انا فى الثانوية العامة كنت بحبه جدا ومازلت والله ولما بشوفه بحس انى بموت وهو كمان كان بيحبنى ومتهيألى انه هو كمان مازال بيحبنى بس للاسف كنت لما بكلمه بيجينى احساس فى قلبى ان ربنا زعلان منى بس عمرى ما خرجت معاه ابدا ولا حتى سلمت عليه بايد مع انه كان بيطلب كده وكنت برفض طبعا لانه حرام وخصوصا لانى بصلى ومتفوقه فى دراستىالحمد لله والله بحس انى لو حبيته واستمريت معاه ممكن ربنا يعاقبنى فى تعليمى وكمان لانى بحس انى مينفعش اديه حب كبير لانى مش عارفه از كنا هنبقى لبعض ولا لا محدش عارف النصيب فين وخصوصا لاننا فى سن بعض بحاول انساه بس بمجرد انى بشوفه ولو بعد شهور بحس انى مش قادره استغنى عنه وبتعب جدا وبقرا قران كتير عشان انساه وبرضه مش عارفه اعمل ايه قولولى هل لو رجعت له تانى عادى مش حرام وربنا مش هيزعل منى ولا ايه بجد انا تعبانه وحيرانه كتير والله
مشاكل البنات مع الشباب
حاسة بالذنب بسبب هذا الحب
اضيف بتاريخ: Thursday, June 30th, 2011 في 11:54
كلمات مشاكل وحلول: الثانوية العامة, مشاكل البنات, مشاكل البنات مع الشباب
انا معاكى يا etqan54 بس الحب مش عيب ولا حرام وعلى فكرة كمان موضوع انك تحبي دة مش بايديكى الحب مش مجرد زر تضغطى علية يشتغل وتضغطى علية ينتهى الحب حاجة جميلة جدا بس اللى يفهمة صح وطالما انتى شايفة مصلحتك ومتوفقة وتراعى ربنا فى اللى انتى بتعملية مفيش مانع انك تحبى
طب طب يا جماعه النهارده انا شوفته تانى وهو شافنى بعد فتره طويييييييييييله وضحكلى وانا كمان ضخكتله وقالى انه هيكلمنى مقدرتش ارد عليه وكنت متنحه بصراحه قالى خلاص هستنى منك اتصال ومشى وانا متردده مش عارفه اكلمه ولا لا ده احنا كده بقالناه حوالى 9 شهور متكلمناش وفى لحظه كده مش عارفه اعمل ايه
بسم الله ماشاء الله عليكى وعلى تفكيرك السليم حاولى يا حبيبتى تتمسكى بتفكيرك ده واوعى ترجعى له تانى لانى واقعه فى نفس المشكله وعايزه اسيبه بس مش عارفه اقول له ايه اتحجج بيه لانه بيحبنى جداااااا وانا كمان بس هحاول اقول له الكلام ده لانى ضميرى انبنى جداا بسبب الموضوع ده وانا من سنك تقريبا عندى 17 سنه تمسكى واوعى تضعفى واسمعى نصائح اى حد اكبر منك علشان مش تبقى زيى
الله ماصلى على النبى انتى حتى لو كلمتيه مش يتخاف عليكى
الحب الحب هك الناس العشق الغرام وأنا كمان نموت على واحد
اختى الغالية انا بمر بنفس اللى بيتمرى بيه والاختلاف بس انى بحبه من طرف واحد مشحاسس بيا ولا بيكلمنى لكن لحظت شوية تعبيرات عليه انه بيحبنى لكن هوا محترم جدا قرنا الزمن فالدروس الخصوصية وهوا بردة قد سنى وانا بحبه وزيك بالضبط بحاول انساهشهور من اول بصه واول ما شوفة انسى كل القرارات اللى ختها انابحبه و مش قدرة انساه
انا بشكركم على نصايحكم ليا وبشكر اختى المسلمه بس انا عاوزه اقولك انى ان للاسف مش بقدر مبصولوش لو شوفته ادامى حتى لو هو مش باصصلى بحاول انى مبصولوش بس بتبقى بصات سريعه غصب عنى والله لانى اصله لما بشوفه صدفه بتبقى كل فين وفين فعشان كده بشتاق له فبجرد انى بشوفه برتاح جدا بس هحاول مبصش خالص واخد بنصايحكم اصله هو اول انسان عرفته واول واحد قلبى اتفتح ليه عشان كده ممكن يكون صعب عليا بس برده مش هرجعلوه هحاول انساه شكرا اختى وشكرا ليكم كلكم وربنا يكرمكم( لا اله الا الله)
بسى انتى زى اختى هو السن دة سن مراهقه هتحبى كتير وهتتجرحى كتر وهتسيبى كتير بأيدك دة كلة وبأيدك مدخليش نفسك فى حاجة خالص لازم كل بنت هتعيش الاحساس دة اى واحد منة مجروحة او فرحانة انتى ركزى فى مستقبلكودرستك وانا بنت زيك اكيد الكلام دة عشان عرفتة اكيد هعمل بية
اولا هولو بيحبك هيتقدم لخطبتك
ثانيا مفيش حاجة اسمهامقدرش انساه لان ده حب مراهقة ومع الوقت والتفكير في حاجة مفيدة هيتنسي بس فكري في مستقبلك الاول وشوفي النصيب هيوديكي فين
بصى يا اختى انا هقول كلمتين بس اى حاجه فى الدنيا ليها نهايه بمعنى انو لو بيحبيك بجد اكيد هيحاول انو يتقدمليك علشان يرتبط بيكى رسمى يعنى يخطوبيك بس كل الكلام دا لو هو فعلن بيحبيك بجد زاى منتى بتحبى وطبعا لو هو محولش انو يتقدمليك يبقا اكيد هو مش بيحبيك وكمان مستسهلش انيك تحبى يعنى من الاخر لو بيحبيك هيتقدمليك ولو مش بيحبيك يبقا مش هيتقدمليك وفى الحاله دى اكيد ولازم تنسى باى شكل وربنا يحميكى ويستر عرضيك ويوفقيك
اختي الغاليه..انتي اكيد واعيه وبتعرفي انوالحب حرام وسبب حرمانيتو لانوربنا بحبك وبخاف عليكي ومابيرضالك اي انسان يلعب بمشاعرك او يجرحك بعدين هاد ح مراهقة شي طبيعي تحسي بحب بس حقيقتو يمكن مجرد شخص رتحتيله ووعبا فراغ بقلبك فلاتظني انك مافيكي تعيشي بلا بركي ربنا مخبيلك نصيب احسن منو ولاتنسي من ترك شيئا لله عوضه الله وازا هالشخص خير وتركتيه كرمال رب العمين حيرجع القدر يجمعكون بميئه رب العالمين وبتمنالك التوفيق
انا قصتى شبه قصتك اوى بس الفرق انى حبيته لدرجه انى كان عندى استعداد انى اخرج معاه فعلا بس لما لقيت نفسى رايحه فى طريق مش سليم ابتعد عنه بس خليكى زى ماانتى والله ربنا هيكرمك وحاولى تقربى من ربنا اوى وحاولى لما تشوفيه متبصيش عليه انتى فعلا مش هتنسيه لو بجد حبيتيه باخلاص واوعى ترجعى للامر ده تانى وهو بجد لو بيحبك زى ماانتى بتحبيه هيحترمك اكتر وان شاء الله يكون من نصيبك يااااااااااارب وادعى وانتتى فى صلاتك وقوليله يارب قدرلى الخير
ابنتى الغالية انصحك بالاستمرار على تفكيرك المحترم وقربك من ربك والخوف منه سبحانه وتعالى وأعتذر لك ان قلت لك اوعى تخيبى وتسألى عن شئ انت فى قرارة نفسك تعلمى علم اليقين انه حرام شرعاً وعيب عرفاً وادعو الله ان يكملك بعقلك ويحفظك ويوفقك ويرعاك دائماً ومن الممكن ان تجدى من المشاركين من يحرضك على الحب والعشق بغير علم ولا بصيرة والإثم ما حاك فى صدرك ( خطرعلى بالك ) وخفت ان يطلع عليه الناس