معارفى ال ادى عشان يعملوا زيى،و الدور الجاى على جوازكم باذن الله لحد ما كل واحدة حيبقى لها ضرة،و حنشر مشكلتى و اراءى فى كل المواقع ال على النت و التليفزيون لحد ما احلى الفكرة فى عينين ال ادى،دا ال ما فيه واحدة منكم عرضت عليا ابنها او اخوها و كل ال نزل عليكم : سيبيه لمراته و خلاص…..حلوة دى….فيللا مش خسارة فى ضميركم،اشمعنى انتوا حتعيشوا حياتكم بشكل عادى و احنا حنفضل كده لحد ما نموت و حنفضل نمسح لكم جوخ و نحضر افراحكم و سبوع ولادكم و بعد كده افراح ولادكم و تفضلوا تشفقوا علينا و تخافوا مننا!!!!
السلام عليكم ورحمة الله اختي الغاليه اولا انا مقدر احساسك الله يخفف عليك بس هقولك شى والله ان مع العسر يسرا نفرض مثل انك ازوجتي من سن العشرينواطلقتي كيف هيكون شعورك لاتفكري كل اللي اتزوجوا ناجحوا وعايشين عيشه هنيئه بالعكس في ناس كتير تعبانه من ازواجها ممكن يكون سئ الاخلاق ولايخاف الله فيها لو قدر الله لكي زوج مثل هذا هتكوني مبسوطه اللي عايز الفت نظرك له ان ربنا سبحانه وتعالي اخر امر الزواج لكي لامر هو خير وان الله يبتلي عبده المومن وعسي ان تحبوا شى وهو شر لكم ولاتتضجري والشخص اللي انتي عايز تشاغليه افرضي مشي معك علي اساس التسليه مش بتاع جواز هتكسري قلبك اكثر املئ وقت فراغك ربي يعوض صبرك خير ويعفك بالحلال وجميع نساء المسلمين
انااتفق واؤيدالاخ فوندا في كل ماقاله لصاحبةالمشكلة راى صايب وسليم من كل النواحي ياليت كل البنات اللي عندهن نفس المشكلة يتعلمن من كل مايقال لهن ويطبقنه في حياتهن يلايقنا كل الخيروالرضاوالسعادة
انا ليه وجهة نظر مختلفه. انا شايف انك الاول انك تجيبي ورقه وقلم و تكتبي فيها الاسباب اللي مخلياكي عاوزه تتجوزي وترتبيهم بحسب الاهميه.
بعد مارتبتي الاسباب (الدوافع) , هنبدأ نحقق كل واحد منهم علي حده , مادام مش عارفين نجيب الكل, هنجيب الجزء كل واحد لواحده, لغايه ما الكل ييجي في اي وقت لوحده..
ممكن الموضوع يبقي غريب عليكي, بس لو مش عاجباكي الفكره , ماتطبقيهاش.. براحتك يعني.
لو عاوزه اطفال, فيه أطفال ايتام كتير بيدوروا علي صدر حنين يعطف عليهم ويرعاهم.
والله حرام عليكي يعني ملئتيش الا المتجوز وتشاغليه طب زنب مراته وعياله ايه يعني خليكي مكان مرات الراجل ده ترضي واحده تلف علي جوزك وتاخده منك أكيد طبعا لا عليكي بالصلاه والدعاء واللي مكتوب ليكي هتشوفيه الدنيا مليانه شباب مش متجوزه بلاش الراجل اللي متجوز دا حتي حرام
تأكدي ان عدم جوازك لحكمه يعلمها سبحانه وتأكدي أنها لصالحك قولي الحمد لله رضيت بحكمك يارب ومتيأسيش من الدعاء وربنا أن شاء الله هايرزقك بالزوج الصالح اللي تقضي بقيه حياتك معاه
بصلى انا سنى ٣٧ سنة ولسه ولا اجوزت ولا حتي خطبت ولا حتي دخلت فى علاقة عاطفية مع اي بنت وعارف انتي حاسه ب ايه وكل الحاجات ديه والحاجة الواحيدة ال اقدر اقولها ليكى حاولى استغلي الموقف ال انتى فىه لصالحك مش لازم الناس كلها تسلك نفس سلك الحياة زواج انجاب تربية أولاد
ممكن تستغلى الفراغ ال عندك فى حاجة كل المتجوزين بسبب التزماتهم ومسؤليتهم والواجبات ال عليهم والمجمتمع الحوالهيهم فرضها عليهم وشغال كل وقتهم بيها انتي عندك وقت فراغ كبير وكثير ومفيش مسؤليات عليكى كتير ممكن تستغلى ده فى التقرب إلى الله
وحاولى تاخذى الموضوع بواجة زاوية مختلفة انك لما تقبلى بالوضع ال انتى فيه ومش راضية بيه ده بينقلك من انسان عادي للإنسان مقرب ومحبوب عند الله ويدخلك فى مكانة يحصل عليها القليليون فى الدنيا (وَقَلِيلٌ مَا هُمْ) علشان رضيتى من الله بالقليل ورضيتى من الله ما هو عكس ما تتمنيه لأنه اختيار الله لكي وبكدة تدخلى فى طائفة (رضي الله عنهم ورضوا عنه ذلك الفوز العظيم) فالرضا عند المحبوبين المقربين إلى الله : سرور القلب بمر القضاء الذى يقضيه على العبد
يعنى ربنا جعلك فى موقف لو تعاملتى معاه بالرضا وسرور على عكس المتعارف عليه ربنا كده يعطي لك فرصة من الانتقال من انسانة عادية مثل كل من حولك إلى واحدة من المحبوبين المقربين إليه لأنك لم تعترضتى على حكمه فيكى ورضيته وبه وكنت في سرور بمر القضاء الذى قضاه عليك رغم انه مؤلم للنفس ولكنك كنت فى سرور لأنك تري ان هذا اختيار الله لكى وقدره لكى ف بهذا مر القضاء الذى انتى فيه فرصه لا يعطيها الله لكثير من عبادة وهذه الفرصة كفيلة بأن تجعلك من المقربين المحبوبين لله تعالى أكثر ممن حولك ومن الشيوخ والعلماء
وده بعض الكلام حبيت انهي به رسالتى ممكن يكون فيه فايدة
فمن الرضا سرور القلب بالمقدور في جميع الأمور ، و طيب النفس و سكونها في كل حال ، وطمأنينة القلب عند كل مفزع مهلع من أمور الدنيا ، وقناعة العبد بكل شيء ، واغتباطه بقسمة ربه و فرحه بقيام مولاه عليه ، و استسلام العبد للمولى في كل شيء ، ورضاه منه بأدنى شيء ، وتسليمه له الأحكام و القضايا باعتقاد حسن التدبير وكمال التقدير فيها ، و لتسليم العبد إلى مولاه ما في يديه رضا بحكمه عليه ، و أن لا يشكو الملك السيد إلى العبد المملوك،
عن أنس بن مالك عن النبي صلى الله عليه وسلم : ( إذا كان يوم القيامة أثبت الله لطائفة من أمتي أجنحة فيطيرون من قبورهم إلى الجنان يسرحون فيها ويتنعمون كيف شاءوا ، فتقول لهم الملائكة : هل رأيتم الحساب ؟ فيقولون : ما رأينا حساباً ، فيقولون : هل جزتم الصراط ؟ فيقولون : ما رأينا الصراط ، فيقال لهم : هل رأيتم جهنم ؟ فيقولون : ما رأينا شيئاً ، فتقول الملائكة : من أمة مَن أنتم ؟ فيقولون : من أمة محمد r ، فيقولون : ناشدناكم الله حدثونا ما كانت أعمالكم في الدنيا ؟ فيقولون : خصلتان كانتا فينا فبلغنا الله هذه المنزلة بفضل رحمته ، فيقولون : و ما هما ؟ فيقولون : كنا إذا خلونا نستحي أن نعصيه ، ونرضى باليسير مما قسم لنا ، فتقول الملائكة : يحق لكم هذا . وعنه عليه الصلاة والسلام أنه قال : ( من رضي من الله بالقليل من الرزق رضي الله عنه بالقليل من العمل )
وأهل الرضا قسمان :
قسم : رضي عن الله تعالى ، وقام بعمل الدنيا وعمل الآخرة طالباً المزيد منهما ، وهذا لا ينقص مقام الرضا ، وهم خاصة خاصة أهل اليمين
وقسم : رضي عن الله تعالى رضاً جعله آنساً بالله فارغ القلب مما سواه وممن سواه مقبلاً بكليته عليه منصباً بجملته إليه ، وهم المحبوبون المقربون .
انا عارف احساسك وانا في وضع شبيه بيكى وده ال بحاول اصبر نفسي به ساعت بيساعد وسعات مش بس مفيش غير كده الواحد حيعمل ايه يعنى
انا قربت على ال 35 س.اصل فيه ناس بتفتكر معنى كلمة منتصف الثلاثينات او منتصف العقد الثالث من العمر يعنى : 30,5 لكن معناها : 35 س لان معنى كلمة الثلاثينات او العقد الثالث : من 30 : 40 س,اذن منتصفها : 35 س.
سلام
اختي انت ناقمة على الوضع كثير كثير وماتمرين به هو حقك وحتى ماتقوليه رغم اني مو موافق عليه ابدا الا انك لك الحق في قول كل ماتقوليه ولايجرا احد على معارضتك لان ماتمرين به اصعب بكثير
من حقك الزواج ومن حقك الانجاب ومن حقك ان تحبي وتتحبي ومن حق ان تجدي رجل يدلعك ويقولك كلام حلو ومن حقك تجددي شخص يهتم بك ويقف بجنبك وكل هذه الامور انت لم تتمتعي بها والزواج فطرة موجودة في الانسان وهي ضرورية للمراة اكثر من الرجل
ماتمرين به مر به ملاين البنات من قبلك وربما سيمر به اخريات ليس الامر مرتبط لابجمال ولا باي شيئ النصيب اختي هو من يلعب دوره ومن الصعب جدا التحكم في النصيب لكن لااريد منك ان تتصرفي تت تاثير هذه المحنة وان كان هذا الزوج راح يعاملك معاملة جيدة فانت لا تخربين بيت اي احد والله احل 4زيجات للرجل
اتزوجي اختي وابني بيتك وحققي حلمك بالانجاب ولاتهتمي لكلام الناس
لكن اختي تقربي من ربنا وادعي الله وصلي وصدقيني الله هو من يتحكم في حياتنا وكل ماقتربنا منه افتكرنا اكثر وجعل حياتنا اكثر سعادة
لو اقولك ان اناس عايشين في فقر لايمكن وصفه والله تجديهم يبتسمون ويضحكون وعايشين دنيتهم السبب انهم حامدين ربنا فجاعل حياتهم هكذا لانه انزل عليهم رحمته وهذا اختي ماينقصك ثقي في الله وتقربي اليه واقرائي القران وركزي على الادعية كثيرا وكل العراقيل راح تذوب وممكن يبعثلك شخص عنده 40 سنة والله قادر على كل شيئ
لاتجعلي الدنيا تضلمك اكثر واياك حل مشكلة بمشكلة بمجرد اقترابك من الله راح تحسي بالاطمئنان ولما تحسي بهذا الشعور تاكدي ان الله سنزل عليك نعمه
انا بأيد كلا Soooo متيأسيش من رحمة ربنا و علي فكره انتي مش كبيره و ربنا واحده شايلك الخير و جايز تصبري و تاخدي زوج يصونك و يعيشك اميرة انما نبرة الياس اللي انا شايفها دي متنفعش , قربي من ربنا اكتر و اكيد ربنا مش حينساكي , انا اتمانلك كل خير و تعيشي سعيدة في حياتك.
حاسس من طريقتك انك بئستي , مفيش حاجه اسمها مستحيل طبعا حتقوليلي انت مش حاسس بحاجة حقولك حاسس و فاهم , مفيش حد عارف الخير فين و ربنا وحده يعلم الخير فين جايز بكره ربنا يبعتلك واحد كويس , طيب حقولك علي حاجة افرضي كنتي اتجوزتي في العشرينات و اتجوزتي واحد طلع عنيكي و كرهك في الدنيا حتعملي ايه ساعتها , اما بالنسبة للحلول فانا شايف ان موضوع انك تكوني زوجة تانيه مش حل منطقي لانك حتتجوزي واحد مش حيكون ليكي لوحدك و المشاكل حتكتر مش حتنتهي , متستعجليش جايز يكون ربنا شايلك حاجة احسن و حتي لو ارتبطي بانسان مطلق مش حاجة وحشة جايز الانسان ده يشيك في عينيه و يعوض نفسه عدم نجاحه في زواجه الاول و مش شرط اولاده يكرهوكي بالعكس ممكن يحبوكي و يحترموكي و ده في ايدك .
انا عارفه انك حتقوليلي ان اللي ايده في المية مش زي اللي ايده في النار بس واللهي دي الحقيقه و لا تياسي من رحمة الله
مش يمكن ما يديكيش اى اهتمام و تبقى عرضتى نفسك عليه و قللتى من شانك على الفاضى.
و رجاء نقلها لمشاكل العنوسة لانى كررت كتابتها هناك لانى بحسبكم مش حتطلعوها فى الموقع/انا اصلا كنت كاتباها فى مشاكل البنات مع الشباب و لاقيتكم حاطينها فى مشاكل البنات قبل الزواج/و بعدين انا عنست بالفعل لان عمرى قرب على ال ٣٥ س فتتحط فى مشاكل العنوسة احسن و كمان عشان يرد عليا عدد اكبر من الاعضاء لان اغلبهم بيدخلوا هناك.
ليه يا حببتى لهجتك المتشائمة دى ليه بتقولى طلاما سنك 30 يبقى لازم تخدى واحد 50 سنه اواكتر لا طبعا انتى بتفكي غلط جدا انا نص عيلتى اتجوزوا عندهم 30 او 31 او 32 سنه و متجوزوش من ناس كبيرة اد بباهم زى ما انتى فاكرة لا اتجوزوا من ناس اجبر منهم بسنه او اتنين وليه عايزة تهدمى بيت عيله بحلها الراجل الى عايزة تشغيله مراتة معأزتكيش فى حاجة عشان تموتيها و هيا عايشة كدة و بعدين انتى ايش عرفك انوا هيتجوزك لو شغلتيه ممكن تخسرى كراتك على الفاضى و لازم تعرفى حاجة ان حتى لو اتجوزك هيجى فى يوم يندم انوا اتجوز عليها لانوا هيفتكر حياتوا وهما بس مع بعض اوعى تعملى كدة لا هو و لا هو يستهلوا تعملى فيهم كدة عشان مأزوكيش فى حاجة انتى نفسك ليه تتجوزى واحد متجوز و انتى لسه بنت و تستهلى حد احسن من كدة تستهلى ان يكون ليكى راجل لوحدك يديكى الامان مش تكونى خايفة فى كل لحظة و انتى معاه لحسن يطلقك فى اى وقت عشان مش قادر يعيش بعيد عن مراتة و ولادة انا عارفة ان كلامى جامد بس لازم تفوقى و متعلقيش حياتك على كدة و بعدين عايزة اقولك ان حتى لو متجوزتيش ربنا شيلك حاجة احسن و بعدين فكرى معايا ليه ربنا اخر عليكى موضوع الجواز دة مش يمكن كنتى تتجوزى و يطلع مش كويس و يضربك و يبهدلك و تتمنى انك كنتى تعيشى كدة من غير جواز على انك تعيشى معاه ارجوكى متعمليش حاجة مع الراجل دة سبيه مع مراتة ربنا يسعدهم ويسعدك يارب اقولك على حل احسن من كل دة لازمى الاستغفار يوميا سدأينى بلاستغفار بتتحل مشاكل كتير اوى انا بالاستغفار اتحللى مشاكل كتير وربنا يرزقك بالزوج الصالح الى يتقى ربنا فيكى و يكون ادك و ليكى لوحدك يارب
ياأختي فيه حديث قدسي بيقول{ يا أبن أدم خلقتك للعباده فلا تلعب وقسمت لك رزقك فلا تتعب فإن أنت رضيت بما قسمته لك أرحت قلبك وبدنك وكنت عندي محمودا وإن لم ترض بما قسمته لك فوعزتي وجلالي..لأسلطن عليك الدنيا تركض فيها ركض الوحوش في البريه ثم لا يكون لك منها الإ ماقسمته لك وكنت عندي مزموما}
ياأختي ماتخربيش بيت وحده لو دعت عليكي ممكن تروحي فيها أن ماكنتيش خايفه من دعائها عليكي خافي من ربنا
أنا عارفه أنك مضايقه بس الحاجات دي بيد الله ماتضيعيش ثوابك على حاجه طيب خلينا نتخيل مثلا أنكك كنتي أتجوزتي وحصلت مشاكل بينك وبين جوزك وبقيتي مطلقه هل ده حلو ربنا أكيد شايلك حاجه حلوه
عليكي بالأستغفار عشان ربنا بيقول (فقلت أستغفروا ربكم أنه كان غفارا يرسل السماء عليكم مدرارا ويمددكم بأموال وبنين)