السلام عليك وحمة الله وبركاته
اسفة على ازعاج بس انا حبيت ابن خالي 8 سنين حب جنون كان كل حاجة في حياتي بس فجأة سابني راح اتجوز واحدة تانية وقالي انا عصبي وغيور مش حنقدر نعيش مع بعض بس قبل شهرين انفصالنا حصل حاجات بيننا مثل مسك ايد و بوسة و حضن انا حاسسة ان دا سبب انو يسبني .وحصل فات عليها سنة مش قادرة انساها ولا انسى اعماله ولا حبها ولا قادرة اتجوز ارجوكم تساعدونى وشكرا
كل شي قسمةونصيب وابن خالتك دامايستاهل تندم عليه انسيه خالص ولاتفكري فيه هوتزوج خلاص انتهى فكري في نفسك ولاتخبري خطيبك باللي حصل لك مع ابن خالتك وربي يكرمك بالزوج الصالح اللي يسعدك في حياتك
انا نفسى اعرف حاجة هو الولد لما يحب واحدة وطلب منها انو يبسها او يحضنها وهى وفقت تبقى كده هى قللت الادب مثلن لا طبعا لو هى بتحبو اكيد هتعمل كده علشان هى بتحبو يبقى كده صح ولا غلط
الله يزقك الزوج الصالح وحاولي تنسي ابن خالك ده لأنو ما يستاهل تدايقي نفسك عشانو لأنو حقير وتافه وربنا معاكي
طبعا لازم يحصل كده انا اسف بس دى الحقبقة لانه حاول و وجد منك استجابة ايه يخليه يكمل معاكى بعد كده…اولا الثقة ماتت و الحب معاها ثانيا الرغبة الجسدية خلصت يا اخت انتى لم تكونى امينة على نفسك والا و لا عليه ربنا يسامحك على خطئك بحقك و يعوضك
كل واحد مننا احنا الرجاله عايز واحده تحافظ عليه مش تخونه هو بيختبرك علشان يعرف انتى بتحافظى عليه ولا لا مافيش حاجه اسمها اصلى واثقه فيه وبحبه اللى بيحب حد ويخلصله ويحافظ على نفسه من اى شىء
يابنتى انسي الموضوع بتاع ابن خالك دا انسان ما عندوش ضمير دا لو انسان كويس ما كنش سمح لنفسه يعمل كدا معاكى والاخر يتزوج من غيرك وخصوصا انك في مقام اخته يعنى تهميه فشوفي حالك ومصلحتك وتزوجى وعيشي حياتك واستغفري ربك من اجل ان يبعت لكى ابن الحلال اللى تتمنيه والله الموفق
مخلاص الى حصل حصل بس اهم شئ انت بنت بنوت زى منتى ولابقيتى مدام؟؟ لو بنت بنوت زى منتى نفضيله خااااالص وانسيه وعيشي من جديد وبلاش تعملى الحوارات دى خليها بعد الجواز حتى لو مين كدا عازها ارفضي لانه بالفعل اى واحد مكانه هيشك انك ممكن تعملى كدا مع غيره
يا بنت الكرام لا انكر انكي اخطأتي حين سمحتي له بالحضن والبوسه ولا انكر انه كان هو ايضا حقير لانه تزوج وكسر قلبك لكن لا مانع ان تبدأي من جديد فالخطأ ليس خطأك وحدك فأنتي وثقتي فيه وهو كان لا يستحق ثقتك
بصى يا بنت الناس فى الزمن ده متلوميش إلا نفسك ولو كل واحد رمى الحمل على الدنياواللى فيها هيغلط كتير بحجة ان الدنيا بايظة ومفيش حد له أمان لكن كل واحد بإيده يقدر يحمى نفسه وميوقعاش فى مشاكل حتى من الاهل والأصحاب عشان كدة مكانش لازم تعملى كده وتديله الامان أوى حتى لو كنتى واثقة من حبه ليكى لان ده احترام لنفسك وكرامتك , وعلى فكرة انا كمان ابن خالتى بيحبنى وبحبه لكن عمره ما لمس أيدى وهو عشان كدة بيحترمنى جداومتمسك بيا , بس انصحك توبى اللى الله بإخلاص ولما تتخطبى تانى او حتى يتكتب كتابك اعوى تعملى كده عشان خطيبك يحترمك وصدقينى ابن خالك ده هيندم أوى لأنه مرعاش الدم اللى بينكم
استغفرى ربنا على كل حاجة عمليتها اولا ، وانسيه واوعى تقولى لاى حد على حصل بينكما ولو اتقدملك حد كويس وفقى عليه وحفظى على نفسك من اى حد مافيش حد يستاهل وربنا يرزقك بزوج صالح وافتكرى كرامتك وكل حاجة وحشة عملها ،وكفى بالزمن منسى
بصى يا ستى انا كل اللى اقدر اقولهولك ان بن خالك دة انسان واطى بمعنى الكلمة واية يعنى بوسة وحضن دانتى حتى لو نام معاكى دول 8سنين يعنى حفظتو بعض دة واطى واطى وربنا يكرمك وتنسية واكيد بيندم دلوقتى لان اللى بيحب مش بينسى
السلام عليكم ورحمة الله وبركاتة بالتاكيد سابك بسبب ايلى عملتيه معاه علشان كده ماتسلميش نفس لحد إلا جوزك على شرع الله وتوبى إلى الله على الذنوب ايلى عملتيها واعلمى إنه ده عقاب من الله بسبب فعلك هذا
بصي ياستي لو ابن خالك بيحبك بجد مكنش باسك ولا حضنك اصلا كان حافظ عليكي حتي من نفسة
انا مش شايفة من كلامك سبب انة يسيبك ابدا لانة بيحبك وبتحبية غير اني هو كان بيشغلك
وانتي غلطتي جداااااا لما سمحتي لية بكدة يمكن لو كنتي منعتي انة يبوسك او يحضنك كان اتمسك بيكي اكتر لانة ممكن يكون بيخبترك المهم اتعلمي من غلطك ومش تسمحي لاي حد يعملك كدة تاني واللي فية الخير ربنا يقدمهولك وصبري نفسك ولو ليكي خير فية ونصيب فية هتتجوزوا ان شاء الله
وعليكم السلام ورحمة الله وبركاته
أختى الغاليه
مش هضحك عليكى وهقولك إنه بيحبك بالعكس ده لو بيحبك كان حاربال دنيا علشان ومش يستاهل إنك حتى تفكرى فيه دلوقتى ولا تزعجى نفسك وبعدين إنتى غلطتى إنك آمنتى لواحد مش أهل للثقه فمش تلومى إلا نفسك بس أنا مش بعنفك فى الكلام بس علشان تاخدى بالك من نفسك بعد كده
وبعدين طالما بعد عنك فده أحسن ليكى لأنه لو كان اتجوزك كان ممكن يعايرك بالى عملتيه معاه
وفى الآخر حاول جاهدة أن تتقى الله وإنك تكونى غاليه على نفسك أكتر من كده ولمسة إيدك وحضنك تكون لزوجك مش لحد تانى.
أخوكى إسلام المحامى
اولا: كان خطيبك
ثانيا:حصل حاجات ممكن تكون السبب حسب كلامك
ثالثا:اتجوز واحده غيرك
رابعا: مش قادره تنسى
خامـــــــــــــــسا : ساعدونى
سادسا : مهما كان السبب واللى حصل -الكلام مش هيقدم ولا هيأخر
سابعا : استغنى عنك يبقى مش بيحبك
ثامنا : تجربه وانتهت
تاسعا : اتعلمى منها انك تخلى حدود مع خطيبك القادم و ربنا يكرمك و تحبوا بعض
عاشرا : واحد اتخلى عنك و مش عايزك , بمعن اصح ” باعك ” يبقى ميستاهلش انك تزعلى عليه او تفكرى فيه , الحلقه الاخيره انتهت .
بكل تاكيد ده السبب او علي الاقل احد الاسباب الرئيسيه..شوفي حالك واتجوزي واحذري انك تحكي لخطيبك القادم عما حدث مع ابن خالتك.. وبالتوفيق
حبيبة فلبي مافيش واحد هايبوس ويحضن ويمسك ايد في الاخر هايتزوج اللي بتعمل اكده وبعدين راعي ربكم في حالكم احمدي ربك انها جائت علي اكده وربي هايرزقك بالزوج الصالح خالي بالك من نفسك