صار يهددني انه يقول لاهلي كل حاجة

السلام عليكم ورحمة الله انا عندي 19 سنه .. مشكلتي بقى كنت بكلم واحد عندو 24 سنه من حوالي 3 سنين كنت بحبو وحكيت لاهلي عليه وكان هيخطبني وكده . بس لغاية ميخلص دراسه . المهم انا بطبيعتي مبحبش اطول ف العلاقات وهو اكتر حد قعدت معا 3 سنين وهستنى لغاية ميخلص دراسة ويجي يخطب يعني سنه ع الاقل وعلى مانتجوز سنتين او اكثر . وبصراحه بحس بالملل كده المهم السنه الاولى والتانيه تمام وحلوين مع بعض ال ثالته بقى ابتدأ يدخل على تليفوني يتجسس ويشوفني بكلم مين وكده ف اكتر من مره قلتله مبحبش طريقة دي كل مره بيقول خلاص ومش هراقب تاني ويرجع يدخل . كنت مش بعمل حاجه لغاية مجنني وبتديت اكلم غيره عشان ابتدينا مشاكل وقرف .. ومطولش عليكم الخلاصه سبنا بعض من حوالي 3 اشهر ف بقا جالي قبل رمضان بيقولي كنتي بتضحكي عليا والمشكله جايبلي مواضيع ان انا كلمت شباب غيره بس بعد مفترقنا وفهمته انو من بعد ماسبنا بعض وحتى شوف ومرضاش يفهم المهم قالي مدام انتي رخيصه ولعبة هتسلى انا كمان وحلف ع المصحف لو مخرجش معاه وقت ماهو عاوز . صوري الي عندو ومحادثات ومكالمات كلها هيوديها لاهلي ويفضحني .. المهم طلعت معاه قبل رمضان بس ذلني ذل اقسم بالله اتمنيت الارض تنشق وتبلعني . حاولت اقنعه اني مقدرش اخرج وحرام كده . مش راضي يفهم فات رمضان وبعد العيد ومكلمنيش . ف المهم من حوالي اسبوعين كلمني قالي عوزك تخرجي وكل مره كانت بتصير حاجه تفركش الموضوع لغاية الاسبوع الي فات اخويا خد مني التليفون بتاعي . وقلتله ان مش معايا بس مصدقنيش وفضل يتصل ب امي وبنات خلاتي وكل ال يعرفهم عشان يكلموني ويقولولي كلميه لاحسن يعملك مصيبه . وانا جتلي حاله نفسيه بفكر اني انتحر وارتاح . المشكله اهلي مش هيرحموني لو عرفو موضوع شرف فيه صوري وخروجات وكده مش هتعدي على علقة والسلام . نهايتها يا يقتلوني ي ا اقتل نفسي .. وانا بصلي وبدعي وببكي كل يوم ومش عارفه ليه ربنا مش عاوز يساعدني . الاننسان مش معصوم عن الخطأ وانا تبت . استغفر الله العظيم وخلاص
لو تقدرو تفيدوني ياريت ماتبخلوش

مشاكل وحلول ذات صلة

• خيبة بعد الزواج واشمئزاز من زوجي
• عاوزة ربنا يباركلنا و نتجوز كده اكون غلطانة
• بسبب شكي و غيرتي افترقنا ورجعنا بعد خيانتي لها
• عايزة انتحر فى عيد ميلادى
• احب ابن خالتي وهو كان يحبني بس الحين لا
• اقول لماما على حبيبي ولا استنى شويه
• مش عارفة اخد قرار اسيبه ولا هارجع اندم