انا مرتبطة بواحد وبحبة اوى وبخرج معاة وبنتقابل فى اماكن عامة بس بحس انى بعمل حاجة غلط وخصوصا انو بيمسك ايدى واحنا مع بعض وكمان حضنى وباسنى انا حسيتة اوى وحبيت دة معاة وبحس وانا معاة بالامان بس لما برجع افكر فى ال حصل بخاف اخسرة وخصوصا انى برفض اى حد يتقدملى لحد ما يخلص ويجى يتقدملى بيقول انو بيحبنى اوى وانا بحبه اكتر ومش شايفة نفسى مع حد غيرة كمان لما بنتكلم فى التليفون دايما بيقولى نفسى فى حضنك او حتى ابوسك وكدة وانا كمان بقولة وانا كمان نفسى فى كدة انا خرجت معاة وكنت عارفة ان دة هيحصل من قبلها ورغم كدة خرجت وقابلتو وكانت دى اول مقابلة لينا وتانى مرة خرجت برضوا وعارفة اية ال هيحصل فى المقابلة دى انا بحبة اوى وخايفة اخسروا وهو رومانسي اوى وانا عاوزة احسسة بكل حاجة حلوة نفسة فيها وانا كمان بكون مبسوطة اوى معاة قولولى اعمل اية بجد انا تعبت اوى ومش عارفة افكر
مشاكل الحب
خايفة اخسره بعد ما سبته حضني وباسني
اضيف بتاريخ: Sunday, December 19th, 2010 في 22:25
كلمات مشاكل وحلول: التليفون, رومانسي, مشاكل البنات, مشاكل البنات مع الشباب, مقابلة
نصيحه مني بلاش تعملي كده تاني لانه في الاخر مش هيتقدملك هياخد اللي عاوزه وهيعمل اللي عاوزه وانتي مش هترفضي اللي هيطلبه وعلي كل ده هيرميكي اسمعي مني
قصتك دي مشابهة لقصة وحدة من اقاربي كانت فتاة شابة عندها 17سنة وتعرفت على شاب قريب لها من جهة الام ابن خالتها وتعلقت به واغرمت بشكله ومشاعره معها وكانت تخرج معها من وراء اهلها ويبوسها ويحضنها كما قالت لي وكانت ترفض تلك التصرفات منها ولا عايزة تخسره لانها حبته فعلا وطلبت منه ان يتقدم لخطبتها من اهلها وهو كان يتعذر بانه لسه غيرجاهز للزواج ويبحث عن عمل له بعدما تخرج من الجامعة وهي صدقته حتى جاء ذلك اليوم المشؤم في حياتها وطلب منها ان تخرج معه وفعلا خرجت واستغل عدم وجود اهله في البيت وذهب بها الى هناك لاجل يفرجها على اشياء اشتراها لها وبعدما ذهبت معه تمكن من اغواها وفعل بها الفاحشة وهتك شرفها واخبرها بانه منتظر اهله ياتوا من السفر ويجي معهم لخطبتها ولم يوفي بوعده لها وخافت تخبراحد من اهلها بماحصل وبعد ماتنكرلها تركها وراح يبحث عن غيرها من الفتيات وعندها البنت راحت وتخاصمت معه واخبرت امها بالحقيقة لاجل تجد لها حلا مع ابن اختها اللي ضحك عليها وهتك شرفها ولايريد الارتباط بها وحاولت الام مع اختها ان يتقدم الابن وياتي لخطبة ابنتها ويسترعليها فكان رد ام الشاب ان هالزواج استحالة وابنى عمره مايسوي الغلط بحياته وان ابنتك كدابة سوت عملتها مع اخر ويبغا ترمي بلاها علينا ومن الكلام هذا وحصلت خصومة ومشاكل بينهما حتى يومناهذا والبنت خسرت شرفها وسمعتها وكرامتها وتمنت الانتحار على العيشة دي حتى فرج الله عليها واكرمها بابن الحلال اللي قدرظروفها وقبل الزواج منها وسترعليها وحصلت السعادة والخير والاستقرار معه في حياتها
هو شايفك رخيصة اوي وماترفضي له طلب عشان كدا حضنك وباسك في مكان عام ومش بعيد يتجرا ويطلب اكثر من كدا وانت ولافارقه معك ابدا اهم حاجة عندك انو مايزعلش منك ولافكرتي في عقاب ربنا عليك ولا في اهلك اللي اعطوك الثقة وانت غير جديرة بها ولاتستاهليها ابدا ابتعدي عنه فورا ولو كان فعلا يريدك وجاد في الارتباط بك يتقدم فورا لااهلك ويخطبك منهم رسمي حسب الشرع والاصول وان تحجج باعذار واهية فنمن الافضل تركه وقطع العلاقة معه نهائيا وللابد والله عزوجل بيكرمك باحسن منه هتلاقي ابن الحلال اللي فعلا يستاهلك ويقدرمشاعرك ويصونك ويسعدك في الحياة
انالا وللهي زيك بظبط ومش غارفة اعمل اية بس انا سبتة بس تعبانة او علطول بشوفة وبكون نفسي اكلموة ببس مش عاوزة اغطب ربنا اعمل اية بس هو بيكلم بنات كتير وبيعمل الا هوة عاوزة خايفة ميرجعليش تاني ويحب واحد تانية
انا مش متصور انك تخليه يبوسك او يلمسك او تخرجى معاه اصلا
ايه الجرأه دى مش بتخافى من ربنا
والله العظيم ده عمره محيعبرك وعمره محيتجوزك ابدا
يابنتى لما يريد يتجوز هياخد واحده محترمه
مش واحده كانت بتخرج معاه وباسها
البنت المحترمه طرق الوصول ليها عن طريق بيت اهلها وليس طريق اخر
ايلى بيحب حد بيخاف عليه
انتى مجرد وعاء بيفضى فيه شهوته والله عن تجربه
ابعدى نهائيا عند وغيرى رقم تليفونك
وحافظى على نفسك
جوزك والله مكتوبلك فى اللوح المحفوظ من قبل الوجود
توبى الى الله وعليكى بالدعاء والصيام
وربنا يهديكى
انا فى نفس مشكلتك وتعبانة ومخنوقة جدا وحاسة انى غلط بس الفرق انى ماليش حد فى الدنيا غيره هو ووالدتى ربنا يخليها ليا انا ماليش اى حد وهو كل حياتى مش عارفة اتصرف انا كمان رغم انى واثقة ان ده غلط بس لحظات بتسرقنا وفجاة الاقى نفسى ندمانة ع كل ثانية فيها لانى عايزاه اه ومحتاجاله اه وجدا كمان بس فى بيتنا قدام كل الناس فى النور فى رضا ربنا انا بجد تعبانة ومش عارفة انا كمان اعمل ايه خوفى ويأسى والشك حولونى مبقتش عايشة لا انا بتعذب قصاد كل لحظة بقضيها معاه بعذب نفسى بيها مليون مرة
بصي يا اختي العزيزة الكلام اللي انتي بتقوليه ده غلط كبير اوي وبكرة هتعلرفي انا بقولك وانا واثق من الكلام اللي بقوله لان انتي لو فكرتي في علاقتك مع الحد اللي انتي بتحبيه بالطريقة الصح هتلاقي الحياة حلوة وتعرفي ايه اللي من حقك وايه اللي مش من حقك وحبيبك اللي بتقولي عليه حبيبك ده هيسيبك ومش هيتقدم ليكي اصلا وبكرة تقولي احمد قال لان العلاقة بين اتنين حبيبة لما بتطور لكدة معناها انها اتحولت بالمعني الصريح لعلاقة جنسية مفيش كلام وده حرام حرام حرام قدام ربنا اذا كونتي مسلمة او مسيحية واي كانت ديانتك وياريت لما تحبي متديش قلبك غير للشخص اللي هيجي يخبط علي بابك لان ده هو اللي هيقدر قيمتك نصيحة مني ليكي ابعد عن الطريق ده وسيبك من الولد ده لانه كداب وبيضحك عليكي وهيسببلك مشاكل جامدة لانو مبيحبكيش عارف ليه لان اللي بيحب حد بيخاف عليه اكتر من نفسه وده مش بيخاف عليكي وكما تدين تدان
يا اختى هو ده ممكن يكون حب بس الشخص لما يلاقى الواحده بتعطيه اللى عايزه هيجى فتره وهيزهق منها ففكري فى نفسك كويس وحافظى على كرامتك علشان هو يحترمك واستحاله انو يرتبط بيكى لو هو مش لمسك ممكن يرتبط بيكى لأنه بيحبك لكن كدا هو عايز يقضى غريزته وخلاص
موضوعك بسيط جدا قفي وقفه صارمه معاه وامنعي عنه كل هذة الاشياء فأذا استمر معاكي من غير ان يتضايق او يتململ فأنتظريه لانه فعلا يحبك اما اذا ضغط عيكي واصر على ما يريد فأتركيه فأنتي تستحقي الافضل
انا فعلا كان فى شخص متقدملى وقولتلو وهو قالى ارفضى وكدة وانا اصلا من غير ما يقول كنت بقول لاء وعملت مشاكل كتير فى البيت اكتر من مرة بسبب حوار ان حد يتقدملى وارفض هو قالى انو بيحبنى بس هو حاليا خلاص قرب على الامتحانات واكيد مينفعش يجى يتقدملى دلوقتى خالص على الاقل بعد ما يخلص امتحاناتو يجى يتكلم وياخد خطوة رسمية انا كل يوم بفضل اعيط لما بفكر فى الكلام دة او حتى انو ممكن يجى يوم ويزهق منى وبقولو كدة بس هو وعدنى كتير انو مش هيسبنى وبحلف انو بيحبنى انا حسة بكدة بس برضوا بخاف بيقولى انو ميقدرش اكون معاة وميخدنيش فى حضنة احنا الاتنين بنصلى الفرض بفرضة وكلامنا مع بعض مش خارج كلام عادى مش اكتر من وحتينى نفسى احضنك او ابوسك كدة يعنى بس كتير بحس انى مخنوقة اووووى وبعيط وانا بكلمة كتير بس بيفضل يهدينى وبيعرف يسيطر على غضبى دة انا مقتنعة بكلامكوا جدا وعارفة ان دة غلط انا خايفة ربنا يعاقبنى باى عقاب ياذينى او يعاقبنى فية واخسرة كتير بحس انى لو مت يكون اهون ليا من انى اخسرة بجد انا كنت محتجالو اوى اوى ومن ساعتها وانا حياتى كلها اتغيرت باكملها وبقى فيها حجات حلوة كتير والله العظيم انا تعبت بجد
ياحبيبتى حافظى على نفسك وخافى من ربنا وتاكدى ان اللى بيحب حد بيخاف عليه ،واوعى تفرطى فى كرامتك اكتر من كده وتاكدى انك انتى الخاسرانة
السلام عليكم ورحمة الله اختى فى الله انتى ليه بتختارى العبد وتنسى ربه انتى اختارتى العبد ربنا مش هيوقف جنبك خليكى مع ربنا احسن والله ربنا كريم انتى اختبريه وسيبك بقى من حكايه انه بيحبك وانك مش تقدرى تستغنى عنه دى قوليله ان فى واحد اتقدملك وان اهلك موافقين عليه بس انتى رفضتى وانه لو اتقدملك هتنهى الكلام فى الموضوع دا قوليله اتقدم لى وانا هقف جنبك ومش هسيبك وهقف قدام اهلى واساندك دايما حتى لو مش معاك ولا مليم شوفى ايه هيكون رد فعله بس انتى قوليله كده دا اختبارك مجرب مع ناس تانيين والله وجاب نتيجه كويسه وكشف غش ناس وصراحة ناس كتير جربى ومش هتندمى بس خيلكى جاده فى كلامك وافضلى على الحال دا فتره كبيره علشان يصدق وشوفى النتيجه بنفسك واحكمى على نفسك وعليه
لا حول ولا قوه الا بالله تعالي قابليني لو فكر يرتبط بيكي ولو وافق يبقى الانسان ده ش مضمون ابدا اي شاب بيغلط مع بنت لو ارتبط بيها هيشك فيها بعد الجواز هتبقى حياه جحييم
يا بنتي عيشي حياتك و حبي و إعملي الي نفسك فيه
عيشي مبسوطة دي اهم حاجة
و بطلي تسمعي اليسا !!
صدقينى يا قمر اللى انتى فيه ده مش حب ده احتياج ربنا يكرمك بالزوج الصالح وسيبك من ده خالص صدقينى سيبك منه عشان متندميش
انا شاب عملت مع البنت اللى بحبها نفس اللى عمله حبيبك معاكى..
ومع أول خلاف بيننا حسيت انى مش طايقها .. ماتضمنيش لو ما اشتغلش بسرعة وماكونش نفسه وقاللك انا قدامى كذا سنة عقبال ما احوش مبلغ كويس .. هتلاقى نفسك ضايعة ومش طايلة ولا سما ولا ارض .. هتحتارى تسيبيه وللا تستنيه ..
احسن حاجة تفضلى تحبيه .. بس من غير مقابلات اساساً .. عشان ع الاقل يبقى فيه اشتياق دائم بينكو .. وتحطى فى دماغك انه ممكن فى اى وقت يسيبك وبلاش حد يعرف بالحاجات اللى حصلت دى .. كلنا ممكن نغلط زيك .. وده بئا منتشر .. بس اللى يدوق مرارته يكره حلاوته.
لازم يكون فيه خطوبة رسمى واتفاق على مدة الخطوبة ويكون الولد مخلص الجيش وبيشتغل على الأقل .. ده لو مش جاهز من مجاميعه .. اوعى تدمرى نفسك .. اسمعى نصيحة مجرب.
فكرتينى بيها
هذا اكبر حرام انك تطلعي معه لو عاوزك كان اجى وتقدم لك على طول غير كذا نصيحه لله لا تحاوي تطلعي معه وبعدين بتندمي اوي لو يخاف عليك ماباسك او طلب يحضنك كان حافظ عليك ويخاف عليك اللي يعمله معك يعمله مع حد ثاني والسلام
اسفى حبيبتى انتى كده فى منتهى الغلط هو محدش هيلومه الغلط واقع عليكى انتى حاولى تستغفرى ربنا على اى شى حصل وابتدى من جديد وابعدى عنه وحاولى متخرجيش معاه ولو بيحبك هيرجعلك ويتقدم لاهلك لو مش بيحبك هتلاحظى لوحدك انه بيتهرب منك وفى كلا الاحيان انتى الكسبانة والله . فكرى تانى وعيدى حساباتك وربا يقدملك اللى فيه الخير ويسعدك
علاقه أخرتها الندامه ليك انتى وبعدين لما هو طالب يخلص ايه ويتقدم هو كان اشتغل لسه ولا كون نفسه نفسى تفرقو بين متطلبات وخصائص كل مرحله دى مش مرحلة بوس وأحضان وحب دى مرحلة دراسه
كان ليا واحد زميلى ف الشغل بيحب زميلتنا ف نفس الشغل برضه وكان من شدة حبهم لبعض كان بيحصل كدا برضه احضان وبوس بس مش اكتر من كدا عايزة اقولك انه كان علطول بيتخانق معاها لانه مش بيثق فيها وبيغير عليها جدا لدرجة الشك وف الاخر بعد كام شهر سابو بعض وراح حب واحدة تانية ودلوقتى سابها عشان اهله جابوله عروسة هما عارفينها كويس انا قلتلك ع اللى كان بيحصل واللى شفته بعنيا وانتى حرة بقى
الجنس جزء من منظومة الحب اللي هيا ” العشق والهيام والاحترام والخوف على الحبيب والتقدير مراعاة ربنا في من تحب ” والجنس هو الجزء الوحيد اللي بيتم بعد الجواز لو حصل قبل الجواز بيدمر المنظومة كلها وعامة الأضرار كلها بتصب على البنت أما الولد فبيشبع غرايزه مع البنت ويضيع أجمل حاجة فيها وبعد كده بالليل على القهوة وهو قاعد مع صحابه بيقعد يتباهى باللحظة اللي قضاها معاها وسمعة البنت هي اللي بتضيع وسمعة أهلها يعني من الاحر علاقة الحب بالجنس قبل الجواز لحظة وبعدين احتقار للنفس واحتقار الناس للشخص أما بعد الجواز عمر وولاد ومتعة مستمرة.
اناعندى احساس انه بيضحك عليكى وعيزه تعرف كده لما تيجى تخرجى معاه مش تخليه يحضنك يبوسك اكيد هيبطل يخرج معاكى وهيبطل يتصل بيكى هيدور على واحده ثانيه تديلو الحضن والبوس جربى وهتشوفى كلامى صح فمن الافضل انك تسبيه قبل مايسيبك
انا عايزة اسأل سؤال للموجودين ايه علاقة الحب والجنس والحضن والبوس ولا مافيش علاقه بينهم ولا الجنس حاجه والحب والاحضان حاجه تانيه ؟؟؟؟؟؟؟ ارجو الرد علي سؤالي
هتخسري كل حاجة مش هتخسريه هو بس حتى احساسك بالشهوة المؤقتة اللي بتحسيها معاه هيروح لو ربنا رضى عنك واتجوزتي هنلاقيكي بعد الجواز على نفس الويب بتطرحي مشكلتك اما حبيبي خاني واتجوز أو عزريتك أو حبك الأول رجع بعد ما اتجوزتي أو حبيبك اللي مبهدلك ومش قادرة تنسيه إلخ…..
انا مع رأي (حبيبه الرحمن)جزيت خيرا… لو كنتي مفكره يا اختي الصغيره انه هيتقدملك و هيحب يتجوزك تبقي غلطانه لانه للاسف ماعدش بيثق فيكي _للاسف دي الحقيقه_ وكمان الحقيقه انك اخر واحده ممكن يفكر انه يتجوزها… انصحك تشوفي نفسك وتتجوزي انسان ربنا يجعله زوج صالح ليكي..و احذرك جدا من انك تحكي لزوج المستقبل علي اللي حصل ده مع ذلك الشاب او تعرفيه انك كنتي بتحبي قبله او بتخرجي معاه واحتفظي بالسر ده لنفسك
اكيد طبعا يا انسة حبيبة الرحمن مش هتوصل انى اجيب منو محسن طبعا لانى مجتش قولتلك انى بعمل حاجة اكتر من كدة ولا دة عمرو هيحصل
انا بشكركو على الرد بجد انا عارفة انى غلط وان ال انا بعملو دة غلط كمان انا عمرى ما فكرت فى يوم من الايام انى اوصل لكدة بس والله الموضوع فعلا متعداش اكتر من ال قلت علية دة ولا عمرو هيعدى او يوصل عن كدة كمان انا فعلا حاسة انو بيخاف علية بس انا مش عارفة هو ازاى عمل كدة بيقولى انو كان فعلا عاوزنى احس بية ويوصلى احساسة دة وانا بجد مقدرتش امنع دة انا قولتلو انى مش عاوزة الامور توصل بنا فى يوم من الايام وتشك فيا او تفكر فيا مجرد تفكير يخلينى اخسرك ومش معنا انى بقول انى عاوزة احسسة بكل حاجة حلوة انى احسسهالو كدة ومعتقدش ان الحب مرتبط باى حاجة تانية يمكن يكون الحضن او البوسة بتوصل لحجات تانية بس دة استحالة يحصل ما بنا هو بيقول ان دة امر طبيعى بين اى اتنين بيحبوا بعض انو يحضنها او حتى يبوسها وانو بيحبنى وبيخاف عليا انا مقبلتوش غير مرتين بس واكيد دة محصلش فى جنينة ولا فى شارع يمكن السينما هيا ال فعلا كانت غلط فى المقابلة بتاعتنا بجد انا اسفة انى بطول اوى بس انا حاسة انى لو وفقت على اى حد تانى مش هعرف احبوا وهحس انى خدعتوا بصراحة مش شايفة حياتى مع حد غيرة وخايفة اشيل زمب حد تانى ارتبط بى اكيد هخلصلو بس فى مشاعرى مش هحسها لية انتو فاهمين قصدى اسفة انى طولت فى الكلام
هذه السلوكيات التى تصدر من البنات جعلتنى افقد الثقة فى كل البنات
وخاصة بنات المدن.
نفترض انه كان غير جاد معاكى وتركك وتزوج من اخرى ثم انت ارتبطتى بشخص اخر غيره.
ما ذنب الشخص الاخر الذى ارتبطى به ؟؟
يابنت الناس حافظى على نفسك وعلى شرفك …
والله العظيم الشرف غالى حرام عليكى نفسك.
ولكن كله يرجع للتربية والبيئة..كل واحد حسب بيئته ودرجة تدينه.
ودلوكتى مفيش فايدة. هو حضنك وباسك وانتهى الموضوع.
يعنى الكلام خسارة وقلة الكلام احسن.
انا عندى سؤال هوه الحب مرطبت بلجنس ؟ ولا دا شىء ودا شيىء لو النا ان الحب اخرته الجنس يبقه الحب دا وهم وغايه للجنس ” ولو النا ان الحب بعيد عن الجنس يبقه دا مش بيحبك وغيته الجنس معاكى
احسن تخسررررريه من انك تخسري نفسك
صدقينى انا مريت بكل اللى انتى بتقولى عليه وانا عارف انك عايشة ايام حلوة بس والله العظيم مادام الايام دى فيها معصية لله هتبقى متعة مؤقتة وبعدها هتتقلب لجحيم انا مكنتش مصدق اللى بقوله غير لما جربت اما اول خروجة حضنك وباسك امال بقيت الخروجات هتوصل لايه عشان خاطر اهلك وابوك وامك واخواتك حافظى على نفسك لان ابسط شى لو حد عرف الكلام ده والا شافك معاه والا الامن مسكوا وانتوا بتعملوا كدة واهلك عرفوا هتخسرى حياتك لان ربنا يمهل ولا يهمل انا عيشت الحياة دى لمدة سنتين كانوا فى نظرى احلى سنتين لكن ربنا كان لازم يعاقبنى على اللى عملتوا ودلوقتى نفسى ربنا يسامحنى عززى نفسك عشان يفضل عايزك لانه لو اتمتع بيكى دلوقتى مش هيبقى عنده دافع يجيلك ومن اول مشكلة هيهرب وده شوفته فى ناس زمايلى كتير وانا شاب وعارف الدنيا ماشية ازاى متخليش الشهوة تاخدك عشان ياما بنات كانت بريئة ومش عارفة حاجة واضحك عليها لان الشهوة موجودة والواحد مبيبقاش متوقع يعمل حاجة غلط وحياة النبى لتحافظى على نفسك وبلاش الكلام ده عشان متندميش انا مرارة اللى بمر بيه دلوقتى هو اللى خلانى اكتبلك واحذرك لان والله العقاب اللى خدته مش قادر استحمله ومش عارف اعمل ايه ومش لاقى حد اكلم معا واشكيله ولا حتى الموقع ده وانا شاب يعنى مفيش حاجة تعيبنى ما بالك البنت .انا عارف ان الكلام ده لو اثر فيكى هيبقى فترة مؤقتة وبكرة بالكتير هتنسى بس اللهم بلغت اللهم فاشهد
نصيحة منى جربى تحرمى من شهوته وهتلاقى اتحول وكرهك وسابك او اتجنن وحاول يتحرش بيكى بالعافية يابنتى لو بيحبك خلى يجى يتقدم وواجهى اهلك وقولى يا اما ده يا بلاش ده لو هو كويس وجه اصلا واتقدم بكره هتندمى على كل واحد بترفضى لو طلع الى معاكى مش كويس وبطلى تخوشى معاه السيما او تقعدو فى كافيه هادى وبطلى شغل الجناين عشان شكلك بيكون وحش قدام الناس فى الشارع كمان هو عايز اسال سوال هو حضنك وباسك فى مكان مفتوح ولا مقفول لو مفتوح يبقا هو مش بيحبك ومش خايف على شكلك او على سمعتك قدام اى حد يشوفك بصدفة ولو فى مكان مقفول يبقا هو عايز منك متعته وبس لانه سمح ليكى تكونى معاه لوحده يبقا هو مش بيخاف عليكى اوك يا تسبى يا اما يجى يتقدم عشان متندميش انتى على بقيت عمرك وتعنسى اه هتعنسي
على فكرة الشباب مفيش حد بيقبل انه يتجوز واحدة عمل معاها حاجة قبل الجواز لو انا شاب قليل الادب وصايع (اسف فى اللفظ) لما اكون عايز اتجوز بقول عايزة واحدة محترمة متربية متدينة مش واحدة واحد باسها وحضنها قبل كدة يعنى انتى يتدورى على حل عشان متخسريهوش لكن للاسف اللى بتعمليه بتخليه يفكر الف مرة لو حب يتقدملك وطبعا حيرفض انه يتقدملك انتى ايه رايك؟
حضرتك هبله قوي قوي قوي ومافيش واحد هايبوس فيكي ويمسك ايدك وهايرتبط بيكي البنت المحترمه تبقه في بيت اهلها وهو لو شاريكي هايتقدم ليكي سوء خلص دراسته او ماخلص كان جاء ليكي لو هو بيحبك اللي بيحب حد بيخاف عليه وعلي كرمته مش يكلمه كلام عيب وايه نفسك تبسيطه خلاص هاتي منه محسن وابقي ابسيطه وتبقي وقعتي في شر اعمالك راعي ربك في حالك وافتكري ابوكي وامك لو ابوكي عرف ايه هايعمل فيكي ولا والدتك بلاش لو حد من المنطقه شفكم وهو ماسك ايدك مليون المايه هاتفضحي وهايطلع عليكي كلام اد اكده مافيش واحد بيشتري بنت ويعمل معاها اللي بيعمله معاكي دي نصيحه
الحب حقك وحقه ومشاعرك ناحيته ومشاعره ناحيتك شيئ جميل بس اللي مش حلو أو جميل اللي بيحصل بينكما . أنا كرجل أقول لك أن الرجل عادة لايتزوج من الانسانة التي خرج معها وحدثت بينهما زي اللي حصل بينكما لانه مش بيثق فيها وبيكون نال منها الكثير وبتراوده الشكوك ان ده ممكن يكون حصل مع حد قبلي لذلك نصيحتي المخلصة لك أن تتوفقي تماما وفورا عن أي مقابلات معه أو تليفونات واذا كان جاد يتقدم اليك رسميا بعد مايكون جاهز واياك والانسياق وراءه في أن مايحدث بينكما يزيد حبه لك أو شيئ من هذا القبيل لان ده خداع وكلام كاذب وربنا يوفقك للخير باذن الله.
دة لو كان بيحبك لم يفكر انه يقرب منك دا اكيد هيفكر الف مرة قبل ان يرتبط بيكى وهيقول اكيد عملت كدة مع حد تانى فارجو منك الابتعاد عن ذلك الشخص وتقريبى من اللى يقربك الى ربنا ويكون هو بيحبك اكتر منك
بلاش تعملي كده معاه حتى لو انتي كنتي حابه تعملي كده علشان متقليش في نظره لان كل الشباب تفكيرهم غلط وبيقولوا طالما هي عملت كده معايا هتعمل مع غيري ابقي اساليه لو شفت اختك بتعمل كده مع واحد هتعمل ايه معاها وانتي تخيلي انك في مره كنتي في حضنه واخوكي او ابوكي شافك هتعملي ايه وهو هيعمل ايه ؟؟؟